OnePlus Open 2 6G: ప్రీమియం లుక్‌లో వన్‌ప్లస్ ఓపెన్ 2 భారీ అప్‌గ్రేడ్.. టెక్ లవర్స్ ఫోకస్ అంతా ఈ ఫోన్ మీదే

OnePlus Open 2 6G: వన్‌ప్లస్ పేరు వినగానే గుర్తుకు వచ్చేది సాఫ్ట్‌వేర్ అనుభవం, ప్రీమియం నాణ్యత. గత దశాబ్దంలో ఈ బ్రాండ్‌ ఫ్లాగ్‌షిప్ సెగ్మెంట్‌లో తన ప్రత్యేక స్థానాన్ని నిలబెట్టుకుంది. ప్రతి మోడల్‌లో కొత్త ఆలోచన, కొత్త ప్రయోగం చూపుతూ వచ్చిన వన్‌ప్లస్ ఇప్పుడు ఫోల్డబుల్ కేటగిరీలో డివైస్‌ను సిద్ధం చేస్తోంది. అదే వన్‌ప్లస్ ఓపెన్ 2. ఫోల్డ్‌బుల్ సెగ్మెంట్‌ను మధ్యతరగతి ప్రజలకు వద్దకు తీసుకువెళ్ళాలనే లక్ష్యంతో ఈ మోడల్‌ను అభివృద్ధి చేస్తున్నట్లు టెక్నాలజీ వర్గాల్లో చర్చలు జరుగుతున్నాయి. ఫోల్డ్ చేసినప్పుడు సన్నని రూపం, ఓపెన్ చేసినపుడు పెద్ద డిస్‌ప్లే కలిగే అనుభూతిని అందించే ఫోల్డబుల్ డిజైన్ దిశగా వన్‌ప్లస్ ఒక ప్రధాన ఆకర్షణగా కనిపిస్తోంది. మరి దీని ఫీచర్లు ఏమిటో తెలుసుకుందామా?

హింగ్ నిర్మాణంతో డిజైన్

డిజైన్ విషయానికొస్తే, హింగ్ నిర్మాణాన్ని మరింత బలపరుస్తూ, తేలికైన మెటీరియల్ ఉపయోగించి, చేతిలో గ్రిప్ మెరుగుపడేలా వన్‌ప్లస్ పనిచేసినట్లు తెలుస్తోంది. ఫోల్డబుల్ ఫోన్‌ల్లో హింగ్ నాణ్యత ఎంత ముఖ్యమో తెలిసిన వన్‌ప్లస్, ఫోల్డ్-అన్‌ఫోల్డ్ చేసినపుడు స్క్రీన్‌పై మడత గుర్తు కనిపించకుండా ఉండే విధంగా ప్రత్యేక శ్రద్ధ పెట్టినట్లు తెలుస్తుంది. బయట కవర్ డిస్‌ప్లేను కూడా ప్రీమియం ప్రెజెంటేషన్‌కు అనుగుణంగా డిజైన్ చేసినట్లు తెలుస్తోంది.

సుమారు 8 అంగుళాల స్క్రీన్

డిస్‌ప్లే విషయానికి వస్తే, వన్‌ప్లస్ ఓపెన్ 2లో సుమారు 8 అంగుళాల ఇంటర్నల్ స్క్రీన్ ఇవ్వనున్నారన్న టెక్ టచ్ బలంగా వినిపిస్తోంది. 120Hz రిఫ్రెష్ రేట్ సపోర్ట్ కారణంగా స్క్రోల్, యానిమేషన్, వీడియో మోషన్ పూర్తిగా స్మూత్ అనుభవం ఇస్తుందని చెబుతున్నారు. కవర్ డిస్‌ప్లే సైజ్ సుమారు 6.3 నుంచి 6.4 అంగుళాల మధ్య ఉండే అవకాశం ఉంది. కలర్ అక్యూరసీ, బ్రైట్‌నెస్, టచ్ రిస్పాన్స్ వంటి అంశాల్లో ఈసారి క్లియర్ ఇంప్రూవ్‌మెంట్ ఉండొచ్చని తెలుస్తోంది. పెద్ద స్క్రీన్ ఉండటం వల్ల మల్టీటాస్కింగ్, వీడియో ఎడిటింగ్, ఎడ్యుకేషన్ యూజ్, ఆఫీస్ వర్క్ వంటి అవసరాల్లో వినియోగదారుడికి కంఫర్ట్ పెరుగుతుంది.

ట్రిపుల్ రియర్ కెమెరా సెటప్

కెమెరా విషయానికి వస్తే, వన్‌ప్లస్ ఓపెన్ 2లో ట్రిపుల్ రియర్ కెమెరా సెటప్ ఇవ్వనున్నారన్న సమాచారం టెక్ కమ్యూనిటీలో చర్చలో ఉంది. మెయిన్ సెన్సార్ 50ఎంపి సోనీ లెన్స్ ఉండే అవకాశం ఉంది, అలాగే అల్ట్రా వైడ్, టెలిఫోటో లెన్స్‌లు కూడా ప్రీమియం లెవల్ క్వాలిటీతో రావచ్చు. లో-లైట్ ఫోటోగ్రఫీ, ఆప్టికల్ ఇమేజ్ స్టెబిలైజేషన్ (OIS), వీడియో స్టెబిలిటీ విషయంలో ఈసారి మెరుగైన అవుట్‌పుట్ కోసం పని చేస్తున్నట్లు రిపోర్టులు చెబుతున్నాయి. ఫ్రంట్ కెమెరా విషయానికి వస్తే, కవర్ డిస్‌ప్లేలో ఒకటి, మెయిన్ డిస్‌ప్లేలో వేరొక కెమెరా అందించే అవకాశం ఉందని ప్రచారం ఉంది, దీని ద్వారా వీడియో కాల్స్, సెల్ఫీ షూట్స్, వ్లాగింగ్ యూజ్ వంటి పనులు కంఫర్ట్‌గా చేయగలరు.

Also Read: Smart Watch At Rs 999: ఆన్‌లైన్ మార్కెట్లో అమెజాన్ సేల్ హైలైట్.. జస్ట్ రూ.999కే ఫైర్-బోల్ట్ వాచ్

పర్‌ఫార్మెన్స్ సెక్షన్.. రీవైజ్డ్

పర్‌ఫార్మెన్స్ విషయానికి వస్తే, వన్‌ప్లస్ ఓపెన్ 2లో స్నాప్‌డ్రాగన్ 8 ఎలైట్ చిప్‌సెట్ ఇవ్వనున్నారన్న సమాచారం టెక్ సర్కిల్స్‌లో వినిపిస్తోంది. ఈ చిప్‌సెట్ హై-స్పీడ్ ప్రాసెసింగ్, ఏఐ టాస్క్స్ హ్యాండ్లింగ్, హెవీ గేమింగ్ పనితీరు విషయంలో బలమైన అవుట్‌పుట్ అందించగలదని అంచనా. 16జిబి ర్యామ్ వరకు ఆప్షన్ రావొచ్చు, అలాగే స్టోరేజ్‌లో 512జిబి, 1టిబి వేరియంట్లు ఉండే అవకాశం ఉంది. అప్ లాంచ్ స్పీడ్, మల్టీటాస్కింగ్ స్వాపింగ్, బ్యాక్‌గ్రౌండ్ ప్రాసెస్ హ్యాండ్లింగ్ వంటి అంశాల్లో మంచి రెస్పాన్స్ ఆశిస్తున్నారు.

బ్యాటరీ సామర్థ్యం 5000mAh

బ్యాటరీ విషయానికి వస్తే, ఫోల్డబుల్ నిర్మాణం కారణంగా రెండు విభాగాలుగా పెట్టిన బ్యాటరీ డిజైన్ ఉండే అవకాశం ఉంది. సుమారుగా 4800 నుంచి 5000mAh మధ్య సామర్థ్యం ఇవ్వొచ్చని అంచనా. పెద్ద స్క్రీన్ ఉన్నా, సాఫ్ట్‌వేర్ ఆప్టిమైజేషన్ కారణంగా బ్యాటరీ లైఫ్ ప్రాక్టికల్ యూజ్‌లో సరిపోయేలా ఉండనుందని చెబుతున్నారు. ఛార్జింగ్ విషయంలో ఫాస్ట్ ఛార్జింగ్ సపోర్ట్ 67W నుంచి 80W వరకు ఉండవచ్చని టాక్. దాంతో క్విక్ పవర్ ఫిల్ అనుభవం దొరుకుతుంది.

సేఫ్టీ సెక్యూరిటీ సాఫ్ట్‌వేర్

సాఫ్ట్‌వేర్ పరం లో వన్‌ప్లస్ ఓపెన్ 2 ఆక్సిజన్ ఆపరేటింగ్ సిస్టమ్ తాజా వెర్షన్ తో రావొచ్చు. ఫోల్డ్–అన్‌ఫోల్డ్ స్టేట్స్‌కు అనుగుణంగా కస్టమైజ్డ్ యూఐ పనిచేసేలా డెవలప్ చేస్తున్నట్లు సమాచారం. ప్రైవసీ ప్రొటెక్షన్, డేటా సెక్యూరిటీ అప్డేట్స్ రెగ్యులర్‌గా అందించే విధానం కొనసాగిస్తారని అంచనా. లాంగ్-టెర్మ్ సెక్యూరిటీ అప్‌డేట్స్ పై కూడా ఫోకస్ పెట్టారు అని తెలుస్తోంది.

ధర .. లాంచ్ వివరాలు..

భారత మార్కెట్‌లో వన్‌ప్లస్ ఓపెన్ 2 ధర రూ.1,45,000 నుంచి రూ.1,55,000 మధ్య ఉండవచ్చని సమాచారం. మార్కెట్‌లో లాంచ్ విషయానికి వస్తే, 2026 లాంచ్ అయ్యే అవకాశం ఉంది. అధికారిక ప్రకటన ఇంకా రావాల్సి ఉంది కానీ ఇప్పటివరకు వచ్చిన వివరాల్లో ఇదే టైమ్‌లైన్ ప్రాముఖ్యంగా వినిపిస్తోంది.