Horror Thriller OTT : కొన్ని హర్రర్ సినిమాలు ఎంత డేంజరస్ గా ఉంటాయంటే… మూవీని చూసిన చాన్నాళ్ల తరువాత కూడా దానికి సంబంధించిన జ్ఞాపకాలు వెంటాడతాయి. కల్లోకి వచ్చి కలవర పెడతాయి. ఇలాంటి సినిమాలకు వీక్ హార్ట్ ఉన్న ఆడియన్స్ చూస్తే అంతే సంగతులు. కానీ హర్రర్ మూవీ లవర్స్ కు మాత్రం ఇంతటి ఎక్స్ట్రీమ్ హర్రర్ ఉన్న సినిమాలంటేనే ఇష్టం. అలాంటి క్రేజీ మూవీ లవర్స్ కోసమే ఈ మూవీ సజెషన్.
ఇండోనేషియా సంస్కృతి, మూఢనమ్మకాల నేపథ్యంలో సాగే ఒక భయంకరమైన సూపర్ నేచురల్ హర్రర్ థ్రిల్లర్ Waktu Maghri. 2023లో రూపొందిన ఈ మూవీని సూర్యాస్తమయం వేళ పిల్లలు బయట తిరగకూడదనే స్థానిక నమ్మకం ఆధారంగా తెరకెక్కించారు. ఈ సూపర్ హిట్ ఇండోనేషియన్ హారర్ చిత్రం సిద్ధార్థ్ టాటా దర్శకత్వంలో వచ్చింది. ఇప్పుడు Amazon Prime Video ఓటీటీలో ఈ మూవీని వీక్షించవచ్చు. ఈ సినిమాలో ఉన్న భయంకరమైన సీన్స్ కారణంగా UAE, సౌదీ అరేబియా వంటి కొన్ని ముస్లిం దేశాలలో ఈ సినిమాను ఓటీటీలో నుంచి రిమూవ్ చేశారు. ఇందులో చైల్డ్ ఆర్టిస్టుల నటన నుంచి మొదలు పెడితే, భయపెట్టే బ్యాక్గ్రౌండ్ మ్యూజిక్, లోకల్ స్టోరీస్ వంటి ఎలిమెంట్స్ వెన్నులో వణుకు పుట్టిస్తాయి. క్లైమాక్స్ క్రేజీగా ఉంటుంది. మరి ఇంకెందుకు ఆలస్యం ఈ భయంకరమైన మూవీ స్టోరీ ఏంటో తెలుసుకుందాం పదండి.
సెంట్రల్ జావాలోని ఒక మారుమూల గ్రామంలో స్టోరీ నడుస్తుంది. ఆది, సమన్, ఆయు అనే ముగ్గురు చిన్న పిల్లలు ఉంటారు. ఆది, సమన్ రోజూ స్కూలుకు ఆలస్యంగా వెళతారు. అందుకు కారణం తమ కుటుంబాలకు పొలం పనుల్లో సహాయం చేయడం. దీనివల్ల రోజూ టీచర్ తో దెబ్బలు తినాల్సి వచ్చింది. దీంతో ఆమెపై తీవ్ర కోపంతో ఉంటారు. ఆ కోపంతోనే ఆది, సమన్, మగ్రిబ్ ప్రార్థనల సమయం మొదలవుతున్న తరుణంలో “ఆమె చచ్చిపోతే బాగుండు” అని గట్టిగా శపిస్తారు. విచిత్రంగా ఆ శాపం పెట్టిన కొద్దిసేపటికే మిసెస్ వోరో ఒక దారుణమైన ప్రమాదంలో చనిపోతుంది. అయితే ఆమె మరణం అనుమానాస్పదంగా మారుతుంది.
Also Read : కరోనా కంటే డేంజర్ వైరస్… ఒకసారి చూస్తే అస్సలు వదిలిపెట్టరు
టీచర్ చనిపోయినప్పటి నుండి ఆది, సమన్ ఇద్దరి జీవితంలో ఊహించని కష్టాలు ఎదురవుతాయి. భయంకరమైన దెయ్యాలు కన్పిస్తాయి. టీచర్ యూనిఫాంలో ఉన్న ఒక వింత ఆకారం వెంటాడుతూ భయపెడుతుంది. నెమ్మదిగా ఆ దుష్టశక్తి వారి శరీరాలపై, ఆత్మలను కంట్రోల్ చేస్తుంది. చూస్తుండగానే ఒకరోజు సమన్ ను పూర్తిగా దెయ్యం ఆవహిస్తుంది. తన సొంత అన్నతో దారుణంగా గొడవ పడతాడు. తరువాత మగ్రిబ్ ప్రార్థనల సైరన్ వినబడుతున్న సమయంలోనే ఆత్మహత్య చేసుకుంటాడు. అలాగే అతని స్నేహితులు కూడా షాక్ అవుతారు. ఆదిని, మిగిలిన ఫ్రెండ్స్ ను కాపాడడానికి ఆయు ఎంట్రీ ఇస్తుంది. మరి చివరికి ఏమవుతుంది ? అసలు వాళ్ళను వెంటాడుతున్న ఆత్మ ఎవరిది ? ఎందుకు ఆ శాపం అందరినీ చంపుతుంది ? అన్నది తెరపై చూడాల్సిన స్టోరీ.
Share
సమంత ‘మా ఇంటి బంగారం’ ట్రైలర్ లాంచ్.. నందినీ రెడ్డి మార్క్ ఫ్యామిలీ ఎంటర్టైనర్ లోడింగ్!
వేసవిలో చెమటకాయల వల్ల మంట, దురదతో ఇబ్బందిపడుతున్నారా? ఈ సహజ పద్ధతులతో ఉపశమనం
