Thriller Movie OTT : ఓటీటీలలో రాజ్యమేలుతున్న సినిమాలలో కొరియన్ డ్రామాలు ముందు వరుసలో ఉంటాయి. ఈ సినిమాలు, సిరీస్ లకు ప్రపంచవ్యాప్తంగా అభిమానులు ఉండడంతో ఇలా ఓటీటీలోకి రాగానే, అలా ట్రెండింగ్ లో కన్పిస్తాయి. అయితే ఇప్పుడు మనం చెప్పుకోబోయే మూవీ కూడా అలాంటిదే. కాకపోతే బ్లడీ బ్లడ్ బాత్ ను ఇష్టపడే వాళ్ళకు మాత్రం ఐ ఫీస్ట్ అని చెప్పవచ్చు. ఎందుకంటే ఇదొక రివేంజ్ డ్రామా. యాక్షన్ ప్రియులు ఇష్టపడే బ్రూటల్ సీన్లు ఇందులో చాలానే ఉంటాయి. మరి ఈ చిత్రాన్ని ఎక్కడ చూడవచ్చు ? స్టోరీ ఏంటి ? అనే విషయాలను తెలుసుకుందాం పదండి.
దక్షిణ కొరియా నుంచి వచ్చిన నియో-నాయిర్ క్రైమ్ థ్రిల్లర్ మూవీ ‘నాక్టర్నల్ (Nocturnal)’. (ఒరిజినల్ టైటిల్: Beurokeun). టైటిల్ అర్థం “బ్రోకెన్”. 2025లో విడుదలైన ఈ మూవీకి దర్శకుడు కిమ్ జిన్-హ్వాంగ్ దర్శకత్వం వహించారు. బ్లడ్ బాయిల్ అయ్యే ఈ రివేంజ్ డ్రామాలో మిస్టరీ, ఫ్యామిలీ డ్రామా వంటి అంశాలు కూడా ఉంటాయి. మెయిన్ రోల్స్‌లో హా జంగ్-వు (బాయ్ మిన్-టే), కిమ్ నామ్-గిల్ (కాంగ్ హో-ర్యాంగ్), యూడా-ఇన్ (చా మూన్-యంగ్) నటించారు. 1 గంట 40 నిమిషాలు రన్ టైమ్ ఉన్న ఈ సినిమా ప్రస్తుతం అమెజాన్ ప్రైమ్ వీడియో (Amazon Prime Video)లో అందుబాటులో ఉంది. వయలెన్స్, డార్క్ థీమ్స్ ఉండడం వల్ల ఈ మూవీ పెద్దలకు మాత్రమే అని గుర్తు పెట్టుకోండి. IMDbలో దీనికి 6.0 రేటింగ్ ఉంది. బ్రూటల్, హెవీ ఎమోషనల్‌ సీన్స్ ఉన్నాయని మరచిపోవద్దు.
బే మిన్-టే (హా జంగ్-వు) అనే మాజీ గ్యాంగ్‌స్టర్ చుట్టూ ఈ మూవీ స్టోరీ తిరుగుతుంది. జైలు నుంచి బయట పడిన తర్వాత ఆయన శాంతియుత లైఫ్ ను గడుపుతాడు. కన్‌స్ట్రక్షన్ సైట్‌లో పని చేస్తూ, గతాన్ని మరచిపోయి హాయిగా జీవితాన్ని ఆస్వాదిస్తాడు. కానీ ఒక రోజు అతని చిన్న సోదరుడు బే సోక్-టే మరణించినట్టు తెలుస్తుంది. హీరో తమ్ముడు డ్రగ్ అడిక్ట్. పైగా అతనికి కొన్ని క్రైమ్ కనెక్షన్స్ ఉంటాయి. ఈ నేపథ్యంలోనే అతని శవం ఒక బార్‌ లో దొరుకుతుంది. సోక్-టే గర్ల్‌ఫ్రెండ్ చా మూన్-యంగ్ (యూడా-ఇన్) కూడా మిస్ అవుతుంది. విషయం తెలుసుకున్న మిన్-టే ఆగ్రహంతో, ప్రతీకారంతో ఆమెను వెతకడం మొదలెడతాడు.
పోలీసులు, గ్యాంగ్ స్టర్ బాస్, డ్రగ్ కేసులు అన్నీ ఇందులో ఇన్వాల్వ్ అవుతాయి. పోలీసులు మూన్-యంగ్‌ని మెయిన్ సస్పెక్ట్‌గా చూస్తారు. మిన్-టే ఆమెను కనుగొని నిజం ఏంటో తెలుసుకోవాలని ప్రయత్నిస్తాడు. అదే సమయంలో ఒక ఫేమస్ నవలా రచయిత కాంగ్ హో-ర్యాంగ్ (కిమ్ నామ్-గిల్) కూడా మూన్-యంగ్ ని వెతుకుతాడు. అతని లేటెస్ట్ బెస్ట్‌సెల్లర్ నవల “నాక్టర్నల్”లో సోక్-టే మరణం లాంటి ఈవెంట్స్ ముందే ఊహించినట్టుగా ఉంటాయి, మూన్-యంగ్ జీవితంతో సిమిలర్‌ గా ఉంటుంది ఆ నవల. అందుకే మిన్-టే ఈ నవలా రచయితని కలుస్తాడు. నవలలో ఎలా రియల్ ఈవెంట్స్ ని ప్రిడిక్ట్ చేసి రాశారు ? మూన్-యంగ్ ఎందుకు పారిపోయింది ? అనేది తెరపై చూడాల్సిన విషయం. గ్యాంగ్ స్టర్లు, పోలీస్, రచయిత మధ్య నడిచే సీన్స్ తో కథ పరుగులు పెడుతుంది. సీన్ సీనుకో ట్విస్ట్ తో ఉత్కంఠభరితంగా ఉంటుంది.
Read Also : 670 కోట్ల బ్లాక్ బస్టర్ ఓటీటీలోకి… స్ట్రీమింగ్ ఎప్పుడు ఎక్కడ ?
Share
Nindu Noorella Saavasam Serial Today February 9th: ‘నిండు నూరేళ్ల సావాసం’ సీరియల్‌: పెళ్లి కోసం తాళి బొట్టు కొన్న మనోహరి 
Intinti Ramayanam Today Episode: ఆస్తి కోసం శ్రీయ రచ్చ.. తండ్రికోసం కమల్ కన్నీళ్లు.. రాజేంద్రను లేపేసేందుకు పల్లవి ప్లాన్..
