MacBook Neo: యాపిల్ హిస్టరీలోనే రికార్డ్ సేల్స్.. ‘మ్యాక్‌బుక్ నియో’కు ఎందుకంత క్రేజ్?

MacBook Neo: సాధారణంగా యాపిల్ ఉత్పత్తులు అంటేనే ఖరీదైనవి అనే ముద్ర ఉంది. కానీ ఆ అంచనాలను పటాపంచలు చేస్తూ తాజాగా కంపెనీ తీసుకొచ్చిన MacBook Neo ఇప్పుడు మార్కెట్‌లో దుమ్మురేపుతోంది. ముఖ్యంగా విండోస్ ల్యాప్‌టాప్‌లు వాడుతున్న వారిని తనవైపు తిప్పుకోవడంలో ఈ మోడల్ అద్భుత విజయాన్ని సాధించింది. గతంలో ఎన్నడూ లేని విధంగా, మొదటిసారి మ్యాక్ (Mac) కొనుగోలు చేసే వారి సంఖ్య ఈ వెర్షన్‌తో భారీగా పెరిగిందని యాపిల్ సీఈఓ టిమ్ కుక్ స్వయంగా ప్రకటించారు.

అందుబాటు ధరలో క్రేజీ ఫీచర్లు:

కేవలం రూ.50,000 ప్రారంభ ధరతో మార్కెట్లోకి రావడం ఈ ల్యాప్‌టాప్ విజయానికి ప్రధాన కారణం. iPhone 16 Proలో వాడిన శక్తివంతమైన A18 Pro ప్రాసెసర్‌ను ఈ మ్యాక్‌లో ఉపయోగించడం విశేషం. దీనికి తోడు 13 అంగుళాల లిక్విడ్ రెటినా డిస్‌ప్లే, 8GB మెమరీ వంటి ఫీచర్లు వినియోగదారులను ఆకట్టుకుంటున్నాయి. తక్కువ బడ్జెట్‌లో ప్రీమియం అనుభూతిని కోరుకునే విద్యార్థులు, ఆఫీస్ ఉద్యోగులకు ఈ ల్యాప్‌టాప్ తెగ నచ్చేసిందనే చెప్పాలి.

Also Read: కరెంట్ అక్కర్లేదు, వై-ఫై వద్దు.. సిమ్ కార్డుతో పనిచేసే ఈ సోలార్ కెమెరా గురించి తెలుసా?

కొత్త యూజర్ల క్యూ:

ఈ ల్యాప్‌టాప్ లాంచ్ అయిన వారం రోజుల్లోనే విక్రయాల్లో సరికొత్త రికార్డులను సృష్టించింది. ఇది కేవలం సేల్స్ పెంచడమే కాకుండా, విండోస్ పీసీ మార్కెట్‌ను దెబ్బతీస్తూ కొత్త కస్టమర్లను యాపిల్ ఎకోసిస్టమ్‌లోకి తీసుకువచ్చింది. ప్రస్తుతం అమెరికా వంటి దేశాల్లో ఈ మోడల్‌కు విపరీతమైన డిమాండ్ ఉండటంతో, స్టాక్ దొరకడం కష్టంగా మారింది. ఆన్‌లైన్ స్టోర్లలో ఆర్డర్ ఇచ్చినా డెలివరీ కోసం కనీసం రెండు నుండి మూడు వారాల సమయం పడుతోంది.

విమర్శలు ఉన్నా తగ్గని క్రేజ్:

అయితే ఇందులో కొన్ని పరిమితులు లేకపోలేదు. ముఖ్యంగా 8GB మెమరీని పెంచుకునే అవకాశం లేకపోవడంపై టెక్ నిపుణులు విమర్శలు చేస్తున్నారు. అయినప్పటికీ, 2026లో మెమరీ ధరలు పెరగడం వల్ల మిగిలిన ల్యాప్‌టాప్‌ల ధరలు ఆకాశాన్నంటుతున్న సమయంలో, ఇంత తక్కువ ధరకే యాపిల్ ల్యాప్‌టాప్ దొరకడం పెద్ద సంచలనంగా మారింది. అందుకే చిన్నపాటి లోపాలు ఉన్నా, ఈ మ్యాక్‌బుక్ నియో ప్రస్తుతం మార్కెట్‌లో హాట్ కేకులా అమ్ముడవుతోంది.

Also Read: రూ.389కే జ్యూస్ బ్లెండర్.. బ్యాగులో పెట్టుకుని ఆఫీస్, జిమ్ ఎక్కడికైనా పట్టుకెళ్లొచ్చు!