Action Thriller: ఇండియన్ సినిమాల్లో హీరోయిన్లు గ్లామర్ కు మాత్రమే పరిమితం అవుతుంటారు. ఇప్పుడిప్పుడే ఆ ట్రెండ్ మారుతోంది. అయితే హాలీవుడ్ సినిమాల్లో ఈ ట్రెండ్ ఎప్పటినుంచో ఉంది. అలా ఓ లేడి కమాండో తీర్చుకున్న రివెంజ్ ను చూస్తే ముక్కున వేలేసుకుంటారు. తండ్రిని చంపిన వారిని తెలివిగా మన హిరోయిన్ మట్టుబెట్టే ఈ యాక్షన్ థ్రిల్లర్ పేరు ‘ట్రిగ్గర్ వార్నింగ్’ (Trigger Warning 2024). ప్రతీకారం తీర్చుకునే లేడీ కమాండో స్టోరీని ఏ ఓటీటీలో చూడొచ్చు ? స్టోరీ ఏంటి ? అనే వివరాలను తెలుసుకుందాం పదండి.
ఈ సినిమాలో హీరోయిన్ పేరు పార్కర్. ఆమె అమెరికన్ ఆర్మీలో స్పెషల్ ఫోర్సెస్ కమాండోగా పని చేస్తూ ఉంటుంది. విదేశాల్లో ఒక సీక్రెట్ మిషన్లో ఉన్నప్పుడు, స్వదేశంలో ఉన్న ఆమె తండ్రి హ్యారీ అకస్మాత్తుగా మరణించాడనే వార్త తెలుస్తుంది. ఆమె తండ్రి నడుపుతున్న బార్ బాధ్యతలను చూసుకోవడానికి, అతని అంత్యక్రియల కోసం పార్కర్ తన సొంత ఊరైన ‘స్వాలో’కి తిరిగి వస్తుంది.
కానీ తండ్రి నార్మల్ గా చనిపోలేదని, అదొక ప్లాన్డ్ మర్డర్ అని ఆమెకు అనుమానం వస్తుంది. పార్కర్ తన తండ్రి మరణం వెనుక ఉన్న నిజాలను వెలికితీసే క్రమంలో ఆ ఊరిని శాసిస్తున్న ఒక శక్తివంతమైన హింసాత్మక గ్యాంగ్తో తలపడాల్సి వస్తుంది. ఈ నేపథ్యంలో ఆమె మాజీ ప్రియుడు, ప్రస్తుతం ఆ ఊరి షెరీఫ్ అయిన జెస్సీ, అతని తండ్రి అయిన సెనేటర్ ఈజీల గురించి షాకింగ్ నిజాలు బయట పడతాయి. ఆ ఊరి కింద ఉన్న ఒక పాత మిలిటరీ బంకర్ నుండి అత్యాధునిక ఆయుధాలను దొంగిలించి బ్లాక్ మార్కెట్లో అమ్ముకునే ఒక పెద్ద మాఫియా నెట్వర్క్ను ఆమె తండ్రి కనిపెట్టాడని, అందుకే అతడిని చంపేశారని పార్కర్కు తెలుస్తుంది.
తన కమాండో స్కిల్స్ ఉపయోగించి ఆ ఊరిలోని అవినీతి రాజకీయ నాయకులను, క్రిమినల్ గ్యాంగ్ను పార్కర్ ఒంటరిగా అంతం చేస్తుంది. కత్తులతో యుద్ధాలు, గన్ ఫైట్స్, హై స్పీడ్ చేజ్ యాక్షన్ ప్యాక్డ్ సీక్వెన్స్లు అదిరిపోతాయి. మరి మాజీ ప్రియుడిని హీరోయిన్ ఎలా ఫేస్ చేసింది ? చివరికి వాళ్ళపై ఎలా పగ తీర్చుకుంది ? అన్నది తెలియాలంటే ఈ సినిమాను చూడాల్సిందే.
లీవుడ్ యాక్షన్ థ్రిల్లర్ ‘ట్రిగ్గర్ వార్నింగ్’. జెస్సికా ఆల్బా ప్రధాన పాత్రలో నటించిన ఈ చిత్రం2024 జూన్ 21న విడుదలైంది. Netflixలో ఈ సినిమా తెలుగు ఆడియోతో అందుబాటులో ఉంది. కాబట్టి తెలుగు ప్రేక్షకులు హ్యాపీగా ఎంజాయ్ చేయవచ్చు.
Read Also: బతికుండగానే చనిపోయిందని షాక్… డిజిటల్ ట్రాన్సాక్షన్ లో దిమ్మతిరిగే ట్విస్ట్
Share
ముళ్ల కుర్చీపై కూర్చున్న మల్లన్న! బాస్ను తిట్టే తిట్లన్నీ వింటూ ఓపిగ్గా భరించిన మల్లారెడ్డి..!
ఫిగర్ బాలేదని టార్చర్.. 40 ఏళ్లొచ్చాకే ఆ నరకం నుండి బయటపడ్డానంటున్న తారక్ హీరోయిన్
