NTPC: ఎన్టీపీసీలో భారీగా ఉద్యోగాలు.. రూ.1,40,000 జీతం, దరఖాస్తు చేసుకున్నారా..?

దేశంలోనే అతిపెద్ద విద్యుత్ ఉత్పత్తి సంస్థ అయిన నేషనల్ థర్మల్ పవర్ కార్పొరేషన్ (NTPC), ఇంజినీరింగ్ గ్రాడ్యుయేట్లకు అద్భుతమైన అవకాశాన్ని కల్పిస్తోంది. 2025 సంవత్సరానికి గానూ 515 ఇంజినీరింగ్ ఎగ్జిక్యూటివ్ ట్రైనీ (EET) పోస్టుల భర్తీకి సంస్థ సిద్ధమైంది. ఈ నియామక ప్రక్రియకు సంబంధించి ప్రాథమిక వివరాలను వెల్లడించింది.

మొత్తం ఉద్యోగ ఖాళీల సంఖ్య: 515

గేట్-2025 స్కోరే కీలకం..

ఈ పోస్టులకు అభ్యర్థుల ఎంపిక పూర్తిగా గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్ (GATE-2025) స్కోరు ఆధారంగానే జరుగుతుంది. గేట్ పరీక్షలో అభ్యర్థులు సాధించిన ప్రతిభను బట్టి షార్ట్ లిస్ట్ చేసి, తదుపరి ఎంపిక ప్రక్రియ నిర్వహిస్తారు.

విభాగాల వారీగా..

మొత్తం 515 పోస్టులను కింది కీలక విభాగాల్లో భర్తీ చేయనున్నారు:

ఎలక్ట్రికల్ ఇంజినీరింగ్

మెకానికల్ ఇంజినీరింగ్

ఎలక్ట్రానిక్స్ ఇంజినీరింగ్

ఇన్‌స్ట్రుమెంటేషన్ ఇంజినీరింగ్

కంప్యూటర్ సైన్స్ / ఐటీ (Information Technology)

విద్యార్హత, జీతభత్యాలు..

గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి సంబంధిత విభాగంలో బీఈ (BE), బీటెక్ (B.Tech) లేదా బీఎస్సీ ఇంజినీరింగ్‌లో ఉత్తీర్ణులైన వారు ఈ పోస్టులకు దరఖాస్తు చేసుకోవడానికి అర్హులు.

జీతం

ఎంపికైన అభ్యర్థులకు నెలకు రూ. 40,000 నుండి రూ. 1,40,000 వరకు భారీ వేతన శ్రేణి లభిస్తుంది. దీనితో పాటు ఇతర ప్రభుత్వ అలవెన్సులు కూడా అందుతాయి.

ముఖ్యమైన తేదీల వివరాలు..

ఈ పోస్టులకు ఆన్‌లైన్ దరఖాస్తు ప్రక్రియ ఫిబ్రవరి 11, 2026న ప్రారంభమైంది. ఆసక్తి కలిగిన అభ్యర్థులు ఫిబ్రవరి 25, 2026 లోపు తమ దరఖాస్తులను ఆన్‌లైన్ ద్వారా సమర్పించాల్సి ఉంటుంది. సమయం తక్కువగా ఉన్నందున అభ్యర్థులు గడువు ముగిసే వరకు వేచి చూడకుండా త్వరగా దరఖాస్తు చేసుకోవడం ఉత్తమం.

దరఖాస్తుకు ప్రారంభ తేది: 2026 ఫిబ్రవరి 11

దరఖాస్తుకు చివరి తేది: 2026 ఫిబ్రవరి 25

నేషనల్ ఇన్ఫర్మేటిక్స్ సెంటర్ (NIC)లోనూ ఖాళీలు..

NTPC నోటిఫికేషన్‌తో పాటు, నేషనల్ ఇన్ఫర్మేటిక్స్ సెంటర్ (NIC)లో కూడా 376 పోస్టుల భర్తీ చేసేందుకు నోటిఫికేషన్ విడుదల  అయ్యింది.

అభ్యర్థులకు సూచన..

విభాగాల వారీగా ఖాళీల కేటాయింపు, రిజర్వేషన్లు, గరిష్ట వయోపరిమితి, దరఖాస్తు ఫీజు,  పూర్తిస్థాయి ఎంపిక విధానానికి సంబంధించిన సమగ్ర నోటిఫికేషన్ త్వరలోనే అధికారిక వెబ్‌సైట్‌లో అందుబాటులోకి రానుంది.

అభ్యర్థులు ఎప్పటికప్పుడు NTPC అధికారిక వెబ్‌సైట్‌ను సంప్రదించి సమాచారాన్ని సరిచూసుకోవాలని సూచించడమైనది.

అఫీషియల్ వెబ్ సైట్: https://www.ntpc.co.in/

ALSO READ: Assistant Commandant: గోల్డెన్ ఛాన్స్.. డిగ్రీ అర్హతతో భారీగా ఉద్యోగాలు, అప్లికేషన్ విధానం ఇదే..

Share

• 
• 
• 
• 
• 
•