Social Crime Drama : హ్యాపీగా సాగిపోతుంది అనుకున్న లైఫ్ ను, దిక్కుతోచని స్థితిలోకి తీసుకెళ్లడానికి ఊహించని ఒకే ఒక్క సంఘటన చాలు. ఒక్క రాత్రి పార్టీ కొంతమంది అబ్బాయిల జీవితాలను ఎలా నాశనం చేసింది ? ఐఏఎస్ కావాలని కలలు కన్న అమ్మాయిపై ఆ పార్టీ వల్ల ఎలాంటి కోలుకోలేని దెబ్బ పడింది ? అన్నది తెలియాలంటే ‘యూఫోరియా’ (Euphoria) అనే ఈ సినిమాను చూడాల్సిందే. 2026లోనే తెరపైకి వచ్చిన ఈ చిత్రం ప్రస్తుతం ఏ ఓటీటీలో ఉంది ? స్టోరీ ఏంటి ? అనే వివరాలను తెలుసుకుందాం పదండి.
చైత్ర ఐఏఎస్ కావాలనే బలమైన ఆశయమున్న టాపర్ స్టూడెంట్. ఆ అమ్మాయే సినిమాలో మన మెయిన్ లీడ్. ఒకరోజు తన స్నేహితురాలితో కలిసి పబ్‌ పార్టీకి వెళ్తుంది. మంచి అమ్మాయి కాబట్టి ఇంట్లో తల్లిదండ్రులు కూడా ఆమెకు అడ్డు చెప్పకుండా, ఫ్రెండ్స్ తో ఎంజాయ్ చేయడానికి పంపిస్తారు. పార్టీ అనంతరం తిరిగి వస్తున్న సమయంలో వికాస్, అతని స్నేహితుల గ్యాంగ్ కారులో ఎక్కుతుంది చైత్ర.
బాగా పలుకుబడి ఉన్న మైనర్ యువకులు వాళ్ళు. డ్రగ్స్ మత్తులో చైత్రపై దారుణంగా అఘాయిత్యం చేస్తారు. ఈ సంఘటన చైత్రను కుంగదీస్తుంది. అయినప్పటికీ జరిగిన దారుణాన్ని చైత్ర ధైర్యంగా తన తల్లికి చెప్పడంతో, పోలీసు కేసు నమోదు చేస్తారు. ఈ కేసును టేకప్ చేస్తాడు పోలీస్ కమిషనర్ జయదేవ్. అయితే నిందితులు మైనర్లు కావడంతో పోక్సో యాక్ట్ కింద విచారణ స్టార్ట్ చేస్తారు. నిందితులంతా సమాజంలో బాగా పలుకుబడి ఉన్న రాజకీయ నాయకులు, బడా వ్యాపారవేత్తల పిల్లలు. అందుకే పోలీసులపై విపరీతమైన రాజకీయ ఒత్తిళ్లు వస్తాయి.
మిగతా వాళ్ళ తల్లిదండ్రులంతా తమ పిల్లల తప్పును కప్పి ఉంచడానికి ప్రయత్నిస్తారు. కానీ తన కొడుకు వికాస్ ఈ ఘోరానికి ప్రధాన సూత్రధారి అని తెలిసినప్పుడు తల్లి వింధ్య చలించిపోతుంది. సమాజానికి బుద్ధి చెప్పాల్సిన విద్యాసంస్థల అధినేతగా ఉంటూ, తన కొడుకే ఇలాంటి తప్పు చేయడాన్ని ఆమె తట్టుకోలేకపోతుంది. దీనికి బాధ్యత వహిస్తూ ఆమె తన ప్రిన్సిపల్ పదవికి రాజీనామా చేస్తుంది.
కొడుకును కాపాడాలంటూ భర్త నుంచి ఒత్తిడి వచ్చినప్పటికీ, ఆమె చైత్రకే మద్దతుగా నిలుస్తుంది. స్వయంగా కొడుకు తప్పును నిరూపించే కీలక ఆధారాలను పోలీసులకు అప్పగించి, కోర్టులో సాక్ష్యం చెబుతుంది. మరి ఆ తరువాత కేసు ఎలాంటి మలుపు తిరిగింది ? వికాస్ కు ఎలాంటి శిక్ష పడింది ? సొంత తల్లే ఎందుకు ఇలాంటి నిర్ణయం తీసుకుంది ? చివరికి చైత్ర లైఫ్ ఎలాంటి టర్న్ తీసుకుంది ? అన్నది తెలియాలంటే ఈ సినిమాను వీక్షించాల్సిందే.
భూమిక, సారా అర్జున్ ప్రధాన పాత్రలు పోషించిన ‘యుఫోరియా’ అనే సోషల్ క్రైమ్ డ్రామా ఫిబ్రవరి 6న థియేటర్లలో విడుదలై విమర్శకుల ప్రశంసలు అందుకుంది. ఇప్పుడు ఆహా, ETV Win, JioHotstar, Amazon Prime Videoలలో తెలుగు ఆడియోతో స్ట్రీమింగ్ అవుతోంది. తెలుగులోనూ అందుబాటులో ఉంది.
Read Also: కూతురు కోసం ప్రపంచాన్ని పీకి పందిరేసే తండ్రి… ఒక్కో సీన్ మెంటల్ మాస్ మావా
Share
నాని చేతులు దాటిపోతున్న 'ది ప్యారడైజ్'? అసలు లోపల ఏం జరుగుతోంది!
బీసీసీఐ పొమ్మ‌న‌క‌ముందే, వెళ్లిపో...లేక‌పోతే మెడ‌లు ప‌ట్టి గెంటేస్తారు, గంభీర్ కు కైఫ్ హెచ్చ‌రిక
