Smart Siri Update: టెక్ దిగ్గజం యాపిల్ తమ వినియోగదారుల కోసం Apple Intelligenceలో సరికొత్త విప్లవాత్మక మార్పులను తీసుకొచ్చింది. iPhone, iPad, Mac, Apple Watch, AirPods, Vision Pro వంటి అన్ని డివైజ్‌లలో సరికొత్త ఏఐ ఫీచర్లను ప్రవేశపెట్టింది. వినియోగదారుల ప్రైవసీకి పెద్దపీట వేస్తూ.. రోజువారీ పనులను మరింత సులభతరం చేసేలా కంపెనీ తమ ఫౌండేషన్ మోడల్స్‌ను అప్‌గ్రేడ్ చేసింది.
చాలా కాలంగా ఎదురుచూస్తున్న మార్పు సిరి రూపంలో వచ్చేసింది. ఇప్పుడు సిరి మరింత స్మార్ట్‌గా, మనసుకు నచ్చినట్టుగా మారిపోయింది. మనం వివిధ యాప్స్‌లో ఏం చేస్తున్నామో అర్థం చేసుకుని, దానికి తగ్గట్టుగా సమాధానాలు ఇస్తుంది. మన మెసేజ్‌లు, ఈ-మెయిల్స్ లేదా ఫొటోల నుండి సమాచారాన్ని వెతికి పెట్టడమే కాకుండా.. థర్డ్‌పార్టీ యాప్స్‌లో కూడా పనులు చేయగలదు. దీని కోసం యాపిల్ ప్రత్యేకంగా ఒక సిరి యాప్‌ను కూడా తీసుకొచ్చింది.
ఫొటోగ్రఫీ ప్రియుల కోసం దీనిలో అద్భుతమైన ఫీచర్లు వచ్చాయి. Spatial Reframing అనే కొత్త ఫీచర్ ద్వారా ఫొటో తీసిన తర్వాత కూడా దాని కంపోజిషన్‌ను మార్చుకోవచ్చు. ఎక్స్‌టెండ్ టూల్ సాయంతో ఫొటో ఫ్రేమ్‌ను పెంచుకోవచ్చు. అంతేకాదు.. వంకరగా ఉన్న హొరైజన్‌ను కూడా సరిచేసుకోవచ్చు. అలాగే క్లీన్ అప్ టూల్ ద్వారా ఫొటోలో వద్దనుకున్న వస్తువులను సులభంగా తీసేయవచ్చు. అయితే ఏఐతో ఎడిట్ చేసిన ఫొటోలను గుర్తించడానికి యాపిల్ ఇందులో ఒక నిగూఢమైన Synth ID వాటర్‌మార్క్‌ను జోడిస్తుంది.
Also Read: Samsung Galaxy A27లో బిగ్ ట్విస్ట్.. స్నాప్‌డ్రాగన్ ప్రాసెసర్, 50MP కెమెరాతో సాలిడ్ అప్‌గ్రేడ్స్!
సఫారీ బ్రౌజర్‌లో ట్యాబ్‌లను మేనేజ్ చేయడం ఇప్పుడు చాలా సులభం కానుంది. ఇది మన ఓపెన్ ట్యాబ్‌లను వాటి టాపిక్స్ ఆధారంగా మానవ ప్రమేయం లేకుండా దానంతట అదే వర్గీకరిస్తుంది. వెబ్‌పేజీల్లో ధరలు తగ్గినా లేదా స్టాక్ అందుబాటులోకి వచ్చినా Notify Me ఫీచర్ వెంటనే మనకు సమాచారం అందిస్తుంది. అలాగే మనకు నచ్చిన బ్రౌజర్ ఎక్స్‌టెన్షన్‌ను కేవలం వాయిస్ ద్వారా వివరించి తయారు చేయించుకునే సరికొత్త సదుపాయం కూడా దీనిలో ఉంది.
సొంతంగా ఫొటోలు క్రియేట్ చేసుకోవడానికి ఇమేజ్ ప్లేగ్రౌండ్ అద్భుతంగా పనిచేస్తుంది. ప్రైవేట్ క్లౌడ్ కంప్యూట్ సాయంతో ఇక్కడ అచ్చం ఒరిజినల్ ఫొటోల లాంటి ఏఐ చిత్రాలను సృష్టించవచ్చు. అలాగే మనకు నచ్చిన మార్పులను వివరించడం ద్వారా లేదా డ్రాగ్ చేయడం ద్వారా వాల్‌పేపర్‌లు, కాంటాక్ట్ పోస్టర్లను డిజైన్ చేసుకోవచ్చు. వీటికి కూడా ప్రైవసీ, భద్రత కోసం వాటర్‌మార్క్ ఉంటుంది.
మెసేజ్‌లు, క్యాలెండర్ వాడకం ఇప్పుడు మరింత సహజంగా మారనుంది. స్మార్ట్ రిప్లై ఫీచర్ మీరు స్పందించే శైలిని బట్టి సమాధానాలను సూచిస్తుంది. ఫోన్ కాల్స్ మాట్లాడుతున్నప్పుడు అవసరమైన రిజర్వేషన్ నెంబర్లు లేదా కోడ్‌లను ఇది ఆటోమేటిక్‌గా నోట్ చేసుకుంటుంది. అలాగే క్యాలెండర్‌లో ఈవెంట్లను కేవలం నోటి మాటతోనే క్రియేట్ చేసుకోవచ్చు. మొత్తానికి యాపిల్ ప్రైవసీతో కూడిన స్మార్ట్ లైఫ్‌ను మన ముందుకు తెచ్చింది.
Also Read: అప్‌గ్రేడెడ్ ప్రాసెసర్, పెరిస్కోప్ టెలిఫోటో కెమెరాతో వస్తోన్న Vivo X500.. పూర్తి వివరాలు మీ కోసం!
Share
Jana Sena: తెలంగాణ టార్గెట్గా పవన్ కళ్యాణ్ సరికొత్త వ్యూహం.. నెక్ట్స్ ప్లాన్..!
స్విచ్ బోర్డులు వేడెక్కుతున్నాయా? షార్ట్ సర్క్యూట్ ప్రమాద సంకేతాలు ఇవే!
