The Protector on OTT : మలయాళం సినిమాలకు ఓటిటిలలో అన్ని భాషల ప్రేక్షకుల నుంచి మంచి రెస్పాన్స్ ఉంటుంది. కొంతమంది కేవలం మలయాళం సినిమాల కోసమే ఓటీటీలలో సెర్చ్ చేస్తారంటే అతిశయోక్తి కాదు. మాలీవుడ్ మేకర్స్ సినిమాలలో ఉండే సింప్లిసిటీ అలాంటిది మరి. ఇలాంటి సినిమాలను ఇష్టపడే వారి కోసమే మరో కొత్త మలయాళం మూవీ ఓటీటీలోకి అడుగు పెట్టింది. మరి ఆ మూవీ పేరేంటి ? ఈ మూవీని ఎక్కడ చూడొచ్చు ? అనే విషయాలను వివరంగా తెలుసుకుందాం పదండి.
మలయాళ థ్రిల్లర్ మూవీ ‘ది ప్రొటెక్టర్’ (The Protector). థియేటర్లలో రిలీజ్ అయిన ఆరు నెలల తర్వాత ఈ మూవీ డిజిటల్ ప్లాట్ఫామ్ లో తాజాగా అందుబాటులోకి వచ్చింది. 2025 ఆగస్టు 15న థియేటర్లలో రిలీజ్ అయిన ఈ మూవీకి ఆడియన్స్ నుంచి మిక్స్డ్ రెస్పాన్స్ దక్కింది. అయితే ఆకట్టుకునే కథాంశం, సస్పెన్స్ జోనర్లో రూపొందడం అనేది ఈ సినిమాకు మంచి గుర్తింపును తెచ్చిపెట్టింది. ఇక ఇప్పుడు ఈ మూవీ మనోరమా మాక్స్ అనే ఓటిటి ప్లాట్ ఫామ్ లో స్ట్రీమింగ్ అవుతోంది. ఫిబ్రవరి 13 నుంచి ఈ మూవీ డిజిటల్ స్ట్రీమింగ్ కు సిద్ధమైంది. కానీ పెద్దగా హడావిడి లేకుండా ఈ మూవీని ఓటీటీలోకి తీసుకొచ్చారు మేకర్స్. థియేటర్లలో ఆశించిన రెస్పాన్స్ దక్కనప్పటికీ ఓటీటీలో మాత్రం ఈ మూవీ ఆడియన్స్ ను ఆకర్షిస్తుందని అంచనా వేస్తున్నారు.
ఈ సినిమాలో షైన్ టామ్ చాకో ప్రధాన పాత్రలో నటించారు. సీఐ సత్య అనే పాత్రలో ఆయన కనిపిస్తారు. హీరోయిన్ గా డయానా హమీద్ నటించింది. బోబన్ అలుమూడన్, ఉన్ని రాజా, కాజల్ జాన్సన్, దేవి చందనా, శాంత కుమారి, సీమ మధు, సుధీర్ కరమణ, మని కుట్టన్, శివాజీ గురువాయూర్, తలైవాసల్ విజయ్ తదితరులు కీలక పాత్రలు పోషించారు. డైరెక్టర్ ఎంజి మను ఈ సినిమాతో డైరెక్టర్ గా పరిచయమయ్యారు. ప్రస్తుతం ఈ మూవీ ఓటిటిలో మలయాళం, తమిళం, తెలుగు భాషలలో అందుబాటులో ఉంది. ఉత్తర మలబార్ లోని మనక్కల్ ప్రాంతం నేపథ్యంలో ఈ థ్రిల్లర్ రూపొందింది. మనక్కల్ లో జరిగిన చారిత్రక సంఘటనలను ఇందులో ఆసక్తికరంగా చూపించారు. మరి మీరు కూడా ఈ మూవీని చూడాలంటే ముందుగా స్టోరీ ఏంటో తెలుసుకుందాం పదండి.
Also Read : 8.5 IMDb రేటింగ్… 18 శక్తి పీఠాల కథ… ఆదిశక్తి అవతారాలు చూస్తే పూనకాలే
సిఐ సత్య చుట్టు ఈ మూవీ స్టోరీ తిరుగుతుంది. ఆయన పోలీస్ శాఖలో క్రైమ్ ఇన్వెస్టిగేషన్ ఆఫీసర్ గా పని చేస్తారు. మనక్కల్ ప్రాంతంలో జరిగిన ఓ హత్య కేసును ఇన్వెస్టిగేట్ చేస్తుండగా, ఆ విచారణ అతన్ని గతంలోని రహస్యాల వైపు తీసుకెళ్తుంది. మనక్కల్, బ్రిటిష్ కాలంలో విధేయతకు మారుపేరు అని చెప్పుకునే ప్రాంతం. ఈ ప్రాంతం చుట్టూ ఎన్నో గందరగోళాన్ని కలిగించే ఆశ్చర్యకరమైన కథలు అల్లుకుని ఉంటాయి. గతంలో జరిగిన ఓ చారిత్రాత్మక మిస్టరీ చుట్టూ ఉన్న రహస్యాన్ని చేదించడానికి ప్రయత్నిస్తాడు సత్య. హర్రర్ ఎలిమెంట్స్ తో తెరకెక్కిన ఈ సినిమాలో గతం, ప్రస్తుత హత్యల మధ్య ఉన్న లింక్ బయట పడుతుంది. అసలు ఆ ప్రాంతంలో జరిగిన గత సంఘటనలు ఏంటి ? ఇన్వెస్టిగేషన్లో హీరో కనిపెట్టిన షాకింగ్ విషయం ఏంటి ? చివరికి ఏమైంది ? అనేది మూవీని చూసి తెలుసుకోవాల్సిందే.
Share
Today Movies in TV : మూవీ లవర్స్ కు పండగే.. సోమవారం సూపర్ హిట్ మూవీస్...
Nindu Noorella Saavasam Serial Today February 16th: ‘నిండు నూరేళ్ల సావాసం’ సీరియల్: రాథోడ్ ను అనుమానించిన మనోహరి
