Xiaomi Redmi: షావోమీ, రెడ్‌మి ఫోన్ యూజర్లకు బ్యాడ్ న్యూస్.. ఈ మోడల్స్ సాఫ్ట్‌వేర్ అప్డేట్లు బంద్

Xiaomi Redmi Update| ప్రముఖ స్మార్ట్‌ఫోన్ కంపెనీ షావోమీ Xiaomi కొన్ని పాపులర్ ఫోన్ మోడల్స్‌కు సాఫ్ట్‌వేర్ సపోర్ట్ పూర్తిగా ఆపేసింది. ముఖ్యంగా షావోమీ 12 (Xiaomi 12) సిరీస్, రెడ్‌మి నోట్ (Redmi Note) సిరీస్ ఫోన్లలో ఇక అప్‌డేట్స్, సెక్యూరిటీ ప్యాచ్‌లు ఉండవు. కంపెనీ సెక్యూరిటీ సెంటర్, ఎంటర్‌ప్రైజ్ డేటా లిస్టింగ్‌ల ద్వారా దీన్ని అధికారికంగా ధృవీకరించింది. ఈ ఫోన్లు ఇప్పుడు ఎండ్-ఆఫ్-లైఫ్ స్టేజ్‌కు చేరాయి.

సాఫ్ట్‌వేర్ అప్డేట్స్ నిలిచిపోయిన ఫోన్లు ఇవే

ప్రధానంగా Xiaomi 12 సిరీస్ ఫోన్లు ప్రభావితమయ్యాయి. Xiaomi 12, Xiaomi 12 Pro ఫోన్లు Android 15 మరియు HyperOS 3.0 వరకు అప్‌డేట్స్ పొందాయి – ఇవి చివరి వెర్షన్లు. Xiaomi 12 Lite కూడా లిస్ట్‌లో ఉంది – ఇది Android 14, HyperOS 1.0 వరకు మాత్రమే అప్‌డేట్ అయింది. Redmi Note 12 5G కూడా సపోర్ట్ ఆగిపోయింది – Android 14, HyperOS 2.0 చివరి అప్‌డేట్.

ఎండ్-ఆఫ్-లైఫ్ అంటే ఏమిటి?

ఇకపై ఈ ఫోన్లకు సాఫ్ట్‌వేర్ అప్‌డేట్స్, సెక్యూరిటీ ప్యాచ్‌లు రావు. ఫోన్లు రోజువారీ పనులకు ఇప్పటికీ పనిచేస్తాయి. కానీ కాలక్రమేణా సెక్యూరిటీ రిస్క్ పెరుగుతుంది. భవిష్యత్తులో కొత్త యాప్స్ పాత వెర్షన్లకు సపోర్ట్ ఆపేస్తే పనిచేయకపోవచ్చు. పర్‌ఫామెన్స్, అనుకూలత తగ్గవచ్చు.

ఈ నిర్ణయానికి కారణాలు

పాత హార్డ్‌వేర్ లిమిటేషన్స్ ప్రధాన కారణం. Xiaomi 12 సిరీస్ స్నాప్‌డ్రాగన్ 8 జెన్ 1 చిప్‌సెట్‌తో వచ్చింది. ఈ చిప్ హీటింగ్, పవర్ వినియోగం ఎక్కువ. కొత్త అప్‌డేట్స్ రన్ చేస్తే పర్‌ఫామెన్స్ తగ్గుతుంది, ఓవర్‌హీటింగ్ వస్తుంది. యూజర్ ఎక్స్‌పీరియన్స్ బాగుండదు. కొత్త HyperOS వెర్షన్లలో అడ్వాన్స్ AI ఫీచర్లు ఉంటాయి. ఈ సాఫ్ట్‌వేర్ రన్ చేయడానికి బలమైన హార్డ్‌వేర్ అవసరం. పాత ఫోన్లలో ఇవి సరిగా రన్ కావు.

షావోమీ ఎందుకు అప్‌డేట్స్ ఆపేసింది?

కొత్త అప్‌డేట్స్ ఇవ్వడం వల్ల పాత ఫోన్లలో ల్యాగ్, హీటింగ్, బ్యాటరీ డ్రెయిన్ వస్తాయి. దీనివల్ల యూజర్ ఎక్స్‌పీరియన్స్ దెబ్బతింటుంది. కంపెనీ బ్రాండ్ విలువకు కూడా నష్టం కలుగుతుంది. అందుకే షావోమీ పర్‌ఫామెన్స్ కోసం అప్‌డేట్స్ ఆపేసింది. ఇకపై కొత్త ఫోన్లపై దృష్టి పెడుతోంది. వాటిలో అడ్వాన్స్ ఫీచర్లు, మెరుగైన పర్‌ఫామెన్స్ ఉంటాయి.

Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్‌ఫామ్.. చాలా ప్రమాదకరం

యూజర్లు ఇప్పుడు ఏమి చేయాలి?

ఫోన్లు ఇప్పటికీ సాధారణ పనులకు ఉపయోగించవచ్చు. కానీ సెక్యూరిటీ రిస్క్ గుర్తుంచుకోవాలి. అన్‌నోన్ సోర్సెస్ నుంచి యాప్స్ ఇన్‌స్టాల్ చేయకూడదు. ముఖ్యమైన డేటా రెగ్యులర్‌గా బ్యాకప్ తీసుకోవాలి. మెరుగైన పనితీరు, లాంగ్ సపోర్ట్ కోసం కొత్త ఫోన్‌కు అప్‌గ్రేడ్ చేయడం మంచిది.

పాత ఫోన్లకు సపోర్ట్ ఆగిపోవడం ప్రొడక్ట్ లైఫ్ సైకిల్‌లో సహజమైన దశ. ఫోన్లు ఇప్పటికీ పనిచేసినా లాంగ్-టర్మ్ రిలయబిలిటీ తగ్గుతుంది. యూజర్లు సెక్యూర్‌గా, అప్‌డేటెడ్‌గా ఉండాలంటే త్వరలో అప్‌గ్రేడ్ చేయడం మంచిది. షావోమీ కొత్త ఫోన్లలో మెరుగైన సపోర్ట్, ఫీచర్లు ఇస్తోంది.