Phone Wireless charging cooler: ఇక ఫోన్ హీటింగ్ సమస్యకు గుడ్‌బై.. కొత్త వైర్‌లెస్ కూలర్ చార్జర్ లాంచ్

Phone Wireless charging cooler| ఇకపై స్మార్ట్‌ఫోన్ వేడెక్కే సమస్య ఉండదు. గేమ్స్ ఆడవారు ఏ టెన్షన్ లేకుండా ఫోన్ ఎంతసేపు ఉపయోగించినా అది చల్లగానే ఉంటుంది. బ్లాక్ షార్క్ (Black Shark) కంపెనీ కొత్తగా ఒక అద్భుతమైన మాగ్నెటిక్ వైర్‌లెస్ చార్జింగ్ కూలర్ ని లాంచ్ చేసింది. ఈ చిన్న డివైస్ మీ ఫోన్ ని ఎప్పటికీ వేడెక్కనివ్వదు, అదే సమయంలో వైర్‌లెస్ గా ఛార్జ్ కూడా చేస్తుంది. గేమింగ్ ఆడుతున్నప్పుడు ఒకవేళ ఫోన్ హీట్ అయితే ఆటోమాటిక్ గా చల్లబరుస్తుంది. ఈ డివైజ్‌కు సొంత బ్యాటరీ ఉంది. AI టెంపరేచర్ కంట్రోల్ సిస్టమ్ ఎప్పుడూ ఫోన్ ఉష్ణోగ్రతను గమనిస్తూ ఉంటుంది.

ధర, లభ్యత?

ప్రస్తుతం బ్లాక్ షార్క్ మాగ్నెటిక్ కూలర్ చైనాలో మాత్రమే విడుదల అయింది. దీని ధర చైనాలో కేవలం 209 యువాన్ (సుమారు రూ. 2,607 మాత్రమే!). అధికారిక వెబ్‌సైట్ లో లేదా JD.com లో ప్రీ-ఆర్డర్ చేసుకోవచ్చు. దీని సేల్స్ నవంబర్ 28 నుంచి అధికారికంగా మొదలవుతాయి.

ముఖ్య ఫీచర్లు – మూడు పనులు ఒకేసారి!

సూపర్ ఫాస్ట్ 25W వైర్‌లెస్ ఛార్జింగ్
సెమీకండక్టర్ టెక్నాలజీతో యాక్టివ్ కూలింగ్
బలమైన మాగ్నెట్ తో ఫోన్ వెనుకభాగంలో అతికే ఉంటుంది

ఉదాహరణకు iPhone 17 Pro ని 30 నిమిషాల్లోనే 50% వరకు ఛార్జ్ చేయగలదు. ఆపిల్ గ్రేడ్ కాయిల్, సేఫ్టీ కోసం అథెంటికేషన్ చిప్ కూడా ఉన్నాయి.

అద్భుతమైన కూలింగ్ టెక్నాలజీ

ఇందులో TEC సెమీకండక్టర్ కూలింగ్ ప్లేట్, 3000 RPM స్పీడ్ ఫ్యాన్, పెద్ద హీట్ సింక్ ఉన్నాయి. ఫోన్ ఉపరితల ఉష్ణోగ్రతను 13°C వరకు తగ్గించగలదు! AI సిస్టమ్ ఎప్పుడూ టెంపరేచర్ చూస్తూ ఆటోమాటిక్ గా కూలింగ్ ఆన్ చేస్తుంది. గేమింగ్ ఆడుతున్నా, వీడియో ఎడిట్ చేస్తున్నా ఫోన్ ఎప్పుడూ చల్లగానే ఉంటుంది.

సూపర్ స్ట్రాంగ్ మాగ్నెట్

మొత్తం 18 N52 బలమైన మాగ్నెట్స్ ఉన్నాయి. ఫోన్ కి గట్టిగా అతుక్కుంటుంది. మామూలు కవర్ పెట్టినా పని చేస్తుంది (కంపెనీ మాగ్నెటిక్ రింగ్ ఇస్తుంది). దీని బరువు కేవలం 93 గ్రాములు మాత్రమే, సైజు చాలా చిన్నది (65.49×22.7 mm).

రెండు మోడ్స్

నార్మల్ మోడ్: ఛార్జింగ్ + కూలింగ్ రెండూ జరుగుతాయి
3 సెకన్లు బటన్ నొక్కితే: కేవలం కూలింగ్ మోడ్ (7W పవర్ తో ఛార్జింగ్ ఆఫ్ అవుతుంది)

స్టైలిష్ RGB లైటింగ్

మూడు రకాల కలర్ లైటింగ్ ఎఫెక్ట్స్ ఉన్నాయి. మీకు ఇష్టమైన ఆప్షన్స్ ఎంచుకోండి. గేమింగ్ సెటప్ కి చాలా కూల్ లుక్ వస్తుంది! ఈ చిన్న ధరకు ఛార్జింగ్ + కూలింగ్ + స్టైల్ అన్నీ ఇచ్చే ఈ డివైస్ గేమర్స్ కి, హెవీ యూజర్లకి పర్ఫెక్ట్. త్వరలోనే ఇండియాలో కూడా రావచ్చు. ఇప్పటివరకు ఫోన్ హీటింగ్ తో బాధపడుతున్నవాళ్లు ఈ అద్భుతమైన చార్జర్ కూలర్ ని మిస్ చేయొద్దు!

Also Read: హెడ్‌ఫోన్స్‌లో సమస్య వస్తే ఫ్రిజ్‌లో పెట్టండి.. వైరల్ అవుతున్న వింత ట్రెండ్