Best Sports Movies on OTT : మీకు రియల్ లైఫ్ ఇన్సిడెంట్స్, నిజ జీవితంలో హీరోలుగా నిలిచిన వారి కథలు చూడటం ఇష్టమా ? అయితే ఓటీటీ ప్లాట్ఫామ్ ‘జియో హాట్స్టార్’ (JioHotstar) లో అందుబాటులో ఉన్న ఈ మూడు అద్భుతమైన బయోపిక్లను అస్సలు మిస్ అవ్వకండి. బాలీవుడ్ అయినా, సౌత్ సినిమా అయినా… సమాజంలో తమ కృషితో చరిత్ర సృష్టించిన వారి ప్రయాణాన్ని తెరపై చూపిస్తే ఆ కిక్కే వేరు. వినోదంతో పాటు ఎంతగానో ఇన్స్పైర్ చేసే ఈ మూడు సినిమాలు IMDb లో 8 కంటే ఎక్కువ రేటింగ్ సాధించి ప్రేక్షకులను మెప్పించాయి. మరి ఆ సినిమాలు ఏంటంటే ?
భారత క్రికెట్ చరిత్రలోనే అత్యంత విజయవంతమైన మాజీ కెప్టెన్ మహేంద్ర సింగ్ ధోని జీవితం ఆధారంగా ఈ సినిమా తెరకెక్కింది. ఒక చిన్న పట్టణంలో రైల్వే టికెట్ కలెక్టర్ గా పని చేస్తూ.. దేశం గర్వించే క్రికెటర్ గా అతను ఎలా ఎదిగాడు ? అనేది ఇందులో అద్భుతంగా చూపించారు. ధోని పాత్రలో దివంగత నటుడు సుశాంత్ సింగ్ రాజ్పుత్ ఒదిగిపోయారు. అతని కెరీర్ లోని ఒడిదొడుకులు, ప్రేమకథ, వరల్డ్ కప్ విజయాల ప్రయాణం ప్రతి ఒక్కరికీ స్ఫూర్తినిస్తుంది. దీనికి ఐయండీబీలో 8.0 రేటింగ్ ఉంది.
ఇది ఒక జాతీయ స్థాయి అథ్లెట్ జీవితంలో జరిగిన ఊహించని మలుపుల కథ. దేశం తరఫున పతకాలు గెలిచిన ఆర్మీ జవాన్, స్టీపుల్చేజ్ ఛాంపియన్ అయిన పాన్ సింగ్ తోమర్, పరిస్థితుల ప్రభావం వల్ల చంబల్ లోయ బందిపోటుగా మారాల్సి వస్తుంది. ఒక క్రీడాకారుడు తిరుగుబాటుదారుడిగా మారడానికి దారి తీసిన సమాజ అవినీతి, కుటుంబ తగాదాలను దర్శకుడు చక్కగా చూపించారు. ఇర్ఫాన్ ఖాన్ తన అద్భుత నటనతో ఈ సినిమాను ఎప్పటికీ గుర్తుండిపోయేలా చేశారు. దీనికి 8.3 రేటింగ్ ఉంది.
Also Read : ఈ ఏడాది ఓటీటీలో అదరగొడుతున్న వెబ్ సిరీస్ లు.. వీకెండ్ లో చూస్తే మాజానే వేరు
వయసు అనేది కేవలం అంకె మాత్రమే అని నిరూపించిన క్రికెటర్ ప్రవీణ్ తాంబే కథ ఇది. చాలా మంది ఆటగాళ్లు 40 ఏళ్లకు రిటైర్మెంట్ గురించి ఆలోచిస్తే, ప్రవీణ్ తాంబే 41 ఏళ్ల వయసులో ఐపీఎల్ (IPL) ద్వారా తన ప్రొఫెషనల్ క్రికెట్ కెరీర్ ను ప్రారంభించి చరిత్ర సృష్టించాడు. సాధారణ మధ్యతరగతి వ్యక్తి తన కల కోసం పడిన తపనను నటుడు శ్రేయాస్ తల్పాడే తెరపై అద్భుతంగా పండించారు. ఐఎండీబీలో దీనికున్న రేటింగ్ 8.3. ఈ మూడు సినిమాలు కేవలం కాలక్షేపానికే కాకుండా, జీవితంలో అనుకున్నది సాధించాలనే పట్టుదలను పెంచుతాయి.
Share
అబ్బాయిలు కన్పిస్తే రెచ్చిపోయి ఆ పాడు పని చేసే మోహినీ పిశాచి
2 గంటల 41 నిమిషాల సస్పెన్స్ థ్రిల్లర్... ఫహద్ ఫాజిల్ ను ఇలాంటి పాత్రలో ఎప్పుడూ చూసి ఉండరు
