Changan Nevo A06| చైనాకు చెందిన చాంగన్ ఆటోమొబైల్ తన గ్లోబల్ సోడియం-ఐయాన్ బ్యాటరీని అధికారికంగా ప్రకటించింది. ఇంటర్నేషనల్ టెక్నాలజీ ఈవెంట్లో ఈ ప్రకటన జరిగింది. అదే ఈవెంట్లో Changan Nevo A06 ఎలక్ట్రిక్ కారును లాంచ్ చేశారు. ఇది ప్రపంచంలోనే మొదటి మాస్-ప్రొడక్షన్ ప్యాసెంజర్ వాహనం అవుతుంది. ఇందులో సోడియం-ఐయాన్ బ్యాటరీలను ఉపయోగించారు. ఈ లాంచ్ ఎలక్ట్రిక్ వాహనాల్లో కొత్త ఆవిష్కరణకు మార్గం సుగమం చేసింది.
ప్రస్తుతం చాలా ఎలక్ట్రిక్ కార్లు లిథియం బ్యాటరీలను ఉపయోగిస్తున్నాయి. లిథియం ధర ఎక్కువగా ఉంటుంది. కొన్ని దేశాల్లో మాత్రమే లభ్యం. సప్లై చైన్లో రాజకీయ, పర్యావరణ రిస్క్లు ఉన్నాయి. సోడియం చాలా సులభంగా చవకగా లభించే వనరు. సముద్ర ఉప్పు లాంటి సాధారణ ఖనిజాల నుంచి సులభంగా లభిస్తుంది. ఇది బ్యాటరీ ఖర్చులను తగ్గిస్తుంది. సప్లై చైన్ రిస్క్లను తగ్గిస్తుంది. భవిష్యత్తులో ఎలక్ట్రిక్ కార్ల ధరలు తగ్గుతాయి.
Changan Nevo A06లో 45 kWh సోడియం-ఐయాన్ బ్యాటరీ ఉంది. ఈ బ్యాటరీ CATL నుంచి వచ్చింది. Naxtra సిరీస్కు చెందింది. కంపెనీ ప్రకారం ఈ బ్యాటరీతో 400 కిలోమీటర్లకు పైగా రేంజ్ వస్తుంది. ఇది చాలా లిథియం బ్యాటరీ కార్లతో సమానం. CATL థర్డ్ జనరేషన్ Cell-to-Pack టెక్నాలజీ ఉపయోగించారు. ఇది ఎఫిషియెన్సీ పెంచి, అనవసరమైన స్థలాన్ని తగ్గిస్తుంది. ఎనర్జీ డెన్సిటీ 175 Wh/kg వరకు ఉంది. బ్యాటరీ తేలికగా, సురక్షితంగా ఉంటుంది.
CATL ఈ బ్యాటరీని చాలా చల్లని వాతావరణంలో టెస్ట్ చేసింది. యాకేషి ప్రాంతంలో శీతాకాల టెస్టులు జరిగాయి. మైనస్ 30 డిగ్రీల సెల్సియస్లో బ్యాటరీ డిశ్చార్జ్ పవర్ చాలా బాగుంది. ఇది అదే స్థాయి LFP బ్యాటరీల కంటే మూడు రెట్లు బెటర్ పనిచేసింది. మైనస్ 40 డిగ్రీల వద్ద 90 శాతం కంటే ఎక్కువ కెపాసిటీ ఉంది. మైనస్ 50 డిగ్రీల వద్ద కూడా స్థిరంగా పనిచేస్తుంది. చల్లని ప్రాంతాల్లో ఇది చాలా ఉపయోగకరంగా ఉంటుంది.
చాంగన్ కంపెనీ ప్రకారం.. ఈ బ్యాటరీ జాతీయ సేఫ్టీ స్టాండర్డ్స్ను మించింది. క్రషింగ్, డ్రిల్లింగ్, పూర్తి కట్టింగ్ వంటి ఎక్స్ట్రీమ్ టెస్టులు చేశారు. బ్యాటరీలో అగ్ని, పొగ, పేలుడు ఏమీ లేవు. తీవ్ర నష్టం తర్వాత కూడా సాధారణంగా డిశ్చార్జ్ అవుతుంది. ఇది ఎలక్ట్రిక్ వాహన యూజర్లకు సేఫ్టీ పెంచుతుంది.
సోడియం-ఐయాన్ బ్యాటరీలు లిథియం పై ఆధారపడకుండా చేస్తాయి. బ్యాటరీ ఉత్పత్తి ఖర్చులు తగ్గుతాయి. సప్లై చైన్ రిస్క్లు తగ్గుతాయి. సులభంగా లభించే మెటీరియల్స్తో బ్యాటరీలు తయారు చేయవచ్చు. భవిష్యత్తులో ఎలక్ట్రిక్ కార్ల ధరలు తగ్గుతాయి. ప్రపంచవ్యాప్తంగా ఎలక్ట్రిక్ వాహనాలు మరింత సులభంగా అందుబాటులోకి వస్తాయి.
Also Read: Ola vs Uber vs Bharat Taxi: ఒకే రూట్లో తక్కువ ధర ఇచ్చే రైడ్ ఏది?
Nevo A06 కొత్త దిశను చూపిస్తోంది. మంచి రేంజ్, సేఫ్టీ, చల్లని వాతావరణ పర్ఫామెన్స్ ఉన్నాయి. సోడియం లిథియంను రియల్ వాహనాల్లో రీప్లేస్ చేయగలదని నిరూపించింది. భవిష్యత్ బ్యాటరీ రీసెర్చ్పై ప్రభావం చూపుతుంది. ఇది గ్లోబల్ EV మార్కెట్ను మార్చే బ్రేక్త్రూ అవుతుంది.
Share
Gold Shop Robbery: గోల్డ్ షాపులో దోపిడీ దొంగల బీభత్సం.. అరడజను మంది సర్దేశారు, సీసీటీవీ సాక్షిగా
YS Jagan: అసెంబ్లీకి జగన్.. తిరుమల కల్తీ నెయ్యిపై స్పందిస్తారా? సంతకం చేసి వెళ్తారా?
