Central vs Split AC: ప్రస్తుతం మార్కెట్లో రెండు రకాల ఏసీలు ప్రధానంగా అందుబాటులో ఉన్నాయి. సెంట్రల్ ఏసీ, స్ప్లిట్ ఏసీల్లో ఏది కొనాలో తెలియక చాలా మంది కన్ఫ్యూజ్ అవుతుంటారు. కూలింగ్ పరంగా, విద్యుత్ ఆదా పరంగా ఏది బెస్ట్ అని తెగ సెర్చ్ చేస్తుంటారు. ఈ నేపథ్యంలో కొత్త ఏసీ కొనాలని భావిస్తున్నవారి కోసం ఈ ప్రత్యేక కథనం అందించడం జరుగుతోంది. సెంట్రల్, స్ప్లిట్ ఏసీలకు మధ్య తేడాలను ఈ కథనంలో ఇప్పుడు చూద్దాం.
బడ్జెట్ పరంగా చూస్తే.. స్ప్లిట్ ఏసీలు చాలా చౌకైనవని చెప్పవచ్చు. ఒక గదిలో కూలింగ్ కోసం స్ప్లిట్ ఏసీ అద్భుతంగా పనిచేస్తుంది. అదే సెంట్రల్ ఏసీ విషయానికి వస్తే.. దీని ధర చాలా ఎక్కువ. ఇల్లు కట్టేటప్పుడే దీనికి ప్రత్యేకంగా డక్టింగ్ (పైపుల నెట్వర్క్) ఏర్పాటు చేయాల్సి ఉంటుంది. కాబట్టి దీని ఇన్స్టలేషన్ ఖర్చు కూడా భారీగానే ఉంటుంది.
ఇంట్లోని ఒకే ఒక్క గది లేదా చిన్న హాల్ కు మాత్రమే కూలింగ్ వస్తే సరిపోతుందని భావిస్తే.. స్ప్లిట్ ఏసీ బెస్ట్ ఛాయిస్ గా నిలుస్తుంది. ఇవి ఒక నిర్దిష్ట ప్రాంతాన్ని చాలా వేగంగా చల్లబరుస్తాయి. అయితే ఇల్లు మొత్తం లేదా పెద్ద పెద్ద ఆఫీస్ కాంప్లెక్స్లు అంతటా ఒకే విధమైన చల్లదనం కావాలనుకుంటే మాత్రం సెంట్రల్ ఏసీయే బెస్ట్. ఇది ఒకే సమయంలో భవనం మొత్తాన్ని సమానంగా కూల్ చేస్తుంది.
స్ప్లిట్ ఏసీలలో ప్రధానంగా లభించే ‘ఇన్వర్టర్ ఏసీలు’ తక్కువ కరెంట్ ను వాడుకుంటాయి. పైగా అవసరమైన గదిలోనే ఆన్ చేసుకునే వీలుండటం వల్ల విద్యుత్ ఆదా అవుతుంది. మరోవైపు సెంట్రల్ ఏసీలు ఇల్లు మొత్తాన్ని కూల్ చేయడం వల్ల కరెంట్ బిల్లు ఎక్కువగా వచ్చే అవకాశం ఉంది. అయితే రూమ్లన్నింటికీ విడివిడిగా ఎక్కువ స్ప్లిట్ ఏసీలు పెట్టడం కంటే ఒకే సెంట్రల్ ఏసీ వాడటం బడ్జెట్ పరంగా, కరెంటు బిల్లు పరంగా బెస్ట్ అని నిపుణులు అంటున్నారు.
Also Read: ACల కంటే పవర్ఫుల్ గ్యాడ్జెటా? కరెంట్ ఆదా చేస్తూ ప్రకృతిని కాపాడే ఈ Heat Pumps కథేంటి?
స్ప్లిట్ ఏసీల నిర్వహణ విషయానికి వస్తే.. వీటి రిపేరు, సర్వీసింగ్ చాలా సులభం. అదే సెంట్రల్ ఏసీలు అయితే నిపుణులైన టెక్నీషియన్లు తప్పనిసరి. పైపుల క్లీనింగ్ కష్టంతో కూడుకొని ఉంటుందని నిపుణులు పేర్కొంటున్నారు. ఇక లుక్, డిజైన్ పరంగా చూస్తే.. స్ప్లిట్ ఏసీల తరహాలో సెంట్రల్ ఏసీలు.. గోడపై కనిపించవు. వీటిని సీలింగ్ భాగంలో ఫిక్స్ చేస్తారు. కాబట్టి ఇల్లు అందంగా కనిపించే ఛాన్స్ ఉంటుంది.
Also Read: ట్రోలర్లపై జగపతి బాబు సీరియస్.. రామ్చరణ్ గురించి చెబుతూ.. వారికి స్ట్రాంగ్ వార్నింగ్..
Share
వాషింగ్ మెషీన్ కొంటున్నారా ? మీ కుటుంబానికి ఏ కెపాసిటీ (KG) కరెక్టో తెలుసుకోండిలా!
ఏసీలో వింత శబ్దాలు వస్తున్నాయా? కారణం ఇదే కావొచ్చు.. జాగ్రత్త భయ్యో!
