Potato Halwa: బంగాళాదుంపలతో చేసే టేస్టీ హల్వా, తక్కువ పదార్థాలతో ఇంట్లో చేసే రుచికరమైన స్వీట్

సాధారణంగా హల్వా అనగానే క్యారెట్ హల్వా, గోధుమ హల్వా, సూజీ హల్వా గుర్తుకొస్తాయి. కానీ చాలా మందికి తెలియని హల్వా ఒకటుంది. అదే ఆలూ హల్వా. బంగాళాదుంపలతో (ఆలూ) తయారయ్యే ఈ హల్వా చాలా రుచిగా ఉంటుంది. చాలా తక్కువ సమయంలోనే తక్కువ పదార్థాలతోనే ఈ హల్వాను తయారుచేసుకోవచ్చు. ఈ ఆలూ హల్వాను పండుగల సమయంలో, ప్రత్యేక సందర్భాల్లో లేదా అతిథులు వచ్చినప్పుడు కూడా తయారు చేయవచ్చు.

ఆలూ హల్వా రెసిపీకి కావలసిన పదార్థాలు
బంగాళాదుంపలు – రెండు
నెయ్యి – రెండు టేబుల్ స్పూన్లు
చక్కెర – అయిదు స్పూన్లు
పాలు – పావు కప్పు
జీడిపప్పు తరుగు – ఒక స్పూన్
బాదం తరుగు – ఒక స్పూన్
కిస్ మిస్‌లు – ఒక స్పూన్
యాలకుల పొడి – పావు స్పూన్
కుంకుమపువ్వు – అయిదు రేకలు
కోవా ముద్ద – రెండు స్పూన్లు

Also read: Spinach Fry: పాలకూర నువ్వుల వేపుడు రెసిపీ, తింటే ఎంతో ఆరోగ్యం పైగా రుచికి రుచి

ఆలూ హల్వా రెసిపీ
1. ముందుగా బంగాళాదుంపలను బాగా కడిగి కుక్కర్‌లో ఉడికించాలి. రెండు విజిల్స్ వస్తే సరిపోతుంది.
2. దుంపలు చల్లారిన తర్వాత పైన పొట్టు తీసి మెత్తగా నలపాలి.
3. ఒక మందపాటి కళాయిని తీసుకుని స్టవ్ మీద పెట్టాలి. అందులో నెయ్యి వేసి కరిగించాలి.
4. నెయ్యి వేడి అయిన తర్వాత బంగాళాదుంప మిశ్రమాన్ని అందులో వేసి చిన్న మంటపై కలుపుతూ వేయించాలి.
5. ఇలా 3 నుంచి 4 నిమిషాలు వేయిస్తే ఆలూ నుంచి వచ్చే పచ్చివాసన పోతుంది. నెయ్యి వాసన ఆలూలోకి బాగా చేరుతుంది.
6. ఇప్పుడు కళఆయిలో పాలు వేసి బాగా కలపాలి. మంట తగ్గించి 2 నిమిషాలు ఉడకనివ్వాలి. ఆ తర్వాత చక్కెర వేసి మళ్లీ కలపాలి.
7. చక్కెర వేసిన తర్వాత బంగాళాదుంప మిశ్రమం కొంచెం లూజ్‌గా మారుతుంది. మెల్లగా కలుపుతూ ఉంటే మళ్లీ గట్టిపడుతుంది.
8. మరో చిన్న కళాయి స్టవ ్మీద పెట్టి కొద్దిగా నెయ్యి వేసి జీడిపప్పు, బాదం, కిష్మిష్ వేయించాలి. వీటిని హల్వా మిశ్రమంలో వేసి కలపాలి.
9. చివరిగా యాలకుల పొడి వేసి కలపాలి. మీకు ఇష్టమైతే కుంకుమపువ్వు కూడా వేసుకోవచ్చు. ఇలా చేస్తే హల్వాకు మంచి రంగు, వాసన వస్తుంది.
10. ఖోవా వేయాలనుకుంటే అందులో వేసి మరో 2 నిమిషాలు కలిపి ఉడికించాలి. తరువాత స్టవ్ ఆఫ్ చేయాలి.

Also read: Carrot Bobbatlu: క్యారెట్ హల్వా స్టఫ్ చేసిన బొబ్బట్లు రెసిపీ.. చూస్తేనే నోరూరిపోతుంది

ఆలూ హల్వాను వేడి వేడి గా సర్వ్ చేస్తే చాలా బాగుంటుంది. పైన కొద్దిగా జీడిపప్పు తురుము వేసి గార్నిష్ చేయవచ్చు. ఇది మిగతా హల్వాలాగే చాలా రుచిగా ఉంటుంది.

Share

• 
• 
• 
• 
• 
•