Portable AC: భగభగమండే ఎండల నుంచి ఉపశమనం పొందేందుకు ప్రస్తుతం చాలా మంది ఇళ్లల్లో ఏసీలను ఉపయోగిస్తున్నారు. అయితే అద్దె ఇళ్లలో ఉండేవారికి లేదా గోడలు పాడుచేయడం ఇష్టం లేనివారికి ‘పోర్టబుల్ ఏసీలు’ (Portable ACs) ఒక అద్భుతమైన ప్రత్యామ్నాయంగా నిలుస్తున్నాయి. ఈ నేపథ్యంలో కొత్త పోర్టబుల్ ఏసీ కొనాలని భావిస్తున్నవారికి ఈ ఏడాది మార్కెట్లో విపరీత ఆదరణ పొందుతున్న పోర్టబుల్ ఏసీలను ఈ కథనంలో అందించడం జరుగుతోంది. వాటి ఫీచర్లపై ఓ లుక్కేసి.. మీ అంచనాలకు అనుగుణంగా ఉన్న దానిని ట్రై చేయండి.
ప్రస్తుతం పోర్టబుల్ ఏసీల విభాగంలో ‘మిడియా డ్యూయో’ టాప్ ప్లేస్లో దూసుకుపోతోంది. ఇది ‘హోస్-ఇన్-హోస్’ (డ్యూయల్ హోస్) టెక్నాలజీతో రూపొందింది. దీనివల్ల గదిలోని వేడి గాలి బయటకు వెళ్తూ చల్లటి గాలి చాలా వేగంగా గది మెుత్తాన్ని నింపేస్తుంది. పెద్ద గదులను సైతం కేవలం కొన్ని నిమిషాల్లోనే ఇది ఐస్ ముక్కలా మార్చేస్తుందని కంపెనీ వర్గాలు పేర్కొంటున్నాయి. పైగా తక్కువ శబ్దంతో పనిచేయడం దీని ప్రత్యేకతగా చెబుతోంది.
గది కాస్త పెద్దగా ఉంటే ‘వైంటర్’ బ్రాండ్ పర్ఫెక్ట్ ఛాయిస్. ఇది 12,000 BTU సామర్థ్యంతో వస్తుంది. ఇన్వర్టర్ టెక్నాలజీని ఉపయోగించడం వల్ల ఇది దాదాపు 40% నుండి 50% వరకు విద్యుత్ను ఆదా చేస్తుంది. గూగుల్ అసిస్టెంట్, అలెక్సా ద్వారా వాయిస్ కంట్రోల్ చేసుకునే స్మార్ట్ ఫీచర్లు కూడా ఇందులో ఉన్నాయి. బరువు కొంచెం ఎక్కువే అయినా.. కింద ఉన్న వీల్స్ సహాయంతో సులభంగా ఒక చోటు నుంచి మరో చోటుకు దీన్ని తరలించొచ్చు.
ఏసీ చేసే శబ్దానికి చిరాకు పడేవారి కోసం ఎల్జీ ఈ మోడల్ను తీసుకొచ్చింది. ఇది చాలా నిశ్శబ్దంగా పనిచేస్తుంది. ఇందులో ఉండే ఆటో ఎవాపరేషన్ సిస్టమ్ వల్ల నీటిని మాటిమాటికీ తీసివేయాల్సిన అవసరం ఉండదు, నిర్వహణ చాలా సులభం. ఎల్జీ ‘ThinQ’ యాప్ ద్వారా దీన్ని ఫోన్ నుంచే ఆపరేట్ చేయవచ్చు.
తక్కువ బడ్జెట్లో, తేలికపాటి పోర్టబుల్ ఏసీ కావాలనుకునే వారికి ‘సెరెన్లైఫ్’ బెస్ట్ ఛాయిస్ అని చెప్పవచ్చు. దీని బరువు చాలా తక్కువగా ఉండటంతో పాటు ఇన్స్టాలేషన్ కూడా కేవలం 10 నిమిషాల్లో అయిపోతుంది. చిన్న, మీడియం సైజ్ గదులకు ఈ కదిలే ఏసీ పర్ఫెక్ట్ గా సరిపోతుంది. బడ్జెట్ ధరలో మంచి కూలింగ్ ఇచ్చే ఏసీ కోసం చూసేవారికి ఇది బెస్ట్ వాల్యూ మనీ అని కంపెనీ వర్గాలు పేర్కొంటున్నాయి.
Also Read: రామ్ చరణ్ ‘పెద్ది’ చూసిన తర్వాత సెలబ్రిటీల రియాక్షన్ ఇదే!..
Share
రేపు ఆ ప్రాంతాల్లో మోదీ పర్యటన.. ఏకంగా రూ.21 వేల కోట్ల ప్రాజెక్టులకు శ్రీకారం.. పూర్తి వివరాలివే!
Shreyas Iyer: వివాదంలో శ్రేయస్ అయ్యర్...అంపైర్ పై దాడికి యత్నం !
