Thriller movie OTT : ఓటీటీలో ఎక్కువగా థ్రిల్లర్ సినిమాలే దర్శనం ఇస్తూ ఉన్నాయి. అలాగే ప్రేక్షకులు కూడా ఇలాంటి జోనర్ని ఎక్కువగా ఇష్టపడుతూ ఉంటారు. ఈ నేపథ్యంలో సస్పెన్స్ తో పిచ్చెక్కించే ఒక సినిమా గురించి చెప్పుకుందాం. ఒక్కో నిమిషం వణికిపోతూ ఉంటారు కొన్ని సీన్స్ చూస్తుంటే ఈ సినిమాలో. ఇప్పుడు మనం చెప్పుకోబోయే ఈ కథ, ఒక జంట సరదా కోసం వెకేషన్ కి వెళ్ళాక భయంకరమైన మలుపులు తిరుగుతుంది. ఇక ఈ సినిమాలో హింస, క్రూరమైన సీన్స్ ఎక్కువగా ఉంటాయి, కాబట్టి ఇది అందరికీ సరిపోకపోవచ్చు.
ఈ ఆస్ట్రేలియన్ సర్వైవల్ హారర్ థ్రిల్లర్ మూవీ పేరు ‘కిల్లింగ్ గ్రౌండ్’ (Killing Ground). డామియన్ పవర్ దర్శకత్వం వహించిన ఈ సినిమాలో హ్యారియెట్ డయ్యర్ (సామ్), ఇయాన్ మెడోస్ (ఇయాన్) లీడ్ రోల్స్ లో నటించారు. ఈ సినిమా ప్రస్తుతం Amazon Prime Video లో అందుబాటులో ఉంది. ఈ సినిమా నాన్-లీనియర్ పద్ధతిలో సాగుతుంది. కాబట్టి ప్రేక్షకులలో ఈ కథ ఉత్కంఠను పెంచుతుంది.
ఇయాన్, సామ్ అనే ఒక జంట, ఎంజాయ్ చేద్దామని సిటీ వదిలి అడవిలోకి క్యాంపింగ్కి పోతారు. తీరా అక్కడికి వెళ్ళాక చూస్తే, పక్కనే ఒక టెంట్ ఖాళీగా ఉంటుంది. లోపల సామాన్లన్నీ అట్లాగే ఉంటాయి కానీ మనుషులు మాత్రం కనపడరు. ఏమైందా అని వీళ్లు ఆరా తీస్తుండగా, సడన్గా ఒక చిన్న పిల్లోడు అడవిలో ఏడుస్తూ వీళ్లకు తగులుతాడు. ఆ పిల్లోడిని చూశాక వీళ్లకి మ్యాటర్ అర్థం కాదు కానీ ఏదో తేడా కొడుతోందని భయం మొదలవుతుంది. కట్ చేస్తే, ఆ అడవిలో ఇద్దరు లోకల్ మనుషులు ఉంటారు. వీళ్లు మామూలు మనుషులు కాదు, సైకోలు. అంతకుముందు వచ్చిన ఒక ఫ్యామిలీని దారుణంగా వేటాడి చంపి ఉంటారు. ఆ ఫ్యామిలీలో మిగిలినోడే ఆ పిల్లోడు.
ఇప్పుడు ఈ జంట కూడా అదే సైకోల కంట పడతారు. ఆ కిరాతకులు వీళ్లను కూడా వేటాడటం మొదలుపెడతారు. మనుషుల కంటే క్రూర మృగాల్లాగా ఆ సైకోలు చేసే రచ్చ చూస్తుంటే వెన్నులో వణుకు పుడుతుంది. ఇక ఆపదలో ఉన్నప్పుడు అసలు రంగు బయటపడుతుంది అన్నట్టు.. తన గర్ల్ ఫ్రెండ్ని, ఆ పిల్లోడిని కాపాడాల్సిన హీరో, భయంతో వాళ్లను వదిలేసి పారిపోతాడు. కానీ సామ్ మాత్రం వెనకడుగు వేయకుండా, ఆ ఇద్దరు సైకోలతో ఒంటరిగా పోరాడుతుంది. చివరికి ఆ సైకోలను ఆమె అంతం చేస్తుందా ? వాళ్ళ చేతుల్లో బలవుతుందా ? అనే విషయాలను మాత్రం, ఈ సినిమాను చూసి తెలుసుకోండి.
Read Also : ఓటీటీలోకి వచ్చేస్తున్న నానా పటేకర్ పొలిటికల్ థ్రిల్లర్ వెబ్ సిరీస్… స్ట్రీమింగ్ ఎప్పుడు ఎక్కడ ?
Share
Peddi Movie: పెద్ది క్లైమాక్స్ లో సంచలన ట్విస్ట్.. ఫ్యాన్స్ ఒప్పుకుంటారా?
Bombs Iran Oil Depots: ఇరాన్ చమురు డిపోలపై వరుసగా బాంబులదాడి, ఎగిసిపడిన మంటలు
