Apple OLED MacBook Pro: సాధారణంగా యాపిల్ బ్రాండ్ నుంచి కొత్త ప్రొడక్ట్ వస్తుందంటే చాలు.. టెక్ ప్రపంచమంతా ఆసక్తిగా ఎదురుచూస్తుంది. ముఖ్యంగా ఐఫోన్లలో ఉండే కొన్ని ఫీచర్లు మ్యాక్బుక్లో కూడా ఉంటే ఎంత బాగుంటుందో అని చాలామంది కోరుకుంటారు. అలాంటి వారికి యాపిల్ భారీ సర్ప్రైజ్ ప్లాన్ చేసింది. ఇప్పటివరకు ఐఫోన్లకే పరిమితం అనుకున్న డైనమిక్ ఐలాండ్, టచ్స్క్రీన్ వంటి ఫీచర్లు త్వరలోనే MacBook Proలోనూ ఉండనున్నాయి.
ప్రస్తుతం మ్యాక్బుక్ ప్రో మోడల్స్లో యాపిల్ మినీ ఎల్ఈడీ ప్యానెల్స్ను ఉపయోగిస్తోంది. అయితే, 2026 మోడల్లో తొలిసారిగా OLED టెక్నాలజీని తీసుకురానున్నారు. దీంతో కలర్స్ మరింత క్లారిటీగా, క్వాలిటీగా కనిపిస్తాయి. ముఖ్యంగా బ్లాక్ కలర్ పర్ఫెక్షన్తో పాటు కాంట్రాస్ట్ రేషియో అద్భుతంగా ఉంటుంది. 14 ఇంచ్, 16 ఇంచ్ వేరియంట్లలో ఈ కొత్త డిస్ప్లే అందుబాటులోకి రానుంది. దీంతోపాటు డిజైన్ పరంగా ల్యాప్టాప్ మరింత స్లిమ్, స్టైలిష్గా మార్చేందుకు యాపిల్ కసరత్తు చేస్తోంది.
Also Read: మార్కెట్లోకి క్రేజీ గాడ్జెట్స్.. 6000mAh బ్యాటరీ పవర్ఫుల్ ఫోన్, రూ.699కే ఇయర్బడ్స్!
ఐఫోన్లలో ఉన్న డైనమిక్ ఐలాండ్ ఫీచర్ ఇకపై మ్యాక్బుక్ స్క్రీన్పై కూడా మెరవనుంది. ప్రస్తుతం ఉన్న పాత విధానం నాచ్ స్థానంలో చిన్న హోల్ పంచ్ కెమెరా సెటప్ రాబోతోంది. ఇది కేవలం కెమెరా కోసమే కాకుండా.. మనకు వచ్చే అలర్ట్స్, బ్యాక్ గ్రౌండ్లో ప్లే అయ్యే మ్యూజిక్ కంట్రోల్స్, ఇతర సిస్టమ్ నోటిఫికేషన్లను లైవ్లో చూపిస్తుంది. తద్వారా స్క్రీన్ స్పేస్ పెరగడమే కాకుండా.. యూజర్లకు మెరుగైన అనుభూతి లభిస్తుంది.
యాపిల్ తన మ్యాక్ కంప్యూటర్లలో టచ్స్క్రీన్ ఫీచర్ను పెట్టడానికి మొదటి నుంచే నిరాకరించింది. కానీ 2026 నుంచి ఈ పద్ధతిని మార్చాలనుకుంటోంది. కీబోర్డ్, ట్రాక్ప్యాడ్తో పాటు డైరెక్ట్గా స్క్రీన్ను టచ్ చేయడం వల్ల కూడా ల్యాప్టాప్ను ఆపరేట్ చేయొచ్చు. దీనికి తగ్గట్టుగానే macOSలో కూడా కంపెనీ భారీ మార్పులు చేయనుంది. టచ్ చేసినప్పుడు బటన్లు సులభంగా క్లిక్ అయ్యేలా వాటి సైజును పెంచడం, పించ్ టు జూమ్ వంటి ఫీచర్లను మెరుగుపరచడం లాంటివి దీనిలో ఉంటాయని సమాచారం.
ఈ కొత్త మోడల్స్లో యాపిల్ సొంతంగా తయారు చేసిన శక్తివంతమైన M6 Pro, M6 Max చిప్లను ఉపయోగించనున్నారు. ఇవి ల్యాప్టాప్ స్పీడ్ను పెంచడానికి సహాయపడతాయి. ప్రొఫెషనల్ ఎడిటర్లు, గ్రాఫిక్ డిజైనర్లకు ఈ ఫీచర్ ఉపయోగకరంగా ఉండనుంది. త్వరలోనే అందుబాటులోకి రానున్న ఈ మ్యాక్బుక్ ప్రో కేవలం ల్యాప్టాప్లా కాకుండా, యాపిల్ టెక్నాలజీకి ఓ నిదర్శనంలా నిలవనుంది.
Also Read: JBL నుంచి Apple వరకు.. ఏఐ ట్రాన్స్లేషన్ ఫీచర్తో మార్కెట్లోకి కొత్త బడ్స్!
Share
Samantha: రాజమౌళి ఈగ సినిమాపై సమంత కామెంట్స్...సెకండ్ ఛాన్స్ వస్తే అంటూ!
Low Cost Plans: జియో, ఎయిర్ టెల్, విఐ.. సరికొత్త సిమ్ యాక్టివ్ ప్లాన్స్.. ఒకసారి రీఛార్జ్ చేస్తే..
