Zootopia 2 OTT : గత ఏడాది థియేటర్లలో సూపర్ హిట్ అయిన యానిమేషన్ మూవీ ‘జూటోపియా 2’ ఇప్పుడు ఓటీటీలో అడుగు పెట్టబోతోంది. ఇది ‘జూటోపియా’ (2016) రికార్డులను కూడా అధిగమించింది. థియేటర్లలో రికార్డు స్థాయి వసూళ్లు చేసి అందరినీ ఆశ్చర్యపరిచింది. ప్రపంచవ్యాప్తంగా సుమారు ₹15,500 కోట్లు సంపాదించి, అన్ని యానిమేటెడ్ చిత్రాల రికార్డులను బద్దలు కొట్టింది. భారతదేశంలో కూడా దాదాపు ₹27.50 కోట్లు వసూలు చేసి, హాలీవుడ్ యానిమేటెడ్ చిత్రాల్లో టాప్ పెర్ఫార్మర్ అయింది. ఇప్పుడు ఈ మెగా హిట్ ఓటీటీలోకి వచ్చేస్తోంది. ఫ్యామిలీతో కలిసి ఎంజాయ్ చేయడానికి బెస్ట్ సినిమా ఇది.
అమెరికన్ యానిమేటెడ్ మూవీ ‘జూటోపియా 2’ (Zootopia 2) ప్రపంచవ్యాప్తంగా 2025 నవంబర్ 28న థియేటర్లలో విడుదలై భారీ విజయాన్ని అందుకుంది. ఈ సీక్వెల్ ప్రపంచవ్యాప్తంగా సుమారు 1.86 బిలియన్ డాలర్ల వసూళ్లతో, అత్యధిక వసూళ్లు రాబట్టిన యానిమేషన్ చిత్రాలలో ఒకటిగా నిలిచింది. ఈ సినిమా భారతదేశంలో 2026 మార్చి 13 నుండి JioHotstar ప్లాట్ ఫామ్లో స్ట్రీమింగ్ కానుంది. ఈ చిత్రం ఇంగ్లీష్తో పాటు తెలుగు, హిందీ, తమిళ భాషల్లో అందుబాటులో ఉంటుంది. శ్రద్ధా కపూర్ ఈ సినిమాకి హిందీ వెర్షన్లో వాయిస్ ఓవర్ ఇచ్చారు. ఈ సినిమాలో ఆమె స్వరం పర్ఫెక్ట్గా మ్యాచ్ అయింది కూడా. ఇది హిందీ ఆడియన్స్కు బాగా కనెక్ట్ అయింది. ఇక ఈ సినిమా 79వ BAFTAలో ఉత్తమ యానిమేటెడ్ ఫీచర్ గెలిచింది. ఇప్పుడు 98వ ఆస్కార్లో కూడా అదే కేటగిరీలో పోటీలో ఉండటం విశేషం.
జూటోపియా పోలీస్ డిపార్ట్మెంట్లో జూడీ హాప్స్, నిక్ వైల్డ్ కలిసి ఈసారి ఒక పెద్ద మిస్టరీని డీల్ చేస్తారు. నగరంలోకి కొత్తగా వచ్చిన గ్యారీ డి’స్నేక్ అనే తెలివైన పాము కోసం వీళ్లు వెతుకులాట మొదలుపెడతారు. ఈ క్రమంలో జూటోపియాలో ఎవరికీ తెలియని ‘మార్ష్ మార్కెట్’ లాంటి కొత్త ఏరియాల్లోకి వెళ్లి, అక్కడ జరిగే ఇల్లీగల్ పనులను కనిపెడతారు. అసలు ఆ పాము సిటీలోకి ఎలా వచ్చింది? దాని వెనుక ఉన్న అసలు ప్లాన్ ఏంటనేది వీళ్లు ఛేదించాల్సి ఉంటుంది. ఇన్వెస్టిగేషన్ చేస్తున్న టైమ్లో వీళ్లకు ఒక పవర్ఫుల్ లింక్స్ ఫ్యామిలీ నుంచి ఎదురుదెబ్బలు తగులుతాయి. అంతేకాకుండా పని ఒత్తిడి వల్ల జూడీ, నిక్ మధ్య చిన్న చిన్న గొడవలు కూడా అవుతుంటాయి. అప్పుడు డాక్టర్ ఫజ్బీ అనే ఒక థెరపిస్ట్ వీళ్లద్దరినీ మళ్ళీ ఒక్కటి చేస్తుంది. చివరికి ఒకరికొకరు సపోర్ట్గా ఉంటూ, ప్రాణాలకు తెగించి ఆ డేంజరస్ గ్యాంగ్ని ఎలా పట్టుకున్నారు ? జూటోపియా నగరాన్ని ఎలా కాపాడారు ? అనేదే ఈ సినిమా మెయిన్ స్టోరీ.
Read Also : దుర్యోధనుడి అవతారంలో సీరియల్ కిల్లర్… యుగాలు దాటే ప్రతీకారం…కసిగా ఒక్కో హత్య
Share
Bomb Shelter Dating App: బాంబు షెల్టర్లలో ఉండేవారి కోసం.. ఇజ్రాయెల్ డేటింగ్ యాప్.. ఈ టైమ్లో రొమాన్స్ ఏంటో!
Kasarla Shyam: నా కెరీర్లో ఈ పాట ఇచ్చినంత కిక్కు.. ఏ పాట ఇవ్వలేదు!
