5G vs Wi-Fi calling: 2026 నాటికి భారతదేశంలో నెట్వర్క్ ముఖచిత్రం పూర్తిగా మారిపోయింది. అసలు 5G సిగ్నల్ వస్తుందా, రాదా అని ఆలోచించే పరిస్థితి నుంచి తక్కువ సమయంలోనే ఎంత వేగంగా పనిచేస్తుందో అనే స్థాయికి చేరుకున్నాం. అయితే 5G నెట్వర్క్ ఎంత విస్తరించినా, ఇప్పటికీ చాలామందికి Wi-Fi కాలింగ్, 5G నెట్వర్క్ల మధ్య తేడాలు తెలియడం లేదు. ఈ రెండూ ఫోన్ కాల్స్ మాట్లాడటానికి ఉపయోగపడేవే అయినా.. వీటి పనితీరులో మాత్రం చాలా వ్యత్యాసం ఉంది.
జియో, ఎయిర్టెల్ వంటి కంపెనీలు అందిస్తున్న లేటెస్ట్ మొబైల్ నెట్వర్క్ టెక్నాలజీయే ఈ 5G. ఇది సెల్ టవర్ల ద్వారా సిగ్నల్స్ అందుకుంటూ మనకు స్పీడ్ ఇంటర్నెట్, స్పష్టమైన కాల్ క్వాలిటీని అందిస్తుంది. ముఖ్యంగా ప్రయాణాల్లో ఉన్నప్పుడు ఈ 5G నెట్వర్క్ ఎంతో కీలకం. ప్రస్తుతం ప్రముఖ నగరాల్లో దీని కవరేజీ అద్భుతంగా ఉన్నప్పటికీ.. మారుమూల ప్రాంతాల్లో, పెద్ద పెద్ద భవనాల లోపల కొన్నిసార్లు సిగ్నల్స్ ఉండవు.
Alos Read: వాట్సప్ కొత్త రూల్.. ప్రతి 6 గంటలకూ లాగ్ అవుట్ అవ్వాల్సిందే, అందుకే ఇలా చేయండి!
Wi-Fi కాలింగ్ అనేది మొబైల్ టవర్లతో సంబంధం లేకుండా పనిచేస్తుంది. మన ఇంట్లోనో, ఆఫీసులోనో వైఫై రూటర్ ఉంటే చాలు.. మొబైల్ సిగ్నల్ అస్సలు లేకపోయినా హాయిగా కాల్స్ మాట్లాడుకోవచ్చు. దీనికోసం వాట్సాప్ వంటి యాప్స్ ఏవీ అక్కర్లేదు. మన ఫోన్ నంబర్ నుంచే కాల్ వెళ్తుంది. అందుకే లోతైన ప్రదేశాల్లో ఉన్నా, నెట్వర్క్ అందని గదుల్లో ఉన్నా ఈ వైఫై కాలింగ్ భలే పనికొస్తుంది.
మీరు ఎక్కడికైనా లాంగ్ జర్నీ చేస్తున్నా లేదా బయట ఉండి సినిమాలు, క్రికెట్, యూట్యూబ్ లాంటివి చూస్తున్నా 5G నెట్వర్క్ బెస్ట్ ఆప్షన్. పైగా ఎమర్జెన్సీ టైమ్లో లొకేషన్ ట్రాక్ చేయాలన్నా 5Gనే కరెక్ట్. కానీ, ఇంట్లో ఉన్నప్పుడు కాల్స్ కట్ అవుతున్నా లేదా అవతలి వాళ్ల వాయిస్ సరిగ్గా వినిపించకపోయినా వెంటనే Wi-Fi కాలింగ్ ఆన్ చేసుకోండి. సింపుల్గా చెప్పాలంటే.. బయట ఉన్నప్పుడు 5Gని, ఇంట్లో ఉన్నప్పుడు వైఫై కాలింగ్ని వాడుకుంటే నెట్వర్క్ టెన్షన్ అస్సలు ఉండదు.
Alos Read: ఫ్లిప్కార్ట్లో ఐఫోన్ 17పై కళ్లు చెదిరే డిస్కౌంట్.. ధర తగ్గింపు తెలిస్తే ఇప్పుడే కొనేస్తారు!
Share
NTPC: ఎన్టీపీసీలో భారీగా ఉద్యోగాలు.. రూ.1,40,000 జీతం, దరఖాస్తు చేసుకున్నారా..?
Actor Venkatesh: దృశ్యం3 నుంచి తప్పుకున్న వెంకటేష్..అదే ప్రధాన కారణమా?
