Facial Movement iPhone| ఆపిల్ ప్రతి సంవత్సరం iPhoneను మరింత అధునాతనంగా, యూజర్లకు కొత్త ఫీచర్స్‌తో సులభంగా ఉపయోగపడేలా డెవలెస్ చేస్తోంది. అందుకే ఇప్పుడు ఒక అనూహ్య టెక్నాలజీని అభివృద్ధి చేస్తోంది. ఈ ఫీచర్‌తో యూజర్లు ఫోన్‌కు నోటి ద్వారా చెప్పకుండానే ఆదేశాలు అర్థం చేసుకోగలదు. ముఖ కవళికలు, నిశ్శబ్ద సంకేతాల ద్వారా iPhone సమాచారం తీసుకుంటుంది. ఇది సంభాషణను మరింత సులభం చేస్తుంది. గట్టిగా మాట్లాడలేని సమయాల్లో కూడా సహాయపడుతుంది.
ఆపిల్ ఇటీవల ఇజ్రాయెల్‌కు చెందిన AI స్టార్టప్ Q.aiని కొనుగోలు చేసింది. ఈ డీల్ గురించి ఇటేవలే అధికారికంగా ప్రకటించింది. ఈ డీల్ ఆర్థిక వివరాలు బయటపెట్టలేదు. Q.ai అడ్వాన్స్‌డ్ ఆడియో, ఇమేజింగ్ టెక్నాలజీలలో నైపుణ్యం కలిగి ఉంది. మెషిన్ లెర్నింగ్ ఆధారంగా పనిచేస్తుంది. ఆపిల్ ఈ టెక్నాలజీని భవిష్యత్ ప్రొడక్ట్‌లు, సాఫ్ట్‌వేర్‌లలో ఉపయోగించాలని ప్లాన్ చేస్తోంది.
యూజర్ చెప్పే ఆదేశాలను స్పష్టంగా వినలేని పరిస్థితుల్లో కూడా అర్థం చేసుకునే టెక్నాలజీని Q.ai అభివృద్ధి చేస్తోంది. బ్యాక్‌గ్రౌండ్‌లో ఇతర శబ్దాలను ఫిల్టర్ చేస్తుంది. గుసగుసలాడుతున్న మాటలు, చాలా చిన్నగా చెప్పే శబ్దాలను కూడా గుర్తిస్తుంది. మెషిన్ లెర్నింగ్ మోడల్స్ ద్వారా రియల్ వరల్డ్‌లో వాయిస్ రికగ్నిషన్ కచ్చితత్వాన్ని పెంచుతుంది.
Q.ai అడ్వాన్స్‌డ్ ఫేషియల్ ఇమేజింగ్ టెక్నాలజీపై కూడా పనిచేస్తోంది. మాట్లాడేటప్పుడు ముఖ చర్మంపై జరిగే చిన్న కదలికలను గుర్తిస్తుంది. ఈ కదలికల ద్వారా మాటలను అర్థం చేసుకోగలదు. శబ్దం స్పష్టంగా లేకపోయినా మాటలు అర్థమవుతాయి. ముఖ కవాళికల ద్వారా సంభాషణ చేయడం సాధ్యమవుతుంది.
గత సంవత్సరం ఆపిల్ ఇలాంటి ఫేషియల్ డిటెక్షన్ టెక్నాలజీపై పేటెంట్ దాఖలు చేసింది. ముఖ చర్మ కదలికల ద్వారా మాటలు గుర్తించడం గురించి వివరించింది. వ్యక్తి గుర్తింపు కూడా ముఖ కవళికల ద్వారా తెలుసుకోవచ్చని చెప్పింది. భావోద్వేగాలు, హార్ట్ రేట్, శ్వాస వంటి విషయాలను కూడా అంచనా వేయగలదు. ఇది ఆపిల్ డివైసెస్‌లో యూజర్ ఎక్స్‌పీరియన్స్‌ని మెరుగుపరుస్తుంది.
ఈ టెక్నాలజీ వల్ల iPhone నిశ్శబ్దంగా లేదా గట్టి శబ్దాల మధ్యలో కూడా యూజర్లను అర్థం చేసుకోగలదు. మీటింగ్‌లు, పబ్లిక్ ప్లేస్‌లలో మాట్లాడకుండానే సంభాషణ చేయవచ్చు. మాట్లాడడంలో ఇబ్బంది ఉన్నవారికి యాక్సెసిబిలిటీ మెరుగవుతుంది. Apple Vision Proలో మరింత సహజమైన కంట్రోల్స్ రావచ్చు. ముఖ కదలికలతో మిక్స్‌డ్ రియాలిటీలో సులభంగా పనిచేయవచ్చు.
గత కొన్ని సంవత్సరాలుగా ఆపిల్ AI ఆధారిత ఆడియో ఫీచర్లను విస్తరిస్తోంది. AirPodsలో లైవ్ ట్రాన్స్‌లేషన్, నాయిస్ క్యాన్సిలేషన్, వాయిస్ ఎన్‌హాన్స్‌మెంట్ మెరుగవుతున్నాయి. Q.ai టెక్నాలజీ ఆపిల్ ఆడియో ఇన్నోవేషన్ స్ట్రాటజీకి సరిపోతుంది. రియల్ వరల్డ్ పరిస్థితుల్లో డివైసెస్ మరింత స్మార్ట్‌గా మారతాయి.
Also Read: ఛార్జింగ్ సమయంలో పేలిన గెలాక్సీ కొత్త ఫ్లాగ్‌షిప్ ఫోన్.. శాంసంగ్ ఏం చెప్పిందంటే
Q.ai టెక్నాలజీని ఎలా, ఎప్పుడు ఉపయోగిస్తారో ఆపిల్ ఇంకా చెప్పలేదు. ఏ ప్రొడక్ట్‌లో ఇంటిగ్రేట్ చేస్తారో టైమ్‌లైన్ ఇవ్వలేదు. సాఫ్ట్‌వేర్ అప్‌డేట్స్ ద్వారా క్రమంగా ఈ ఫీచర్లు రావచ్చు. భవిష్యత్ iPhoneలలో నిశ్శబ్ద సంభాషణ సామర్థ్యం రావచ్చు. ఆపిల్ కొత్త ఇంటరాక్షన్ మెథడ్స్‌ను బ్యాక్‌స్టేజ్‌లో టెస్ట్ చేస్తోంది.
Share
Intinti Ramayanam Today Episode:కోటికి గర్ల్ ఫ్రెండ్ దొరికేసింది.. రాజేంద్రకు పల్లవి వార్నింగ్.. పల్లవి ప్లాన్ సక్సెస్..
Yoga: యోగాతో ఆందోళనకు చెక్.. మరెన్నో బెనిఫిట్స్
