OTT Movie : 50 కి పైగా అవార్డులు…15 ఏళ్ల పాపకు నరకం చూపించే సైకోలు… గుండె తరుక్కుపోయే స్టోరీ

OTT Movie : ప్రపంచవ్యాప్తంగా విమర్శకుల ప్రశంసలు అందుకొని, అనేక ప్రతిష్టాత్మకమైన అవార్డులను గెలుచుకున్న సినిమా ‘వార్ విచ్’. ఈ మూవీ 50కి పైగా అంతర్జాతీయ అవార్డులను గెలుచుకుని రికార్డ్ సృష్టించింది. ముఖ్యంగా నటి రచెల్ మ్వాంజాకు అంతర్జాతీయ వేదికలపై లభించిన గుర్తింపు ఈ సినిమా ప్రత్యేకతను చెప్పకనే చెబుతోంది. ఇది 85వ అకాడమీ అవార్డుల వేడుకలో ఉత్తమ విదేశీ భాషా చిత్రం విభాగంలో కెనడా తరపున నామినేట్ అయింది. బెర్లిన్ అంతర్జాతీయ చలనచిత్రోత్సవంలో రచెల్ మ్వాంజాకు ఉత్తమ నటిగా సిల్వర్ బేర్ అవార్డు లభించింది. ఇది ఆమెకు అంతర్జాతీయ గుర్తింపును తెచ్చిపెట్టింది. ఇలా అనేక అవార్డులను గెలుకుకున్న ఈ సినిమా స్టోరీ ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే ..

ఏ ఓటీటీలో స్ట్రీమింగ్ అంటే

‘వార్ విచ్’ (War Witch) 2012లో రిలీజ్ అయిన కెనడియన్ ఆఫ్రికన్ మూవీ. కిమ్ నుయేన్ దీనికి దర్శకత్వం వహించారు. ఇందులో రాచెల్ మ్వాంజా, అలైన్ లెస్టర్, సెర్జ్ కాన్యోండా లీడ్ రోల్స్ లో నటించారు. 1 గంట 30 నిమిషాల నిడివి ఉన్న ఈ సినిమా ఐయండిబిలో 7.0/10 రేటింగ్ పొందింది. ప్రస్తుతం అమెజాన్ ప్రైమ్ వీడియోలో ఈ సినిమా అందుబాటులో ఉంది.

స్టోరీ ఏమిటంటే

పశ్చిమ ఆఫ్రికాలోని ఒక మారుమూల గ్రామంలో కోమొనా అనే పదిహేనేళ్ళ అమ్మాయి, ఫ్యామిలీతో ప్రశాంతంగా జీవిస్తుంటుంది. అయితే ఉన్నట్టుండి ఆమె జీవితం అకస్మాత్తుగా తలకిందులవుతుంది. ఒక తిరుగుబాటు సైన్యం ఆమె గ్రామంపై దాడి చేసి, ఆమె కళ్లెదుటే తల్లిదండ్రులను బలవంతంగా చంపేస్తారు. కోమొనాను కిడ్నాప్ చేసి, తమ సైన్యంలోకి బలవంతంగా చేర్చుకుంటారు. అక్కడ ఆమెకు కఠోర శిక్షణ ఇస్తారు. తుపాకీ పట్టడం, చంపడం నేర్పుతారు. కఠినమైన శిక్షణ, మాదకద్రవ్యాల ప్రభావంతో ఆమె ఒక బాల సైనికురాలిగా మారుతుంది. ఒక రోజు కోమొనాకు చెట్ల పొదల మధ్య వింత ఆకారాలు, ఆత్మలు కనిపించడం మొదలవుతుంది. ఈ మంత్రశక్తులు శత్రువులని ముందుగానే పసిగట్టడానికి సహాయపడతాయని సైన్యాధ్యక్షుడు నమ్మడంతో, ఆమెకు “వార్ విచ్” (యుద్ధ మంత్రగత్తె) అనే పేరు పెట్టి, ప్రత్యేక గౌరవాన్ని ఇస్తాడు.

ఇక సైన్యంలో ఉండగానే, కోమొనా మాజిక్ అనే అబ్బాయితో స్నేహం చేస్తుంది. ఇక వాళ్ళ మధ్య ప్రేమ కూడా పుడుతుంది. వాళ్ళిద్దరూ కలిసి ఆ భయంకరమైన వాతావరణం నుండి తప్పించుకోవడానికి ప్లాన్ వేస్తారు. అక్కడి నుంచి పారిపోయి, సురక్షితమైన ప్రదేశంలో కొత్త జీవితాన్ని ప్రారంభించాలని ఆశపడతారు. అయితే అది అంత సులభం జరగదు. వీళ్ళకి అడుగడుగునా అడ్డంకులు ఎదురవుతాయి. చివరికి వీళ్ళు ఆక్కడి నుంచి తప్పించుకుంటారా ? ఆమెకు కనపడే మంత్రశక్తులు ఎలాంటివి ? ఈ కథ ఎలా ముగుస్తుంది ? అనే ప్రశ్నలకు సమాధానాలను, ఈ సినిమాని చూసి తెలుసుకోవాల్సిందే.