అమెజాన్ సేల్‌లో 3-స్టార్ Vs 5-స్టార్ రిఫ్రిజిరేటర్లు,ఏది కొంటే బెటర్?

Amazon Sale 2026 refrigerators: ఇంట్లో పాత ఫ్రిజ్ మార్చాలన్నా లేదా కొత్త కాపురం పెట్టాలన్నా ముందుగా గుర్తుకొచ్చేది రిఫ్రిజిరేటర్. ముఖ్యంగా ఈ ఏడాది అమెజాన్ గ్రేట్ ఇండియన్ ఫెస్టివల్ సేల్ లో ప్రముఖ బ్రాండ్లయిన శామ్‌సంగ్ , ఎల్జీ , గోద్రెజ్, హైయర్ ఫ్రిజ్‌లపై భారీ డిస్కౌంట్లు లభిస్తున్నాయి. అయితే.. ఫ్రిజ్ కొనేటప్పుడు చాలా మంది ఎదుర్కొనే పెద్ద సందేహం.. 3-స్టార్ ఫ్రిజ్ కొనాలా లేక 5-స్టార్ ఫ్రిజ్ తీసుకోవాలా అనేది. దీని గురించి పూర్తిగా ఇప్పుడు తెలుసుకుందాం.

1. అసలు స్టార్ రేటింగ్ అంటే ఏంటి?

బీఈఈ సంస్థ ఈ స్టార్ రేటింగ్‌లను కేటాయిస్తుంది. ఫ్రిజ్ ఎంత తక్కువ కరెంట్ వాడి ఎక్కువ కూలింగ్ ఇస్తుందనే దాని ఆధారంగా ఈ స్టార్స్ ఇస్తారు. ఎన్ని ఎక్కువ స్టార్స్ ఉంటే, అంత తక్కువ కరెంట్ బిల్లు వస్తుంది. అయితే దీనికి తగినట్లుగా ఫ్రిజ్ ధర కూడా మారుతుంది.

2. ధరల మధ్య తేడా :

3-స్టార్ రిఫ్రిజిరేటర్లు: సాధారణంగా డబుల్ డోర్ లేదా కన్వర్టబుల్ మోడల్స్‌లో 3-స్టార్ ఫ్రిజ్‌లు ఎక్కువగా అందుబాటులో ఉంటాయి. సేల్ సమయంలో శామ్‌సంగ్ లేదా ఎల్జీ 256 లీటర్ల 3-స్టార్ డబుల్ డోర్ ఫ్రిజ్ సుమారు రూ. 28,000 నుంచి రూ.35,000 ధరల వరకు లభిస్తున్నాయి. అలాగే పెద్ద సైజ్ సైడ్-బై-సైడ్ 3-స్టార్ ఫ్రిజ్‌లు రూ. 72,000 నుంచి రూ. 85,000 మధ్య వస్తున్నాయి.

5-స్టార్ రెఫ్రిజిరేటర్లు: ఇవి మరింత అడ్వాన్స్‌డ్ ఇన్వర్టర్ టెక్నాలజీతో వస్తాయి. సింగిల్ డోర్ లేదా సెలెక్టెడ్ డబుల్ డోర్ మోడల్స్‌లో 5-స్టార్ ఫ్రిజ్‌లు లభిస్తాయి. వీటి ప్రారంభ ధర సాధారణంగా 3-స్టార్ మోడల్స్ కంటే రూ. 4,000 నుంచి రూ. 8,000 వరకు ఎక్కువగా ఉంటుంది. సేల్స్‌లో ఎస్‌బీఐ క్రెడిట్/డెబిట్ కార్డులపై అదనంగా 10% ఇన్‌స్టంట్ డిస్కౌంట్ లభిస్తోంది.

3. కరెంట్ బిల్లు ఎంత ఆదా అవుతుంది?

5-స్టార్ ఫ్రిజ్: 3-స్టార్ ఫ్రిజ్‌తో పోలిస్తే.. 5-స్టార్ ఫ్రిజ్ దాదాపు 20% నుంచి 30% వరకు ఎక్కువ కరెంట్ ఆదా చేస్తుంది. మీ ఇంట్లో 24 గంటలూ ఫ్రిజ్ రన్ అవుతూ ఉంటే..ఏడాదికి కరెంట్ బిల్లులో సుమారు రూ.1,500 నుంచి రూ.3,000 వరకు ఆదా అయ్యే అవకాశం ఉంది.

3-స్టార్ ఫ్రిజ్:

దీనికి కరెంట్ ఖర్చు కాస్త ఎక్కువే అయినప్పటికీ..ఫ్రిజ్ ప్రారంభ ధర తక్కువగా ఉంటుంది. ఒకవేళ మీ కుటుంబంలో.. వాడకం తక్కువగా ఉంటే, 5-స్టార్ ఫ్రిజ్ కోసం పెట్టే డబ్బులు రికవరీ కావడానికి కొన్ని సంవత్సరాలు పట్టొచ్చు.

4. ఏది కొంటే వర్త్?

మీరు 3-స్టార్ ఎందుకు కొనాలి?: మీ బడ్జెట్ తక్కువగా ఉండి, ఇంట్లో సభ్యులు తక్కువైతే (2-3 మంది), అలాగే ఫ్రిజ్ వాడకం మీడియంగా ఉంటే.. 3-స్టార్ బెస్ట్ ఆప్షన్. సేల్స్‌లో 3-స్టార్ మోడల్స్‌పై ఎక్కువ ఆఫర్లు, లేటెస్ట్ ఫీచర్లు (కన్వర్టబుల్ ఆప్షన్స్) తక్కువ ధరకే దొరుకుతాయి.

Also Read: రూ.699కే అదిరిపోయే బేస్,లాంగ్ బ్యాటరీ బ్యాకప్‌తో హెడ్‌ఫోన్స్

మీరు 5-స్టార్ ఎందుకు కొనాలి?:

మీ ఇంట్లో తరచూ ఫ్రిజ్ డోర్లు తీయడం, ఎక్కువ వస్తువులు స్టోర్ చేయడం జరుగుతుంటే.. కరెంట్ బిల్లు ఎక్కువగా రాకూడదు అనుకుంటే కచ్చితంగా 5-స్టార్ రిఫ్రిజిరేటరే బస్ట్. ముఖ్యంగా లాంగ్ టర్మ్‌లో ఇది మంచి సేవింగ్స్ ఇస్తుంది.

అమెజాన్ గ్రేట్ ఇండియన్ ఫెస్టివల్ సేల్ 2026లో నో-కాస్ట్ ఈఎంఐ , ఎక్స్ఛేంజ్ ఆఫర్లు , బ్యాంక్ డిస్కౌంట్లు అందుబాటులో ఉన్నాయి. మీ బడ్జెట్, వంటగది అవసరాలను బట్టి సరైన మోడల్‌ను ఎంచుకొని మీ పండగను ఆనందంగా గడపండి!