Zombie-comedy OTT : జాంబీ సినిమా అనగానే రక్తం తాగే రక్త పిశాచులు, వాటి నుంచి తప్పించుకుంటూ ప్రాణాలు అరచేత పట్టుకుని పారిపోయే జనాలు కళ్ళముందు మెదులుతారు. కానీ ఈ జానర్ లోనూ కామెడీని ఊహించడం కాస్త కష్టమే. కానీ ఓ డైరెక్టర్ మాత్రం జాంబీ మూవీ లవర్స్ కు ఆ లోటును కూడా తీర్చే ప్రయత్నం చేశారు. మరి ఆ జాంబి కామెడీ మూవీ పేరేంటి ? ఏ ఓటీటీలో స్ట్రీమింగ్ అవుతోంది ? కథ ఏంటి ? అనే వివరాల్లోకి వెళ్తే…
ఇప్పుడు మనం మాట్లాడుకుంటున్నది సౌత్ కొరియా మూవీ ‘జాంబీ ఫర్ సేల్’ (Zombie for Sale). ఒరిజినల్ టైటిల్ ‘చుగుక్హన్ జాంబీ’. 2019లో విడుదలైన ఈ సౌత్ కొరియన్ జాంబీ కామెడీ-హారర్-డ్రామా సినిమాకు జో జీ-హ్వాన్ దర్శకత్వం వహించారు. జాంబీ జానర్ లో కామెడీ, ఫ్యామిలీ ఎమోషన్స్, సామాజిక సందేశంతో మిక్స్ చేసిన యూనిక్ కాన్సెప్ట్ తో రూపొందిన మూవీ ఇది. థియేటర్లలో విడుదలై మంచి విజయం సాధించింది. ప్రస్తుతం Prime Videoలో అందుబాటులో ఉంది.
Also Read : కొంకణా సేన్ శర్మ సైకలాజికల్ థ్రిల్లర్ ఓటీటీ రిలీజ్ డేట్… ఎప్పుడంటే ?
ఒక చిన్న గ్రామంలో హ్యాంగ్-సూ (జంగ్ యె-జిన్), జూన్-హ్వాన్ అనే ఇద్దరు బ్రదర్స్ ఉంటారు. వాళ్ళు ఇద్దరూ తమ తండ్రి (హీ జిన్-హీ)తో కలిసి ఒక చిన్న ఫార్మసీని నడుపుతారు. ఆ ఫార్మసీ దగ్గర్లోనే ఒక పాత ఫ్యాక్టరీ ఉంటుంది. ఒక రోజు ఆ ఫ్యాక్టరీలో పని చేసే ఒక వృద్ధుడు (కిమ్ జూన్-హ్యుక్) ఓ మందును తాగి జాంబీగా మారిపోతాడు. అతను జాంబీ అయినా కూడా నిజమైన జాంబీలా కాకుండా మామూలు మనిషిలా ఆలోచిస్తాడు, మాట్లాడతాడు, ఆఖరికి ఎమోషన్స్ కూడా ఉంటాయి. కానీ అతను కొంచెం బలహీనంగా ఉంటాడు. ముఖ్యంగా సూర్యరశ్మికి భయపడతాడు. మాంసం తినాలని ఆశపడతాడు.
అయితే ఆ బ్రదర్స్ ఈ జాంబీని దాచిపెట్టి, అతని నుంచి ఔషధాన్ని తీసి, దాన్ని విక్రయించాలని అనుకుంటారు. ఈ మందు మనుషులకు బలాన్ని, యవ్వనం ఇస్తుందని తెలుస్తుంది. వాళ్లు దాన్ని “యాంటీ-ఏజింగ్ పిల్”గా మార్కెట్ చేసి డబ్బు సంపాదించాలని ప్లాన్ చేస్తారు. కానీ ఈ ప్రయోగం వల్ల చాలా సమస్యలు వస్తాయి. గ్రామస్తులు, పోలీసులు, ఒక బిగ్ కంపెనీ వాళ్లు ఈ ఔషధం గురించి తెలుసుకుంటారు. జాంబీగా మారిన వృద్ధుడు కూడా తన కుటుంబం, గత జీవితం గురించి బాధ పడతాడు. జాంబీగా మారిన వృద్ధుడు తన కుమార్తెను కలవాలని ఆశపడటం వంటి సీన్స్ హార్ట్ టచింగ్ గా ఉంటాయి. మరి ఆ జాంబీ ఏం చేసింది ? ఆ అన్నదమ్ములు ఆ జాంబీతో చివరికి ఎలాంటి పని చేశారు ? క్లైమాక్స్ లో ఏం జరిగింది ? అన్నది మూవీని చూసి తెలుసుకోవాల్సిందే.
Share
Message After Blocked: మీ ఫ్రెండ్స్ మిమ్మల్ని కాంటాక్ట్లో బ్లాక్ చేశారా? ఇలా మెసేజ్ చేయండి
Corruption Cases: తెలంగాణ ఏర్పడినప్పటి నుండి దారుణంగా పెరిగి పోయిన అవినీతి.. ఇదిగో లెక్కలు..!
