Netflix Upcoming Series : నెట్‌ఫ్లిక్స్ ఓటీటీలోకి మరో తుర్కిష్ క్రైమ్ థ్రిల్లర్ సిరీస్ రాబోతోంది. ట్రైలర్ తోనే ఈ సిరీస్ ఆసక్తి రేపుతోంది. ఇందులో ముగ్గురు వ్యక్తులకు కోట్ల రూపాయల డబ్బు సంచులు దొరుకుతాయి. ఆ తరువాత గర్ల్ ఫ్రెండ్స్ , మాఫియా ఎంట్రీ తో స్టోరీ ఊహించని మలుపులు తిరుగుతుంది. ఈ తుర్కిష్ క్రైమ్ థ్రిల్లర్ సిరీస్ మరి కొద్ది గంటల్లో స్ట్రీమింగ్ కి వస్తోంది. థ్రిల్లర్ ఫ్యాన్స్ కి మరో ఇంట్రెస్టింగ్ స్టోరీ దొరికినట్టే. ఇది ఎప్పుడు స్ట్రీమింగ్ కానుంది ? దీని పేరు ఏమిటి ? అనే వివరాల్లోకి వెళ్తే …
ఈ తుర్కిష్ క్రైమ్ థ్రిల్లర్ వెబ్ సిరీస్ పేరు ‘ది టౌన్’ (The Town). ఇది ఉముత అరస్, బెర్క్ ఫర్స్ డైరెక్షన్ లో రూపొందింది. ఇది నెట్‌ఫ్లిక్స్ ఒరిజినల్ ఓకాన్ యాలబిక్, ఓజ్గుర్చాన్ చెవిక్, ఓజాన్ డోలునాయ్ లీడ్ రోల్స్ లో నటించారు. తుర్కిష్ థ్రిల్లర్ 2025 డిసెంబర్ 11 నుంచి నెట్‌ఫ్లిక్స్ లో స్ట్రీమింగ్ కాబోతోంది. 8 ఎపిసోడ్స్ ఉన్న ఈ సిరీస్ తుర్కిష్ ఒరిజినల్ తో పాటు హిందీ, తెలుగు, తమిళ, ఇంగ్లీష్ భాషల్లో అందుబాటులో ఉంది.
చాలా కాలంగా ఒకరికొకరు దూరంగా ఉన్న ఇద్దరు సోదరులు, వారి చిన్ననాటి స్నేహితుడు ఊహించని పరిస్థితుల్లో కలుసుకుంటారు. ఈ ముగ్గురు వ్యక్తుల మధ్య చిన్నప్పటి నుంచి బలమైన బాండింగ్ ఉంటుంది. వాళ్ళు తిరిగి కలిసినప్పుడు, అనుకోకుండా వారికి పెద్ద మొత్తంలో దొంగ సొమ్ము దొరుకుతుంది. ఒక రోజు రోడ్డు పక్కన ఒక కారు అక్సిడెంట్ జరిగి ఉంటుంది. వాళ్లు అక్కడికి వెళ్లి చూస్తే… బ్యాగ్‌లో కోట్ల రూపాయల మాఫియా డబ్బు ఉంటుంది. ఈ అదృష్టం వారి జీవితాలను పూర్తిగా మార్చివేస్తుంది. డబ్బు దొరికిన తర్వాత ప్రశాంతంగా ఉన్న జీవితాలు, ఒక్కసారిగా ప్రమాదకరమైన ఆటలా మారిపోతాయి. ఈ డబ్బును ఎలా ఉపయోగించుకోవాలి, ఎవరికి తెలియకుండా ఎలా దాచాలి అనే విషయాలపై వారి మధ్య విభేదాలు మొదలవుతాయి.
Read Also : ప్రాణాంతక వైరస్ నుంచి తప్పించుకోవడానికి పరుగులు… ఈ అమ్మాయి గట్స్ కు దండం పెట్టాల్సిందే భయ్యా
ఈ క్రమంలో వీళ్ళంతా అప్పటివరకు తమకు తెలియని నేర ప్రపంచంలోకి అడుగుపెడతారు. తమ కలలను సాకారం చేసుకోవాలనే కోరిక, వాటిని సాధించడానికి వీళ్ళు చేసే పనులతో సిరీస్ ఉత్కంఠంగా నడుస్తుంది. మధ్యలో వీళ్ళ గర్ల్ ఫ్రెండ్స్ ఇన్వాల్వ్ అవుతారు. అలాగే మాఫియా గ్యాంగ్ వాళ్లని హంట్ చేయడం మొదలెడుతుంది. చివరికి ఆ డబ్బు వల్ల వీళ్ళ సమస్యలు తీరుతాయా ? మాఫియా గ్యాంగ్ నుంచి వీళ్ళు బయటపడతారా ? అనే విషయాలను, ఈ తుర్కిష్ క్రైమ్ థ్రిల్లర్ వెబ్ సిరీస్ ని చూసి తెలుసుకోండి.
Share
TDP On Indigo: ఇండిగో సంక్షోభంలో టీడీపీ పెత్తనమంటూ ఆరోపణలు.. వాస్తవమెంత?
Hydra: మియాపూర్ లో రూ.600 కోట్ల ప్రభుత్వ భూమిని కాపాడిన హైడ్రా
