30 Days Plans 2026: సాధారణంగా టెలికాం కంపెనీలు ఇచ్చే 28 రోజుల ప్లాన్ల వల్ల ఏడాదికి మనం 13 సార్లు రీఛార్జ్ చేయాల్సి వస్తుంది. దీని వల్ల వినియోగదారుడు తనకు తెలియకుండానే ఒక నెల అదనపు రీఛార్జ్ ఖర్చును టెలి కంపెనీలకు చెల్లిస్తున్నారు. అయితే ఈ ఇబ్బంది లేకుండా, సరిగ్గా నెల రోజులు (30 రోజులు లేదా క్యాలెండర్ మంత్) వ్యాలిడిటీ ఇచ్చే ప్లాన్ల వివరాలను ఈ కథనంలో అందించడం జరుగుతోంది. జియో, ఎయిర్టెల్, వోడాఫోన్ ఐడియా (Vi) పూర్తి నెలకు అందిస్తున్న ప్లాన్స్, వాటి ప్రయోజనాలు ఏంటో ఇప్పుడు చూద్దాం.
జియో తన వినియోగదారుల కోసం 30 రోజుల వ్యాలిడిటీతో ప్రత్యేక ప్లాన్లను అందిస్తోంది. రూ.319 ప్లాన్ ను మీరు ఏ తేదీన రీఛార్జ్ చేస్తే వచ్చే నెల అదే తేదీ వరకు ఇది పనిచేస్తుంది. ఇందులో రోజుకు 1.5 GB డేటా, అపరిమిత కాల్స్, రోజుకు 100 SMSలు లభిస్తాయి. అలాగే రూ.355 ప్లాన్ కూడా సరిగ్గా 30 రోజుల వ్యాలిడిటీని ఇస్తుంది. ఇందులో మొత్తం 25 GB డేటా (డైలీ లిమిట్ లేదు) అపరిమిత కాల్స్, రోజుకు 100 SMSలు లభిస్తాయి.
ఎయిర్టెల్ కూడా వినియోగదారుల కోసం నెలవారీ ప్లాన్లను అందుబాటులో ఉంచింది. రూ.355 ప్లాన్ (30 రోజుల వ్యాలిడిటీ) రీఛార్జ్ చేసుకుంటే 25 GB డేటా, అపరిమిత కాల్స్, రోజుకు 100 SMSలు లభిస్తాయి. రూ.379 ప్లాన్ చేస్తే రోజుకు 2 GB డేటా, అపరిమిత కాల్స్ పొందొచ్చు. అధిక డేటా అవసరం ఉంటే 589 ప్లాన్ ట్రై చేయవచ్చు. ఇందులో 30 రోజుల కాలానికి 50 GB డేటా, అపరిమిత కాల్స్, 100 SMSలు ఇస్తారు.
వీఐ కూడా పోటీగా 30 రోజులపాటు పనిచేసే ప్లాన్లను అందిస్తోంది. రూ. 345 ప్లాన్ రీఛార్జ్ చేసుకుంటే 25 GB డేటా, అపరిమిత కాల్స్, రోజుకు 100 SMSలు లభిస్తాయి. రూ.379 ప్లాన్ తో రోజుకు 2GB చొప్పు 30 రోజుల పాటు పొందొచ్చు. అపరిమిత కాల్స్ సౌకర్యం కూడా ఉంటుంది. రూ.218 ప్లాన్ చేసుకుంటే 3GB డేటా, 30 రోజుల పాటు అపరిమిత కాల్స్ మాట్లాడుకోవచ్చు.
Also Read: Gas Free Kitchen: గ్యాస్ లేకుండా వంట చేయడం ఎలా? ఇదేమి కష్టం కాదండోయ్.. చాలా ఈజీగా చేసేయోచ్చు!
Share
Smart TV Offers: రూ.8,000 లోపే అదిరిపోయే స్మార్ట్ టీవీలు.. ఈ ఆఫర్ను మిస్ చేసుకుంటే తర్వాత మీరే బాధపడతారు!
Sunrisers Hyderabad: మరో వివాదంలో కావ్య పాప.. SRH 35 శాతం షేర్లు కొంటోన్న పాకిస్థాన్ కంపెనీ!
