Air Cooler vs Air Conditioner: తెలుగు రాష్ట్రాల్లో భానుడి భగభగలు మెుదలయ్యాయి. పగటి ఉష్ణోగ్రతలు క్రమంగా పెరుగుతుండటంతో ప్రజలు ఉక్కపోతతో అల్లాడుతున్నారు. ఈ క్రమంలోనే ఏసీలు, కూలర్ల వైపునకు ప్రజల దృష్టి మళ్లింది. అయితే ఈ వేసవి నుంచి గట్టేక్కేందుకు ఏది కొంటే బెటర్ అన్న సందేహాన్ని చాలా మంది వ్యక్తం చేస్తున్నారు. ఏసీ లేదా కూలర్ కొంటే లాభనష్టాల గురించి బేరీజు వేసుకుంటున్నారు. అటువంటి వారి కోసం ఈ ప్రత్యేక కథనం అందించడం జరుగుతోంది.
సమ్మర్ లో ఏసీ బెస్ట్ కూలింగ్ ఆప్షన్ అయినప్పటికీ.. బడ్జెట్ పరంగా ఇది చాలా ఖర్చుతో కూడుకున్నది. ప్రస్తుతం మార్కెట్ రూ.25,000 – 75,000 మధ్య ఏసీలు ఉన్నాయి. బడ్జెట్ లో మంచి చల్లదనాన్ని కోరుకునే వారికి కూలర్ బెస్ట్ ఛాయిస్ గా నిలుస్తోంది. రూ.5,000 – 15,000 మధ్య కూలర్ ధర పలుకుతోంది. కాబట్టి మీ బడ్జెట్, అవసరానికి అనుగుణంగా కూలర్ లేదా ఏసీని ఎంపిక చేసుకోవచ్చు.
ఏసీ కొనడంతో పాటు దాని నిర్వహణ కూడా భారంతో కూడుకున్నది. కొత్త ఏసీని ఇంటికి తెచ్చుకున్న తర్వాత ఇన్ స్టాలేషన్ తో పాటు నిర్వహణ కోసం నిపుణుల సాయం అవసరం. వార్షిక సర్వీసింగ్ వల్ల అదనపు భారం పడుతుంది. అదే ఎయిర్ కూలర్ తక్కువ ధరకు లభించడంతో పాటు సులభంగా వాడుకోవచ్చు. కూలర్ లోకి నీరు పోసి ఒకసారి స్విచ్ ఆన్ చేస్తే కూలింగ్ ప్రక్రియ మెుదలైపోతుంది. ఒక గది నుంచి మరో గదికి సులభంగా తరలించుకోగలగడం కూలర్ కు ఉన్న మరో అడ్వాంటేజ్.
కూలర్ తో పోలిస్తే ఏసీ అధిక మెుత్తంలో విద్యుత్ ను వినియోగిస్తుంది. 1 టన్ AC గంటపాటు పనిచేయాలంటే 1.5 KW విద్యుత్ అవసరమవుతుంది. అంటే దాదాపు 1.5 యూనిట్ల పవర్ ను ఖర్చు అవుతుంది. మీరు ఒక ఏసీని రోజుకు 10 గంటల పాటు వినియోగిస్తే 15 యూనిట్ల విద్యుత్ వినియోగింపబడుతుంది. ఉదాహరణకు ఒక యూనిట్ ఖర్చు రూ.10 అనుకుంటే రోజుకు రూ.150 ఒక్క ఏసీకే ఖర్చు అవుతుంది. నెలకు రూ.4,500 వరకూ ఏసీ కోసం సమర్పించాల్సి ఉంటుంది.
ఎయిర్ కూలర్ విషయానికి వస్తే.. ఇది గంటకు 0.18 యూనిట్ల విద్యుత్ ను వినియోగిస్తుంది. ఒక యూనిట్ ఖర్చు రూ.10 అనుకుంటే రోజుకు రూ.18 చెల్లిస్తే సరిపోతుంది. నెలకు వచ్చే సరికి రూ.540 ఖర్చు అవుతుంది. కాబట్టి విద్యుత్ వినియోగం పరంగా చూస్తే కూలర్ బెస్ట్ ఛాయిస్ గా నిలుస్తోంది.
ఎయిర్ కూలర్లను సరిగ్గా ఉపయోగించకపోతే ఎయిర్ కూలర్ల కంటే అరోగ్యానికి ఎక్కువ హానికరమని నిపుణులు హెచ్చరిస్తున్నారు. ఏసీలో ఎక్కువ సేపు ఉంటే చర్మం, కళ్లు, గొంతు పొడి బారడటం వంటి సమస్యలు తలెత్తుతాయి. గదిలోని గాలిని రీసైక్లింగ్ చేయడం వల్ల శ్వాసకోశ సమస్యలు తీవ్రతరం కావొచ్చు. వీటితో పోలిస్తే ఎయిర్ కూలర్ కాస్త బెటర్ అయినవిగా నిపుణులు చెబుతున్నారు. కూలర్లు స్వచ్ఛమైన గాలిని ఉపయోగించి గదిని చల్లబరుస్తాయి. గది వాతావరణానికి తేమను జోడిస్తాయి. అయితే కూలర్లను సైతం క్రమం తప్పకుండా క్లీన్ చేయకపోతే బ్యాక్టీరియా పెరిగిపోయి అనారోగ్య సమస్యలకు దారి తీయవచ్చు.
Also Read: Front Load vs Top Load Price: రెండింటిలో ఏ వాషింగ్ మిషన్ ధర ఎక్కువ? అందుకు గల కారణాలేంటి?
బడ్జెట్, తక్కువ నిర్వహణ ఖర్చు, పరిమితమైన విద్యుత్ వినియోగం, ఆరోగ్యకరమైన గాలిని కోరుకునే వారు ఎయిర్ కూలర్ సరైన ఎంపికగా నిలుస్తోంది. అయితే కూలర్ల నిర్వహణలో మానవ ప్రమేయం అధికంగా ఉంటడం వల్ల వృద్ధులు, పిల్లలకు కష్టంగా మారొచ్చు. ఇక బడ్జెట్ తో సంబంధం లేకుండా ఈ సమ్మర్ లో మరింత కూల్ గా ఉండాలని భావించే వారు నేరుగా ఏసీని కొనుగోలు చేయవచ్చు. కూలర్లతో పోలిస్తే ఇది సౌకర్యాన్ని, ఆహ్లాదాన్ని అందిస్తాయి.
Share
UPI One World: విదేశీయుల కోసం ఇండియాలో కొత్త యుపిఐ.. ఏఐ సమ్మిట్లో లాంచ్
Social Media Age Limit: ఆస్ట్రేలియా బాటలో భారత్? సోషల్ మీడియా వినియోగంపై కేంద్రం కొత్త ప్లాన్!
