Vivo Y31d Mobile: ఒక్కసారి ఛార్జ్ చేస్తే 4 రోజులు వాడొచ్చు.. వివో Y31d షాకింగ్ ఫీచర్లు ఇవే!

Vivo Y31d Mobile: ప్రముఖ చైనా మొబైల్ తయారీ సంస్థ వివో తన Y సిరీస్ నుండి సరికొత్త స్మార్ట్‌ఫోన్ ‘Vivo Y31d’ మార్కెట్‌లో విడుదలైంది. బడ్జెట్ ధరలో ప్రీమియం ఫీచర్లు ఆశించే వారి కోసమే సంస్థ ఈ ఫోన్‌ను డిజైన్ చేసినట్లు తెలుస్తోంది. ముఖ్యంగా బ్యాటరీ బ్యాకప్ విషయంలో ఈ ఫోన్ సరికొత్త బెంచ్‌మార్క్ సెట్ చేస్తోందని టెక్ నిపుణులు అంచనా వేస్తున్నారు.

ఫాస్ట్ ఛార్జింగ్ సపోర్ట్:

ఈ Vivo Y31d ఏకంగా 7,200mAh భారీ బ్యాటరీతో వస్తోంది. బ్లూవోల్ట్ టెక్నాలజీతో రూపొందిన ఈ బ్యాటరీని ఒక్కసారి ఛార్జ్ చేస్తే రోజుల తరబడి వాడుకోవచ్చు. గంటల కొద్దీ గేమ్స్ ఆడినా, వీడియోలు చూసినా ఛార్జింగ్ అయిపోతుందనే భయం ఉండదు. 43 నిమిషాల్లోనే సగం ఛార్జింగ్ పూర్తయ్యేలా 44W ఫాస్ట్ ఛార్జింగ్ సదుపాయం కూడా ఉంది.

Also Read: శాంసంగ్ గెలాక్సీ Z ఫ్లిప్ 7 ఒలింపిక్ ఎడిషన్ వచ్చేసింది.. దీని ప్రత్యేకతలపై ఓ లుక్కేయండి!

రెండు కలర్ ఆప్షన్స్:

ఫోన్ కింద పడినా లేదా నీళ్లలో నానినా భయపడాల్సిన అవసరం లేదని కంపెనీ హామీ ఇస్తోంది. IP68, IP69 రేటింగ్స్‌తో వస్తున్న ఈ మొబైల్, నీటి అడుగున కూడా సేఫ్‌గా ఉంటుంది. గ్లో వైట్, స్టార్ లైట్ గ్రే రంగుల్లో లభించే ఈ ఫోన్.. మెటల్ కెమెరా మాడ్యూల్‌తో చాలా క్లాసీగా కనిపిస్తుంది.

మెరుగైన పనితీరు:

6.75 అంగుళాల పెద్ద స్క్రీన్ కలిగిన ఈ హ్యాండ్ సెట్.. 120Hz రిఫ్రెష్ రేట్‌‌కు మద్దతు ఇస్తుంది. దీంతో సోషల్ మీడియా స్క్రోలింగ్ చాలా స్మూత్‌గా ఉంటుంది. ఎండలో కూడా స్క్రీన్ క్లియర్‌గా కనిపించేలా హై బ్రైట్‌నెస్ మోడ్‌ను అందించారు. స్నాప్‌డ్రాగన్ 6s 4G జెన్ 2 ప్రాసెసర్‌పై ఇది రన్ అవుతుంది. అయితే ఇది కేవలం 4G నెట్‌వర్క్‌కే పరిమితం కావడం గమనించాల్సిన విషయం.

స్టీరియో స్పీకర్లు ప్రత్యేకం:

ఇక ఫొటోగ్రఫీ విషయానికి వస్తే.. ఈ ఫోన్‌లో 50MP మెయిన్ కెమెరాతో కూడిన డ్యూయల్ సెటప్ ఉంది. మ్యూజిక్ లవర్స్ కోసం దీనిలో స్టీరియో స్పీకరను ఇచ్చారు. ఇవి 400% వరకు వాల్యూమ్‌ను పెంచుతాయని వివో చెబుతోంది. ఆండ్రాయిడ్ 16 ఆధారిత సరికొత్త ఓఎస్‌తో ఈ ఫోన్ పనిచేస్తుంది. ఈ ఫోన్ ధర‌, భారత్‌లో విడుదలపై త్వరలోనే స్పష్టత రానుంది.

Also Read: వారానికి రెండుసార్లు ఛార్జ్ చేస్తే చాలు.. 10,001mAh బ్యాటరీతో రియల్‌మీ P4 పవర్ లాంచ్

Join WhatsApp Channel

Share

• 
• 
• 
• 
• 
•