BSNL Prepaid Plan: ప్రభుత్వరంగ టెలికం సంస్థ BSNL తన కస్టమర్లకు గుడ్న్యూస్ చెప్పింది. అటు మొబైల్ వినియోగదారుల కోసం ఒక లాంగ్ టర్మ్ ప్లాన్ను, ఇటు బ్రాడ్బ్యాండ్ యూజర్ల కోసం అదిరిపోయే డిస్కౌంట్ను ప్రకటించింది. ప్రైవేట్ టెలికాం సంస్థలు ధరలు పెంచుతున్న తరుణంలో.. ప్రభుత్వ రంగ సంస్థ అయిన బీఎస్ఎన్ఎల్ తీసుకున్న ఈ నిర్ణయం సామాన్యులకు ఊరటనిస్తోంది.
మొబైల్ యూజర్ల కోసం BSNL ‘భారత్ కనెక్ట్’ పేరుతో ఒక కొత్త లాంగ్ టర్మ్ ప్రీపెయిడ్ ప్లాన్ను తీసుకొచ్చింది. దీని ధర రూ.2,626గా నిర్ణయించారు. దీనిలో భాగంగా ఒక్కసారి రీఛార్జ్ చేసుకుంటే.. ఏడాది పొడవునా టెన్షన్ ఉండదు. దీనిలో రోజుకు 2.6GB హై స్పీడ్ డేటాతో పాటు అన్లిమిటెడ్ వాయిస్ కాల్స్, రోజుకు 100 ఎస్ఎంఎస్లు లభిస్తాయి. అయితే, ఇది పరిమిత కాల ఆఫర్ మాత్రమే. జనవరి 24 నుండి ఫిబ్రవరి 24 మధ్య రీఛార్జ్ చేసుకున్న వారికి మాత్రమే ఈ ప్రయోజనం అందుతుంది.
Also Read: 200MP కెమెరాతో రియల్మీ 16 ప్రో ఎంట్రీ.. ఫ్లాగ్షిప్ ఫోన్లకు గట్టి పోటీ తప్పదేమో!
ఈ ఆఫర్ కేవలం మొబైల్ మాత్రమే కాదు.. బ్రాడ్బ్యాండ్ రంగంలోనూ BSNL సంచలన నిర్ణయం తీసుకుంది. గతంలో రూ.999గా ఉన్న ‘సూపర్ స్టార్ ప్రీమియం’ ప్లాన్ ధరను ఇప్పుడు రూ.799కి తగ్గించింది. తద్వారా 200Mbps స్పీడ్తో నెలకు 5,000GB డేటా లభిస్తుంది. అంతేకాదు.. ఒకేసారి 12 నెలలకు చెల్లిస్తే అదనంగా మరో 20% డిస్కౌంట్ కూడా పొందొచ్చు. ఈ ఆఫర్ మార్చి 31 వరకు అందుబాటులో ఉంటుంది.
ఈ బ్రాడ్బ్యాండ్ ప్లాన్ తీసుకునే వారికి Sony LIV, Lionsgate, JioHotstar, Hungama వంటి ప్రముఖ OTT ప్లాట్ఫామ్స్ ద్వారా ఫ్రీగా మూవీస్, వెబ్సిరీస్ చూసుకోవచ్చు. కొత్తగా ప్లాన్ తీసుకోవాలనుకునే వారు లేదా పాత ప్లాన్ నుండి అప్గ్రేడ్ అవ్వాలనుకునే వారు బీఎస్ఎన్ఎల్ అఫీషియల్ వెబ్సైట్ లేదా వాట్సాప్ చాట్బాట్ ద్వారా రీఛార్జ్ చేసుకోవచ్చు.
Also Read: ఒక్కసారి ఛార్జ్ చేస్తే 4 రోజులు వాడొచ్చు.. వివో Y31d షాకింగ్ ఫీచర్లు ఇవే!
Share
Evil Eye Remedy: మీ ఇంటిపై చెడు కళ్లు పడ్డాయా? ఈ పూజతో నరదృష్టి నుంచి విముక్తి పొందండి!
Varanasi Release date: ‘వారణాసి’ మూవీ రిలీజ్ డేట్ ఫిక్స్.. ఉగాదికి విడుదల, జక్కన్నను నమ్మోచ్చా?
