Apple Sleep Apnea: ఇటీవల కాలంలో సాంకేతికత కేవలం వినోదానికే పరిమితం కాకుండా.. మన ఆరోగ్యాన్ని కాపాడటంలో కూడా కీలక పాత్ర పోషిస్తోంది. ప్రముఖ టెక్ దిగ్గజం యాపిల్ సంస్థ భారతీయ వినియోగదారుల కోసం రెండు సరికొత్త హెల్త్ ఫీచర్లను అందుబాటులోకి తెచ్చింది. యాపిల్ వాచ్లో ‘స్లీప్ అప్నియా’ నోటిఫికేషన్లు, అలాగే ఎయిర్పాడ్స్ ప్రో యూజర్ల కోసం క్లినికల్గా ధృవీకరించబడిన ‘హియరింగ్ టెస్ట్’ (వినికిడి పరీక్ష) ఫీచర్లను అధికారికంగా విడుదల చేసింది.
చాలామంది నిద్రపోతున్నప్పుడు శ్వాస తీసుకోవడంలో ఇబ్బందులు ఎదుర్కొంటారు. దీనినే వైద్య పరిభాషలో స్లీప్ అప్నియా అంటారు. ఈ సమస్యను గుర్తించడానికి యాపిల్ వాచ్లో ‘బ్రీతింగ్ డిస్టర్బెన్స్’ అనే సరికొత్త మెట్రిక్ను ప్రవేశపెట్టారు. మనం నిద్రిస్తున్నప్పుడు మణికట్టు కదలికలను బట్టి శ్వాసలో వచ్చే మార్పులను యాపిల్ వాచ్లోని యాక్సిలెరోమీటర్ సెన్సార్ నిరంతరం గమనిస్తుంది.
ప్రపంచవ్యాప్తంగా వందల కోట్లమంది ఈ స్లీప్ అప్నియా సమస్యతో బాధపడుతున్నప్పటికీ.. దీనిలో మెజారిటీ ప్రజలకు తమకు ఈ సమస్య ఉందనే విషయమే తెలియదు. దీనిని సకాలంలో గుర్తించకపోతే రక్తపోటు, టైప్-2 మధుమేహం, గుండె జబ్బులు వచ్చే ప్రమాదం ఉంది. అందుకే యాపిల్ వాచ్ ప్రతి 30 రోజులకు ఒకసారి ఈ డేటాను విశ్లేషించి, తీవ్రమైన మార్పులు కనిపిస్తే వినియోగదారులను అలర్ట్ చేస్తుంది.
ఈ ఫీచర్ కేవలం అలర్ట్ చేయడమే కాకుండా.. గత మూడు నెలల శ్వాస రుగ్మతల డేటాను ఒక PDF రిపోర్ట్ రూపంలో డౌన్లోడ్ చేసుకునే సదుపాయాన్ని కల్పిస్తోంది. దీనివల్ల వినియోగదారులు తమ డాక్టర్లను సంప్రదించినప్పుడు మరింత స్పష్టమైన సమాచారాన్ని అందించడానికి వీలవుతుంది. ఈ అల్గారిథమ్ను మెషిన్ లెర్నింగ్, విస్తృతమైన వైద్య పరిశోధనల ఆధారంగా రూపొందించినట్లు సంస్థ తెలిపింది.
Also Read: Lenovo Legion Y960 గేమింగ్ హెడ్సెట్ విడుదలైంది.. బడ్జెట్ ధరలో సూపర్ ఫీచర్లు!
మరో అద్భుతమైన ఫీచర్ ఎయిర్పాడ్స్ ప్రో వినియోగదారుల కోసం వచ్చింది. సాధారణంగా ఆసుపత్రుల్లో చేసే ప్యూర్టోన్ ఆడియోమెట్రీ విధానం ఆధారంగా ఈ హియరింగ్ టెస్ట్ పనిచేస్తుంది. ఐఫోన్ లేదా ఐపాడ్కు కనెక్ట్ చేసిన ఎయిర్పాడ్స్ ద్వారా కేవలం ఐదు నిమిషాల్లోనే ఈ పరీక్షను పూర్తి చేయవచ్చు. పరీక్ష ముగిసిన వెంటనే రెండు చెవుల వినికిడి సామర్థ్యం ఎలా ఉందో చూపించే పూర్తి వివరాలు హెల్త్ యాప్లో భద్రంగా దాచబడతాయి.
18 ఏళ్లు పైబడిన వారు, ఇప్పటివరకు స్లీప్ అప్నియా సమస్య లేదని భావించే వారు యాపిల్ వాచ్లో ఈ సరికొత్త నోటిఫికేషన్ ఫీచర్ను వాడుకోవచ్చు. అలాగే హియరింగ్ టెస్ట్ ఫీచర్ అనేది ఎయిర్పాడ్స్ ప్రో 2 లేదా ఆపై మోడల్స్ ఉన్నవారికి, ఐఓఎస్ 18 సాఫ్ట్వేర్ అప్డేట్తో అందుబాటులోకి వస్తుంది. వినియోగదారులు తమకు తెలియకుండానే ఎదుర్కొనే అనారోగ్య సమస్యలను ముందే గుర్తించి, అప్రమత్తం చేయడమే ఈ సాంకేతికత ముఖ్య ఉద్దేశం.
Share
300 ఏళ్లుగా సూపర్ సక్సెస్.. కేరళ 'కావి' ఫ్లోరింగ్తో.. ఇల్లు ఎప్పుడూ కూలే!
నీదీ ఓ బ్రతుకేనా? కుక్కల వలె, నక్కల వలె... సందులలో పందుల వలె..! శ్రీశ్రీ లెవల్లో రేవంత్ ఫైర్!
