రండిరో కూల‌న్నా… సంఘం పెడ‌దామూ సంగ‌తేందో చూద్దాము..! లెఫ్ట్ భావ‌జాలంతో సాగిన ఈ పాట తెలియ‌ని కార్మికులుండ‌రు. యూనియన్ నేత‌లుండ‌రు. కార్మికుల దినోత్స‌వం నాడే ఆర్టీసీ కార్మిక సంఘాల‌న్నింటితో సీఎం రేవంత్ భేటీ కావ‌డం ప్రాధాన్య‌తను సంత‌రించుకున్న‌ది. త‌మ స‌మ‌స్య‌ల సాధన‌కు స‌మ్మెకు దిగ‌డం.. అందులో ఒక‌రు బ‌ల‌వ‌న్మ‌ర‌ణం చెంద‌డం విషాదాన్ని నింపింది. ఇది ఇంకా తీవ్ర‌రూపం దాల్చ‌డం వ‌ల్ల ప్ర‌జ‌ల‌కు మ‌రింత ఇబ్బందులు త‌ప్ప‌వ‌ని అంతా అనుకున్నారు. కానీ సీఎం రేవంత్ చొర‌వ తీసుకున్నారు.
దీనికి చ‌ర్చ‌ల రూపంలో ముగింపునిచ్చారు. స‌మ‌స్య తీవ్ర‌త‌ను గ‌మ‌నించి వెంట‌నే స్పందించ‌డం ఎంతో మేలు చేసింది. కానీ మొండిగా పోతే మ‌రింత న‌ష్టం క‌చ్చితంగా వాటిల్లేదే. గ‌తంలో పాల‌న చూశారు. ఆర్టీసీ స‌మ్మె 50 రోజుల పాటు సాగించిన నేపథ్యం తెలంగాణ‌కు ఉంది. వాటిని ఇప్ప‌టికీ త‌లుచుకుని భ‌య‌ప‌డుతుంటారు. బాధ‌ప‌డుతుంటారు. ఉద్య‌మ నేత‌గా పేరొంది.. తెలంగాణ‌కు సీఎం అయిన కేసీఆర్ పాల‌న‌లో ఆర్టీసీ స‌మ్మెపై ఉక్కుపాదం మోప‌డం ఎవ‌రి ఊహ‌కు అంద‌నిది. యూనియ‌న్ల రాజ‌కీయాలు మాకెందుక‌ని.. వాటినే ర‌ద్దు చేసిన ఉదంతం ఉద్య‌మ రాష్ట్రంగా పేరొందిన తెలంగాణ‌కు అదెప్పుడు గుర్తుంటుంది.
అలాంటి రోజులు చూసిన తెలంగాణ ఆర్టీసీ కార్మికుల‌కు.. మేడే రోజు ఓ మ‌రుపురాని దినంగా గుర్తుండిపోతుంది. సీఎంతో క‌లిశారు. యూనియ‌న్ల గుర్తింపును తిరిగి కొన‌సాగించే అంశంపైనా సానుకూలంగా స్పందించారాయ‌న. మేడే రోజు త‌మ హ‌క్కులు తిరిగి పొంద‌బ‌డ్డామ‌నే సంతోషం ఆ కార్మిక‌లోకంలో క‌నిపించాయి. ఒక‌టి కాదు రెండు కాదు.. ఏకంగా 14 కార్మిక సంఘాలు సీఎంతో భేటీలో పాల్గొన్నాయి. ఆర్టీసీ తెలంగాణ మ‌జ్దూర్ యూనియన్, ఆర్టీసీ తెలంగాణ మ‌జ్దూర్ యూనియన్ (ఆర్‌), టీఎస్ ఆర్టీసీ స్టాఫ్ అండ్ వ‌ర్క‌ర్స్ యూనియన్, టీఎస్ ఆర్టీసీ ఎంప్లాయిస్ యూనియన్, టీఎస్ ఆర్టీసీ నేష‌న‌ల్ మ‌జ్దూర్ యూనియన్, టీఎస్ ఆర్టీసీ కార్మిక ప‌రిష‌త్‌, టీఎస్ ఆర్టీసీ స్టాఫ్ అండ్ వ‌ర్క‌ర్స్ యూనియన్, తెలంగాణ ఆర్టీసీ బ‌హుజ‌న కార్మిక యూనియన్, తెలంగాణ ఆర్టీసీ వ‌ర్క‌ర్స్ యూనియన్, టీఎస్ ఆర్టీసీ కార్మిక సంఘ్‌, టీఎస్ ఆర్టీసీ సామాజిక తెలంగాణ మ‌జ్దూర్ యూనియన్, టీఎస్ ఆర్టీసీ తెలంగాణ జాతీయ మ‌జ్దూర్ యూనియన్, తెలంగాణ స్టేట్ ఆర్టీసీ బ‌హుజ‌న్ వ‌ర్క‌ర్స్ యూనియన్… ఈ సంఘాల నేత‌లంతా సీఎంతో భేటీ అయ్యారు.
స‌మ‌స్య‌ల‌పై మాట్లాడారు. స‌ర్కార్ సానుకూలంగా స్పందించింది. ప్ర‌భుత్వం ఆర్టీసీ కార్మికుల హ‌క్కుల‌ను కాపాడుతుంద‌న్నారు సీఎం. ఆర్టీసీ స‌మ్మె తీవ్ర‌రూపం దాల్చితే చ‌లిమంటలు వేసుకునేందుకు ప్ర‌తిప‌క్షం రెడీగా ఉంది. త‌మ పాల‌న‌లో ఒక‌లా.. ఇప్పుడు మ‌రోలా డ‌బుల్ స్టాండ‌ర్డ్స్ రాజ‌కీయాల‌ను గ‌మ‌నించింది ఆర్టీసీ లోకం. స‌ర్కార్ కూడా వెంట‌నే దిగి వచ్చింది. ఈ స‌మ‌స్య‌ను వెంట‌నే ప‌రిష్క‌రించ‌డంతో జనం ఊపిరి పీల్చుకున్నారు. పాల‌కులెవ‌రున్నా.. స్పందించాల్సిన తీరు ఇలా ఉండాల‌ని ఆద‌ర్శంగా నిలిచింది రేవంత్ స‌ర్కార్ అని ఆర్టీసీ కార్మికులు కొనియాడారు.
Share
తెలంగాణ డీజీపీగా సీవీ ఆనంద్ బాధ్యతలు.. ఫస్ట్ ప్రెస్ మీట్‌లోనే కీలక అంశాల ప్రస్తావన
Meena Sagar: ట్రెడిషనల్ లుక్ లో ఆకట్టుకుంటున్న మీనా సాగర్.. ఫోటోలు వైరల్!
