Ai+ Laptab| భారతీయ కంపెనీ అయిన Ai+ ఒక అద్భుతమైనడివైస్‌ను తయారు చేసింది. దీని పేరు ల్యాప్‌టాబ్ (Laptab). ఈ కొత్త డివైస్‌లో ల్యాప్‌టాప్ లాంటి పవర్ తో పాటు ట్యాబ్లెట్ లాగా సులువుగా తీసుకెళ్లే పోర్టెబులిటీ ఉంటుంది. స్టూడెంట్స్, ఆన్‌లైన్ క్లాసులు, ఆఫీస్ వర్క్, డ్రాయింగ్, ఎంటర్‌టైన్‌మెంట్.. అన్ని అవసరాలకు ఒక్కటే డివైస్ సరిపోతుంది. ఇది నిజంగా మధ్యతరగతికి టార్గెట్ చేస్తూ రూపొందించిన ఉత్పత్తి.
ల్యాప్‌టాబ్ అంటే ల్యాప్‌టాప్ + ట్యాబ్లెట్ ఫీచర్లు కలిపిన హైబ్రిడ్ డివైస్. మీరు కీబోర్డ్ అటాచ్ చేస్తే పూర్తి ల్యాప్‌టాప్ లాగా పనిచేస్తుంది. కీబోర్డ్ తీసేస్తే సన్నని ట్యాబ్లెట్ లాగా ఉపయోగపడుతుంది. 11 ఇంచ్, 12 ఇంచ్, 13 ఇంచ్.. మూడు సైజుల్లో వస్తుంది. ప్రతి మోడల్‌కి కీబోర్డ్, స్టైలస్ పెన్ వేరుగా తీసేయొచ్చు.
Ai+ కంపెనీ ఈ కొత్త Laptabని 2026లో లాంచ్ చేస్తుంది. ఫ్లిప్‌కార్ట్, Ai+ స్టోర్లలో లభిస్తుంది. ధర కూడా అందరికీ అందుబాటులో ఉంచుతామని కంపెనీ చెబుతోంది. అంటే స్టూడెంట్స్ నుంచి ఆఫీస్ ఉద్యోగులు.. ఎవరైనా కొనుగోలు చేయొచ్చు.
“ఇది సాధారణ ట్యాబ్లెట్ కాదు. ఇప్పటి భారతీయుల జీవితంలో పర్ఫెక్ట్‌గా సెట్ అయ్యేలా రూపొందించాం. ఒకే డివైస్‌తో చదువు, క్రియేటివ్ వర్క్, ఎంటర్‌టైన్‌మెంట్.. అన్నీ చేయొచ్చు” అని కంపెనీ సిఈఓ మాదవ్ శేఠ్ చెప్పారు.
ఆన్‌లైన్ క్లాసులు తీసుకునే స్టూడెంట్స్ కు, డ్రాయింగ్, ఎడిటింట్ డిజైన్ చేసే క్రియేటివ్ ప్రొఫెషనల్స్ కు, ఆఫీస్‌లో ప్రెజెంటేషన్స్, మీటింగ్స్ ఉన్న వాళ్లు. ఇంట్లో సినిమాలు, గేమ్స్ ఆడాలనుకునే వాళ్లకు ఇది బాగా ఉపయోగపడుతుంది.
ఇప్పటికే Ai+ కంపెనీ స్మార్ట్‌ఫోన్లు, స్మార్ట్ వాచ్‌లు, వైర్‌లెస్ ఇయర్‌బడ్స్ కు ఇండియన్ మార్కెట్లో బాగా సేల్ అవుతున్నాయి. ఇప్పుడు Laptab కూడా లాంచ్ అయితే.. కంపెనీ ప్రొడక్ట్ రేంజ్ మరింత పెరుగుతుంది. అంటే Ai+ పూర్తి టెక్ ఎకోసిస్టమ్ రెడీ!
Also Read: ఇన్‌స్టామార్ట్‌ని మోసం చేసిన కస్టమర్.. ఏఐ ఫోటో చూపించి దోపిడీ
Share
Nindu Noorella Saavasam Serial Today November 29th: ‘నిండు నూరేళ్ల సావాసం’ సీరియల్: మిస్సమ్మను తాను ఎలా చంపేది రణవీర్ కు చెప్పిన మనోహరి 
Illu Illalu Pillalu Today Episode: అడ్డంగా ఇరుక్కున్న శ్రీవల్లి.. మోసపోయిన ఆనందరావు.. తెలివిగా నగలను దాచేసిన శ్రీవల్లి..
