Free Adobe Express Premium: మీరు ఎయిర్‌టెల్ వినియోగదారులా? అయితే మీకొక అదిరిపోయే గుడ్ న్యూస్. ప్రముఖ టెలికాం సంస్థ భారతీ ఎయిర్‌టెల్, సాఫ్ట్‌వేర్ దిగ్గజం అడోబ్‌తో జతకట్టి తమ కస్టమర్ల కోసం ఓ అద్భుతమైన ఆఫర్‌ను ప్రకటించింది. సుమారు 360 మిలియన్ల మంది ఎయిర్‌టెల్ సబ్‌స్క్రైబర్లు ఇప్పుడు Adobe Express Premium సేవలను ఏడాది పాటు ఉచితంగా పొందొచ్చు. అదెలాగో తెలుసుకుందాం పదండి..
సాధారణంగా అడోబ్ ఎక్స్‌ప్రెస్ ప్రీమియం సబ్‌స్క్రిప్షన్ కోసం ఏడాదికి రూ.4వేల వరకు ఖర్చు చేయాల్సి ఉంటుంది. అయితే, భారత్‌లో పెరుగుతున్న క్రియేటర్ ఎకానమీని దృష్టిలో పెట్టుకుని ఎయిర్‌టెల్ ఈ సేవలను తన యూజర్లకు ఫ్రీగా అందిస్తోంది. దీంతో సోషల్ మీడియా కంటెంట్ క్రియేటర్లు, చిరు వ్యాపారస్తులు, స్టూడెంట్స్‌కు ఎంతో ప్రయోజనం చేకూరనుంది. గ్రాఫిక్ డిజైనింగ్‌లో పెద్దగా అనుభవం లేకపోయినా సరే.. ఈ టూల్ ఉపయోగించి హై క్వాలిటీ వీడియోలు, పోస్టర్లు, ఫొటోలను క్రియేట్ చేసుకోవచ్చు.
Also Read: మీ ఫోన్‌ను దొంగిలించారా? ఇక ఆ దొంగకే రిస్క్.. గూగుల్ వేసిన మాస్టర్ ప్లాన్ ఇదే!
ఈ ఆఫర్ ద్వారా యూజర్లు వేల సంఖ్యలో డిజైన్ టెంప్లేట్లను యాక్సెస్ చేయొచ్చు. ముఖ్యంగా భారతీయ పండుగలు, పెళ్లిళ్లు, స్థానిక వ్యాపారాలకు తగినట్లు దీని ప్రత్యేక డిజైన్లు అందుబాటులో ఉన్నాయి. అలాగే దీనిలో ఉండే AI ఫీచర్ల ద్వారా ఒక్క క్లిక్‌తో ఫొటో బ్యాక్‌గ్రౌండ్ రిమూవ్ చేయడం, వీడియో ఎడిటింగ్, కొత్త ఫొటోలను జనరేట్ చేయడం చాలా సులభం అవుతుంది. అంతేకాదు.. 100GB క్లౌడ్ స్టోరేజ్, ప్రీమియం ఫాంట్లు, అడోబ్ స్టాక్ అసెట్స్ కూడా వినియోగదారులకు లభిస్తాయి.
ఈ ఆఫర్ ఎయిర్‌టెల్ మొబైల్, Wi-Fi, DTH కస్టమర్లందరికీ వర్తిస్తుంది. Airtel Thanks App ద్వారా ఈ ప్రయోజనాన్ని యాక్టివేట్ చేసుకోవచ్చు. దీనికోసం ఎలాంటి క్రెడిట్ కార్డ్ వివరాలు ఇవ్వాల్సిన అవసరం లేదు. డిజిటల్ రంగంలో రాణించాలనుకునే ప్రతి భారతీయుడికి ప్రపంచస్థాయి క్రియేటివ్ టూల్స్‌ను అందుబాటులోకి తీసుకురావడమే ఈ భాగస్వామ్యం ముఖ్య ఉద్దేశమని ఎయిర్‌టెల్ ప్రతినిధులు తెలిపారు.
Also Read: రూ.35వేల లోపు బెస్ట్ స్మార్ట్‌ఫోన్ కావాలా? నథింగ్ ఫోన్ 4a ప్రో కోసం వెయిట్ చేయాల్సిందే మరి!
Share
Delhi Crime: ఆమె స్వాట్ కమాండో.. భర్తకు డిఫెన్స్లో ఉద్యోగం, ఆపై హత్యలు ఢిల్లీలో దారుణం
Thalaivat 174: ఫ్యాన్స్ కు కిక్ ఇచ్చే న్యూస్.. కమల్, రజినీ మల్టీస్టారర్ ఫిక్స్... డైరెక్టర్ ఎవరంటే?
