First Photo Moon Far Side Earth: చరిత్రలో నిలిచిపోయే అద్భుత దృశ్యం ఆవిష్కృతమైంది. నాసాకు చెందిన ఆర్టెమిస్ II వ్యోమగాములు చంద్రుడికి అవతలి వైపు నుండి భూమి ఉదయిస్తున్నట్లుగా కనిపిస్తున్న అరుదైన ఫోటోను ఓరియన్ నౌక ద్వారా చిత్రీకరించారు. చంద్రుడి అవతలి వైపు నుండి భూమిని ఈ విధంగా చూడటం మానవ చరిత్రలో ఇదే మొదటిసారి. వైట్ హౌస్ విడుదల చేసిన ఈ చిత్రం సోష‌ల్ మీడియాలో వైర‌ల్ అవుతోంది.
చంద్రుడి వెనుక భాగంలో ప్రయాణిస్తున్నప్పుడు సుమారు 40 నిమిషాల పాటు భూమితో ఎటువంటి సంబంధాలు లేకుండా ఉన్న సమయంలో వ్యోమగాములు ఈ అద్భుత ఫోటోను కెమెరాలో బంధించారు. భూమి నుండి లక్షల కిలోమీటర్ల దూరంలో ఉన్న ఓరియన్ క్యాప్సూల్ లోని అత్యాధునిక కెమెరాల ద్వారా ఈ స్పష్టమైన చిత్రాన్ని తీయడం సాధ్యమైంది. చంద్రుడి హోరిజోన్ వెనుక భూమి మెల్లగా జారుతున్న కనిపిస్తున్న ఈ దృశ్యం మానవ మేధస్సుకు, అంతరిక్ష పరిశోధనల్లో మనం సాధించిన ప్రగతికి నిదర్శనంగా నిలుస్తోంది.
ఆర్టెమిస్ II మిషన్ కేవలం చంద్రుడి చుట్టూ తిరగడమే కాకుండా, భవిష్యత్తులో మానవులను చంద్రుడిపైకి పంపే ప్రయోగాలకు పునాది వేస్తోంది. ఈ ప్రయాణంలో మొదటి మహిళా వ్యోమగామి క్రిస్టినా కోచ్, విక్టర్ గ్లోవర్, జెరెమీ హాన్సెన్, కమాండర్ రీడ్ వైస్‌మ్యాన్ సరికొత్త రికార్డులు సృష్టిస్తున్నారు. భూమికి సుమారు 4,100 మైళ్ల దూరంలో చంద్రుడి కక్ష్యలో ప్రయాణిస్తూ, మానవజాతి చరిత్రలో అత్యంత సుదూర ప్రాంతానికి చేరుకున్న రాయబారులుగా వీరు గుర్తింపు పొందారు. ఏప్రిల్ 10న పసిఫిక్ మహాసముద్రంలో సురక్షితంగా ల్యాండ్ కావడం ద్వారా ఈ మిషన్ విజయవంతంగా ముగియనుంది.
Read Also: చరిత్రకు చేరువలో ఆర్టెమిస్ II.. 40 నిమిషాల పాటు భూమితో సంబంధాలు కట్!
Share
మణిపూర్‌లో మరోసారి ఉద్రిక్తత.. ఇంటిపై రాకెట్ అటాక్, ఇద్దరు చిన్నారులు మృతి
బీఆర్ఎస్ కథ ఒడిసిన ముచ్చట: టీపీసీసీ మహేష్ కుమార్ గౌడ్
