Korean psychological thriller: సంతోషంగా ఉండే భార్యాభర్తలు ఇద్దరూ సడన్ డివోర్స్ తీసుకోవాలి అనుకుంటే… అంతలోనే భార్య మిస్ అయితే… ఇలాంటి ఇంట్రస్టింగ్ స్టోరీతో రూపొందిన క్రేజీ కొరియన్ డ్రామానే ‘ది హస్బెండ్’ (The Husband). ఈ ఉత్కంఠభరితమైన రొమాంటిక్ సస్పెన్స్ థ్రిల్లర్ ఏ ఓటీటీలో ఉంది ? స్టోరీ ఏంటి ? అనే వివరాలను తెలుసుకుందాం పదండి.
మన కొరియన్ హీరో కాంగ్ తే-జు. ఒకప్పుడు ప్రముఖ న్యూరోసర్జన్ గా ఉన్న ఆయన, ప్రస్తుతం ఒక హాస్పిటల్ డైరెక్టర్ గా పని చేస్తుంటాడు. అతని భార్య కో సే-యున్ అదే హాస్పిటల్కు చైర్పర్సన్ గా ఉంటుంది. వీరిద్దరి మధ్య గత కొన్ని సంవత్సరాలుగా పెరిగిన దూరం, మనస్పర్థల కారణంగా వారి వివాహ బంధం బీటలు వారుతుంది. ఎంతగానో ఆలోచించిన తర్వాత, వీరిద్దరూ మ్యూచువల్ అండర్స్టాండింగ్ తో విడాకులు తీసుకోవడానికి ఒక రోజు డిసైడ్ అవుతారు.
అయితే, విడాకులకు ఓకే అనుకున్న మరుసటి రోజే కో సే-యున్ అకస్మాత్తుగా మిస్ అవుతుంది. ఆమెను ఎవరో క్రూరమైన నేరస్థులు కిడ్నాప్ చేశారని తే-జుకు తెలియని నంబర్ నుండి వచ్చే ఫోన్ కాల్ ద్వారా తెలుస్తుంది. ఒకవైపు భార్య ఆచూకీ కోసం తే-జు వెతుకుతుంటే, మరోవైపు పోలీసులు ఈ కిడ్నాప్ వెనుక భర్త అయిన తే-జు హస్తమే ఉందని అనుమానిస్తారు. అతనిని అరెస్ట్ చేయడానికి పోలీసులు వెంబడిస్తారు. దీనితో అతను పోలీసుల నుండి తప్పించుకుని పారిపోతాడు.
అలా పారిపోతూనే భార్యను వెతికే డిటెక్టివ్ గా మారాల్సి వస్తుంది. భార్యను రక్షించే క్రమంలో అతను ప్రాణాలకు తెగించి పోరాడుతూ, దర్యాప్తు తీవ్రం చేసే కొద్దీ షాకింగ్ నిజాలు బయట పడతాయి. ఈ క్రమంలోనే తమ పెళ్లి వెనుక, అలాగే తన భార్య లీడర్షిప్లో ఉన్న హాస్పిటల్ మేనేజ్మెంట్ వెనుక దాగి ఉన్న కుట్రలు బయట పడతాయి. మరి హాస్పిటల్లో జరిగే అనేక అనుమానాస్పద సంఘటనలు ఏంటి ? అసలు తే-జు భార్యను కిడ్నాప్ చేసింది ఎవరు ?.శత్రువులు, పోలీసుల నుండి తప్పించుకుంటూ తే-జు తన భార్యను ఎలా కాపాడుకున్నాడు ? ప్రమాదంలో ఉన్నప్పుడు భార్యపై అతనిలో మళ్లీ ప్రేమ తిరిగి ఎలా చిగురించింది ? అనే ఉత్కంఠభరితమైన మలుపులతో సిరీస్ సాగుతుంది.
దక్షిణ కొరియా సూపర్ స్టార్ నామ్కూంగ్ మిన్ ప్రధాన పాత్రలో నటించిన కొత్త రొమాంటిక్ సస్పెన్స్ థ్రిల్లర్ ‘ది హస్బెండ్’ (The Husband). 2026లో విడుదలైన ఈ సిరీస్ 12 ఎపిసోడ్లుగా సాగింది. JioHotstarలో స్ట్రీమింగ్ అవుతున్న ఈ సిరీస్ కొరియన్ భాషలో, ఇంగ్లీష్ సబ్టైటిల్స్తో స్ట్రీమింగ్ అవుతోంది. తెలుగు ఆడియో ఇంకా అందుబాటులోకి రాలేదు. కొరియన్ మూవీ లవర్స్ కు ఈ సిరీస్ నచ్చుతుంది. ఇంకా చూడకపోతే వెంటనే ఒక లుక్కేయండి. ఖచ్చితంగా వర్త్ వాచింగ్ మావా అంటారు. భార్యాభర్తల మధ్య వచ్చే మనస్పర్థలను, అనురాగాన్ని ఇందులో అద్భుతంగా చూపించారు.
Read Also:
Share
1000 ఇంజెక్షన్లు.. 5సార్లు ఐవీఎఫ్.. నరకం అనుభవించానంటున్న ప్రముఖ నటి!
డబ్బు, అందం కాదు.. మహిళలు తమ భర్తలో ఈ 3 గుణాలు ఉండాలని కోరుకుంటారు
