Telugu Fantasy Adventure: విజువల్ వండర్ గా రూపొందిన ఓ భారీ కొత్త చిత్రం తాజాగా ఓటీటీలోకి అడుగు పెట్టింది. దానిదేం ఉంది ? కొత్త సినిమాలు అన్నప్పుడు డిజిటల్ స్ట్రీమింగ్ కు రావాల్సిందే కదా అంటారా ? నాలుగు వారాల థియేట్రికల్ విండో తరువాతే సినిమాలు ఇలా ఓటీటీలో అడుగు పెడతాయి. కానీ ఈ సినిమా మాత్రం థియేటర్లలో రిలీజ్ అయిన మూడు వారాల వ్యవధిలోనే స్ట్రీమింగ్ కి వచ్చేసింది. ఆ వంద కోట్ల భారీ సినిమానే ‘నాగబంధం ది సీక్రెట్ ట్రెజర్’ (Naga Bandham The Secret Treasure). మరి ఈ సినిమా ఓటీటీలోకి ఇంత త్వరగా రావడానికి కారణం ఏంటి ? మూవీని ఎక్కడ చూడవచ్చు ? అనే వివరాలను తెలుసుకుందాం పదండి.
ప్రాచీన కాలంలోని ఒక పురాతన విష్ణు దేవాలయంతో సినిమా షురూ అవుతుంది. ఆ కాలంలో ఒక అపారమైన దైవిక నిధిని రహస్య భూగర్భ గదిలో భద్రపరుస్తారు. ఆ నిధి లోక కల్యాణం కోసం మాత్రమే ఉపయోగపడాలని, సాధారణ మానవులు ముట్టుకోకుండా దానికి ‘నాగబంధం’ అనే శక్తివంతమైన ఆధ్యాత్మిక ముద్రను వేస్తారు. ఈ ముద్రను ఛేదించడం సామాన్యులకు అసాధ్యం. ఎవరైనా దురాశతో దాన్ని తాకితే పవిత్ర సర్పాల శాపం పడుతుంది.
ఇక్కడి నుంచి కథ ఆధునిక కాలంలోకి మారుతుంది. అంతర్జాతీయ పురాతన వస్తువుల స్మగ్లర్, మన విలన్ జగపతిబాబు. అతని అనుచరుడు ఈ నిధి గురించి తెలుసుకుంటారు. ఆధునిక సాంకేతికత, కొందరు క్షుద్ర మాంత్రికుల సహాయంతో ఆ ఆలయ రహస్యాన్ని కనిపెడతారు. కానీ ఆ నాగబంధం సీల్ ను బ్రేక్ చేయాలంటే ఒక పవిత్రమైన వస్తువు కావాలి. అదే హిమాలయాల్లో మాత్రమే లభించే అరుదైన బ్రహ్మకమలం పుష్పం. అలాగే ఓ వంశానికి చెందిన రక్తం అవసరమని తెలుసుకుంటారు.
మరోవైపు హీరో రుద్ర ఎంట్రీ ఉంటుంది. అతనికి పురాతన కట్టడాలు, చరిత్ర అంటే చాలా ఇష్టం. అనుకోకుండా అతనికి ఈ ఆలయానికి సంబంధించిన కొన్ని వింత సంకేతాలు, కలలు రావడం మొదలవుతుంది. ఈ క్రమంలోనే అతనికి హీరోయిన్ పరిచయమవుతుంది. ఆమె కూడా ఈ పురాతన రహస్యాలపై పరిశోధన చేస్తుంటుంది. ఇద్దరూ కలిసి ఆ రహస్యాన్ని వెలికితీసే ప్రయత్నం చేస్తారు. అంతలోనే విలన్ల బృందం ఆ పవిత్ర వస్తువులను దక్కించుకుని, ఆలయ గర్భగుడిలోకి ప్రవేశించడానికి ప్రయత్నిస్తుంది.
ఆ సమయంలో ప్రకృతిలో వింత మార్పులు చోటుచేసుకుంటాయి. సనాతన ధర్మాన్ని, ఆ దైవిక నిధిని కాపాడటానికి ప్రకృతి ‘రుద్ర’ను ఒక సాధనంగా ఎంచుకుంటుంది. విలన్లు ఆ నిధిని తాకినప్పుడు నాగబంధం శక్తులు మేల్కొని భయంకరమైన సర్పాల రూపంలో వారిపై దాడి చేస్తాయి. అంతేకాదు ఈ టైమ్ లోనే హీరో ప్రాణంగా ప్రేమించే తల్లిని, చెల్లిని విలన్ల చేతుల్లో పోగొట్టుకుంటాడు. అంతేకాదు హీరోయిన్ కు సంబంధించిన షాకింగ్ విషయం కూడా తెలుస్తుంది.
ఇంతకీ హీరోకి తెలిసిన ఆ షాకింగ్ నిజం ఏంటి ? హీరోయిన్ ఎవరు ? అదే రూపంతో పరిచయం అయిన మరో అమ్మాయి కథ ఏంటి ? చివరికి హీరో ఆ దుష్టులపై ఒంటి చేత్తో ఎలా పోరాటం చేశాడు ? ‘నాగబంధం’ను ఎలా కాపాడాడు ? అన్నది తెలియాలంటే ఈ సినిమం చూడాల్సిందే.
విరాట్ కర్ణ, నభా నటేష్ ఇందులో హీరో హీరోయిన్లుగా నటించగా, ఐశ్వర్య మీనన్, జగపతి బాబు, మహేష్ మంజ్రేకర్, దక్ష నాగర్కర్, మురళీ శర్మ, రిషబ్ సావ్నీ తదితరులు కీలక పాత్రలు పోషించారు. ఈ భారీ సోషియో ఫాంటసీ యాక్షన్ అడ్వెంచర్ థ్రిల్లర్ కు అభిషేక్ నామా దర్శకత్వం వహించారు. ఈ సినిమా జూలై 3న ప్రపంచవ్యాప్తంగా థియేటర్లలో విడుదలైంది. 100 కోట్ల బడ్జెట్ తో రూపొందిన ఈ మూవీకి డిజాస్టర్ టాక్ తెచ్చకుకోవడంతో మూడు వారాల్లోనే ఓటీటీలోకి అడుగు పెట్టింది. ఇప్పుడు అమెజాన్ ప్రైమ్ వీడియోలో తెలుగు ఆడియోతో స్ట్రీమింగ్ అవుతోంది.
Share
మౌంట్ ఎవరెస్ట్ పై వందల మృతదేహాలు.. వాటిని ఎందుకు తీసుకురారు?
నాని చేతులు దాటిపోతున్న 'ది ప్యారడైజ్'? అసలు లోపల ఏం జరుగుతోంది!
