Zombie Movie OTT: యంగ్ అవ్వడానికి మెడిసిన్ తీసుకుంటే జాంబీలుగా మారే ట్విస్ట్… ఒక్కో సీన్ కు వణుకే

Zombie Movie OTT : జోంబీ సినిమాలను కేజీగా చూస్తున్నారు ప్రేక్షకులు. ఈ సినిమాలను ఏ భాషలో వచ్చినా వదిలిపెట్టడంలేదు. ఇక ఈ సినిమాలలో హారర్ సీన్స్ కూడా ఒళ్లు గగుర్పొడిచేలా ఉంటున్నాయి. ఇప్పుడు మనం చెప్పుకోబోయే ఇండోనేషియా జోంబీ హారర్ మాత్రం ఆడియన్స్ చేత అరుపులు పెట్టిస్తుంది. మరి ఈ సినిమాను చూసి థ్రిల్ అవ్వాలనుకుంటే ఇప్పుడే ఓ లుక్ వేయండి. ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే …

నెట్‌ఫ్లిక్స్ లో స్ట్రీమింగ్

ఈ ఇండోనేషియా జోంబీ హారర్ చిత్రం పేరు ‘ది ఎలిక్సిర్’ (The Elixir). దీని అసలు పేరు (Abadi Nan Jaya). 2025లో విడుదలైన ఈ సినిమాకి కిమో స్టాంబోయెల్ దర్శకత్వం వహించి, నిర్మించి, సహ రచయితగా కూడా వ్యవహరించారు. ఈ చిత్రంలో మిఖా తంబాయోంగ్, ఎవా సెలియా, డోనీ డమారా, మార్థినో లియో వంటి నటులు లీడ్ రోల్స్ లో నటించారు. ఇది నెట్‌ఫ్లిక్స్ లో 2025 అక్టోబర్ 23 నుంచి అందుబాటులో ఉంది. Netflixలో రిలీజ్ అయిన తర్వాత గ్లోబల్ టాప్ 10లోకి వచ్చింది ఈ 1 గంట 56 నిమిషాల హారర్ సినిమా.

స్టోరీ ఏమిటంటే

ఇండోనేషియాలో ఒక సంపన్న కుటుంబం ఆయుర్వేద మూలికా వైద్య సంస్థను నాడుపుతుంటుంది. అయితే ఆ కుటుంబ యజమాని వృద్ధాప్యాన్ని జయించి, నిత్యం యవ్వనంగా ఉంచే ఒక అద్భుతమైన ఎలిక్సిర్ అనే ఔషధాన్ని తయారు చేయాలని ప్రయత్నిస్తాడు. అయితే సరైన ప్రయోగాలు లేకుండా తయారు చేసిన ఆ ఔషధం వికటిస్తుంది. ఆ మందు సేవించిన వాళ్ళు మనుషులుగా కాకుండా, రక్తపిపాసులైన జాంబీలుగా మారిపోతారు. చూస్తుండగానే ఆ గ్రామం మొత్తం భయంకరమైన మారణహోమంలోకి వెళ్తుంది.

ఈ విపత్తు తలెత్తినప్పుడు, ఆ కుటుంబ సభ్యులు ప్రాణాలు కాపాడుకోవాల్సిన పరిస్థితి ఏర్పడుతుంది. వేగంగా వ్యాపిస్తున్న జాంబీ వైరస్ నుండి తమను తాము రక్షించుకుంటూ, ఆ గ్రామం నుండి బయటపడటానికి వాళ్ళు చేసే పోరాటమే ఈ సినిమాలోని మిగతా కథ. దర్శకుడు కిమో స్టాంబోయల్ అత్యంత భయంకరమైన హర్రర్ సన్నివేశాలతో ఈ సినిమాని అద్భుతంగా చూపించారు. హారర్ ఫ్యాన్స్ మిస్ కాకుండా చూడాల్సిన సినిమా ఇది.