ఢిల్లీతో జగన్ సంబంధాలు కొంతకాలం సాఫీగానే సాగాయి. కానీ, చంద్రబాబు జోక్యంతో జగన్-మోడీ మధ్య గ్యాప్ పెరిగిందన్న వాదన వినిపిస్తోంది. జగన్‌పై ఉన్న కేసుల దర్యాప్తును వేగవంతం చేయాలని కేంద్రానికి చంద్రబాబు సూచించారని, ఆ తర్వాత ఈడీ దూకుడు పెరిగిందని వైసీపీ ఆరోపిస్తోంది. దీంతో ఇప్పటివరకు మౌనంగా ఉన్న జగన్ కూడా స్వరం పెంచారు. సీఈసీ నియామకంలో కేంద్ర నిర్ణయాన్ని సమర్థించడం తమ బ్లండర్‌ మిస్టేక్‌ అని, మోడీని గుడ్డిగా అనుసరించినందుకు పశ్చాత్తాపం వ్యక్తం చేశారు.
ఇప్పటివరకు ఎన్డీయేతో పరోక్ష సాన్నిహిత్యాన్ని కొనసాగించిన జగన్.. ఇప్పుడు మోడీపై ఎదురుదాడికి దిగడం ఏపీ రాజకీయాల్లో చర్చకు దారితీసింది. చంద్రబాబు సూచనలతో మోడీ తనపై ఈడీని ఉసిగొల్పారన్న భావనతోనే జగన్ వైఖరిలో మార్పు వచ్చిందన్న విశ్లేషణలు వినిపిస్తున్నాయి. సీఈసీ నియామకంలో ప్రతిపక్ష నేత, సీజేఐలకు పాత్ర ఉండాలని జగన్ డిమాండ్‌ చేశారు. అధికార పార్టీకే పూర్తి ఆధిపత్యం ఉండే విధానం సరికాదన్నారు. ఓటు చోరీ, ఎన్నికల వ్యవస్థపై జగన్ వ్యాఖ్యలు రాజకీయ వేడిని మరింత పెంచాయి.
అయితే, జగన్ పూర్తిగా ఏ గట్టున నిలబడతారన్నది ఇంకా క్లారిటీ లేదు. ఎన్డీయేతో దూరం పెరుగుతున్నా.. ఇండీ కూటమికి కూడా ఆయన అధికారికంగా దగ్గర కాలేదు. ఇటీవల సీపీఐ నేతలు ఈ అంశాన్ని ప్రస్తావించినా జగన్ తన నిర్ణయాన్ని ప్రకటించలేదు. షర్మిల కాంగ్రెస్‌ అధ్యక్షురాలిగా ఉండటం, సార్వత్రిక ఎన్నికలకు ఇంకా సమయం ఉండటంతో ఈ అంశాన్ని పెండింగ్‌లో పెట్టినట్లు రాజకీయ వర్గాల్లో చర్చ జరుగుతోంది.
Also Read: ఏపీ స్థానిక సంస్థల ఎన్నికలు.. 8 ఛైర్‌పర్సన్లు కూటమి ఏకగ్రీవం! కూలిన దశాబ్దాల నాటి కంచుకోటలు
ఎన్నికలు దగ్గరపడే కొద్దీ జగన్ ఒక స్పష్టమైన రాజకీయ వైఖరి తీసుకోవాల్సి ఉంటుంది. ఎన్డీయేతో గ్యాప్ మరింత పెరిగి, ఇండీ కూటమికి అనుకూల వాతావరణం ఏర్పడితే.. స్థానిక రాజకీయాలను పక్కనపెట్టి జాతీయ స్థాయిలో తన ప్రాధాన్యతను పెంచుకునేందుకు ఇండీ కూటమికి దగ్గరయ్యే అవకాశాన్ని కూడా కొట్టిపారేయలేమన్న విశ్లేషణలు వినిపిస్తున్నాయి.
Share
డారెన్ సామీ లాంటి పాకిస్తాన్ కుక్కలను ఇండియా నుంచి తరిమి కొట్టండి!
కేవలం రూ.17 వేలకే హైయర్ ఫ్రిజ్.. అమెజాన్ సేల్లో కస్టమర్లకు పండగలాంటి ఆఫర్లు!
