iPhone 17 Price Drop: కొత్త ఐఫోన్ కొనాలని ఎప్పటి నుంచో ఎదురుచూస్తున్నారా? అయితే మీకు ఇది మంచి అవకాశం. యాపిల్ లేటెస్ట్ స్మార్ట్‌ఫోన్ ఐఫోన్ 17పై ఫ్లిప్‌కార్ట్‌లో ఆకర్షణీయమైన డిస్కౌంట్ అందుబాటులో ఉంది. లాంచ్ సమయంలో రూ.99,900 ధరతో వచ్చిన ఈ ఫోన్‌ను ఇప్పుడు తక్కువ ధరకే కొనుగోలు చేసే అవకాశం లభిస్తోంది. బ్యాంక్ ఆఫర్లు కూడా కలిస్తే మరింత ఆదా చేసుకోవచ్చు. ఈ ఫోన్ ధర, ఫీచర్లు, కెమెరా వివరాలు తెలుసుకుందాం.
ఫ్లిప్‌కార్ట్‌లో ఐఫోన్ 17కు చెందిన 256 జీబీ వేరియంట్ ప్రస్తుతం రూ.86,999 ధరకు అందుబాటులో ఉన్నట్లు సమాచారం. అంటే లాంచ్ ధరతో పోలిస్తే రూ.12,901 ఆదా చేయవచ్చు. దీనికి అదనంగా ఎంపిక చేసిన బ్యాంకుల క్రెడిట్ కార్డులతో చెల్లిస్తే మరో రూ.5,000 వరకు తగ్గింపు పొందే అవకాశం ఉంది. ఫ్లిప్‌కార్ట్ యాక్సిస్ బ్యాంక్, ఎస్‌బీఐ క్రెడిట్ కార్డులపై వర్తించే ఆఫర్లను పరిశీలించండి. అన్ని షరతులు వర్తిస్తే ధర సుమారు రూ.81,999కు చేరవచ్చు. అయితే కొనుగోలు చేసే ముందు తాజా ధర, బ్యాంక్ ఆఫర్ల నిబంధనలు తప్పనిసరిగా తనిఖీ చేయాలి.
Also Read: సెకండ్ హ్యాండ్ మొబైల్ కొంటున్నారా? మోసపోకూడదంటే ఈ 5 విషయాలు కచ్చితంగా చెక్ చేయండి!
ఐఫోన్ 17లో 6.3 అంగుళాల సూపర్ రెటినా ఎక్స్‌డీఆర్ ఓఎల్ఈడీ డిస్‌ప్లే ఉంది. 120 హెర్ట్జ్ రిఫ్రెష్ రేట్‌తో స్క్రోలింగ్, గేమింగ్ మరింత స్మూత్‌గా ఉంటాయి. గరిష్ఠంగా 3,000 నిట్స్ బ్రైట్‌నెస్ సపోర్ట్ ఉండటంతో బయట కూడా స్క్రీన్ స్పష్టంగా కనిపిస్తుంది. యాపిల్ ఏ19 చిప్ వేగవంతమైన పనితీరును అందిస్తుంది. 256 జీబీ స్టోరేజ్ ఉండటంతో ఫొటోలు, వీడియోలు, యాప్‌లను సౌకర్యంగా నిల్వ చేసుకోవచ్చు.
ఈ ఫోన్ వెనుక రెండు 48 మెగాపిక్సెల్ కెమెరాలు ఉన్నాయి. మెయిన్ కెమెరాతో పాటు అల్ట్రా వైడ్ కెమెరా ఉండటం వల్ల ల్యాండ్‌స్కేప్ ఫొటోలు, గ్రూప్ షాట్లు, మ్యాక్రో ఫొటోలు తీయవచ్చు. ముందు భాగంలో 18 మెగాపిక్సెల్ కెమెరా సెల్ఫీలు, వీడియో కాల్స్‌కు ఉపయోగపడుతుంది. 4K వీడియో రికార్డింగ్ సపోర్ట్ కూడా అందుబాటులో ఉంది.
177 గ్రాముల బరువు, టైప్-సీ పోర్ట్, ఫేస్ ఐడీ వంటి ఫీచర్లు ఈ ఫోన్‌ను రోజువారీ వినియోగానికి అనువుగా మారుస్తాయి. మంచి డిస్‌ప్లే, కెమెరాలు, వేగవంతమైన పనితీరు కోరుకునేవారికి ఇది ఆకర్షణీయమైన ఎంపిక. అయితే ఆఫర్ ధరలు మారవచ్చు. కొనుగోలు చేసే ముందు ఫ్లిప్‌కార్ట్‌లో ధర, బ్యాంక్ డిస్కౌంట్, డెలివరీ వివరాలు పరిశీలించి నిర్ణయం తీసుకోండి.
Also Read: స్మార్ట్‌వాచ్‌ vs ఫిట్‌నెస్ బ్యాండ్.. రెండింటిలో ఫీచర్లు ఒకటేనా? ఏది కొంటే మన డబ్బులు వృధా కావు?
Share
క్లాసిక్ లుక్.. మోడ్రన్ టెక్నాలజీ.. ట్రయంఫ్ బోన్నెవిల్ T40 వచ్చేసింది!
కారులో కూర్చొని బ్యాంకుల్ని హ్యాక్ చేసే కుర్రాడు... ఒక్క పొరపాటుతో ప్రాణాల మీదకు...
