Thriller movie OTT : ఉద్యోగం కోసం మర్డర్ ప్లాన్… ఒక్కొక్కరిని ఒక్కో విధంగా… కిరాక్ ట్విస్టులు

Thriller movie OTT : కొరియన్ సినిమాలను క్రేజీగా చూస్తున్నారు ఆడియన్స్. ఓటీటీలో చూసేందుకు మరింత ఇష్టపడుతున్నారు. అయితే రీసెంట్ గా వచ్చిన ఒక థ్రిల్లర్ సినిమా ఓటీటీలో మంచి రేటింగ్ తో దూసుకెళ్తోంది. ఈ సినిమా ఆస్కార్ బరిలో కూడా ఉంది. మనిషి తన ఉనికి కోసం ఎంతటి దారుణానికైనా ఒడిగడతాడనే పాయింట్‌ను, ఈ సినిమా నవ్వుతెప్పిస్తూనే, భయం పుట్టించేలా చూపిస్తుంది. ఒక మధ్యతరగతి వ్యక్తి, ఉద్యోగం సంపాదించడానికి ఇందులో సీరియల్ కిల్లర్ గా మారుతాడు.

ఏ ఓటీటీలో స్ట్రీమింగ్ అంటే

ఈ బ్లాక్ కామెడీ థ్రిల్లర్ సినిమా పేరు ‘నో అదర్ ఛాయిస్’ (No Other Choice). ఇది ప్రముఖ కొరియన్ దర్శకుడు పార్క్ చాన్-వుక్ దర్శకత్వంలో డొనాల్డ్ ఇ. వెస్ట్‌లేక్ రాసిన ‘ది ఆక్స్’ అనే నవల ఆధారంగా రూపొందింది. ఇందులో లీ బైంగ్-హున్, సన్ యే-జిన్, పార్క్ హీ-సూన్ తదితరులు నటించారు. ఈ సినిమా కొరియాలో 2025 సెప్టెంబర్ 24న విడుదలైంది. 2025 టొరంటో ఇంటర్నేషనల్ ఫిల్మ్ ఫెస్టివల్‌లో ‘పీపుల్స్ ఛాయిస్ అవార్డు’ గెలుచుకుంది. అలాగే 98వ ఆస్కార్ అవార్డులకు దక్షిణ కొరియా తరపున అధికారికంగా ఎంపికైంది. ప్రస్తుతం ఈ సినిమా అమెజాన్ ప్రైమ్ వీడియోలో అందుబాటులో ఉంది.

స్టోరీ ఏమిటంటే

మాన్-సూ ఒక పేపర్ కంపెనీలో 25 ఏళ్లుగా మేనేజర్‌గా చేస్తూ లైఫ్‌లో బాగా సెటిల్ అవుతాడు. కానీ ఒక్కసారిగా కంపెనీ అతన్ని తీసేయడంతో కష్టాలు మొదలవుతాయి. ఏడాది పాటు ఎన్ని ప్రయత్నాలు చేసినా వేరే ఉద్యోగం మాత్రం దొరకదు. ఉన్న ఇల్లు, ఫ్యామిలీలో గౌరవం పోతాయేమో అన్న భయంలో అతను ఒక పిచ్చి నిర్ణయం తీసుకుంటాడు. తాను చేరాలనుకున్న కంపెనీలో ఆ ఉద్యోగం కోసం ఎవరెవరైతే పోటీ పడుతున్నారో, ఆ అభ్యర్థులందరినీ చంపేస్తే తనకి అడ్డుండదని మాస్టర్ ప్లాన్ వేస్తాడు. అందుకోసం అతను ఇప్పుడు ఒక సీరియల్ కిల్లర్ లా మారుతాడు.

ఉద్యోగం కోసం పోటీలో ఉన్న ఒక్కో వ్యక్తిని మాయమాటలతో పిలిపించి చాలా తెలివిగా అంతం చేస్తూ వెళ్తాడు. ఈ క్రమంలో జరిగే హత్యలు, అతను పడే టెన్షన్ సినిమాను చాలా గ్రిప్పింగ్‌గా మారుస్తాయి. చివరికి అతను అనుకున్నట్టే ఉద్యోగం సాధిస్తాడా ? ఫ్యామిలీలో గౌరవం దక్కుతుందా ? తను చేసిన నేరాలు బయట పడతాయా ? ఈ క్లైమాక్స్ ఏమిటి ? అనే విషయాలను ఈ సినిమాను చూసి తెలుసుకోవాల్సిందే.