Charging Tips: స్మార్ట్ఫోన్ అనేది మనిషి జీవితంలో ఎంతలా భాగమైపోయిందంటే.. ఓ పూట భోజనం మానేస్తారేమో గానీ, చేతిలో ఫోన్ లేకపోతే మాత్రం అస్సలు ఉండలేరు. రోజంతా ఏదో ఒకటి స్క్రోల్ చేస్తూనే ఉండటం మనకు అలవాటైపోయింది. ఈ క్రమంలో బ్యాటరీ కొంచెం తగ్గినా చాలు.. ఎక్కడ స్విచ్ ఆఫ్ అయిపోతుందో అని తెగ కంగారు పడిపోతుంటాం. అయితే కొన్నిసార్లు ఒరిజినల్ ఛార్జర్ అందుబాటులో లేకపోయినా లేదా ప్లగ్ పాయింట్ దూరంగా ఉన్నా.. చాలామంది చేసే పని ల్యాప్టాప్కు కేబుల్ తగిలించి ఫోన్ ఛార్జ్ చేయడం.
ల్యాప్టాప్కు ఫోన్ను కనెక్ట్ చేయడం ఈజీ అనిపించవచ్చు. కానీ, ఇలా చేయడం వల్ల ఫోన్ బ్యాటరీ మెల్లగా పాడవుతుందని చెబుతున్నారు టెక్ నిపుణులు. మన ఫోన్ బ్యాటరీకి ఒక పద్ధతిలో వోల్టేజ్, కరెంట్ అందాలి. ఫోన్తో పాటు వచ్చే ఛార్జర్ సరిగ్గా దానికి తగ్గట్టే తయారవుతుంది. కానీ ల్యాప్టాప్ ఇచ్చే పవర్ అవుట్పుట్ వేరుగా ఉంటుంది. దీంతో ఫోన్ బ్యాటరీ సామర్థ్యం దెబ్బతిని, త్వరగా పాడైపోయే ప్రమాదం ఉంది.
ల్యాప్టాప్ ద్వారా ఛార్జ్ చేసినప్పుడు మొబైల్ చాలా నెమ్మదిగా ఛార్జ్ అవుతుంది. దీనివల్ల ఫోన్ ఎక్కువ సేపు ప్లగ్లోనే ఉంటుంది. ఇలా ఎక్కువసేపు కనెక్ట్ అయి ఉండటం వల్ల మొబైల్ త్వరగా వేడెక్కుతుంది. అధిక వేడి వల్ల బ్యాటరీ మాత్రమే కాకుండా ఫోన్ లోపల ఉండే సెన్సిటివ్ విడిభాగాలు కూడా దెబ్బతింటాయి. ఒక్కోసారి కేవలం బ్యాటరీ శాతం పెరగడం మాత్రమే కనిపిస్తుంది కానీ, పనితీరులో ఎలాంటి మార్పు ఉండదు. ఈ అలవాటు వల్ల బ్యాటరీ లైఫ్ పూర్తిగా తగ్గిపోయి మీ ఫోన్ డెడ్ అయ్యే ప్రమాదం కూడా ఉంది.
Also Read: మీరు వాడిపడేసిన పాత ఫోన్నే CCTV Cameraగా మార్చేయొచ్చు.. అదెలాగంటే?
⇒ లక్షల రూపాయలు పెట్టి కొన్న ఖరీదైన ఫోన్ ఎక్కువ కాలం మన్నాలంటే ఎప్పుడూ కంపెనీ ఇచ్చిన ఒరిజినల్ ఛార్జర్నే వాడాలి.
⇒ లోకల్ లేదా నాణ్యత లేని ఛార్జర్ల జోలికి వెళ్లకపోవడమే మంచిది. లేదంటే బ్యాటరీ త్వరగా పాడైపోతుంది.
⇒ బ్యాటరీని ఎప్పుడూ 20% కంటే తగ్గకుండా, 80% కంటే దాటకుండా ఛార్జ్ చేయడం వల్ల బ్యాటరీ లైఫ్ బాగుంటుంది.
⇒ మీ ఫోన్ ఛార్జర్ను అందరికీ ఇచ్చి వాడటం వల్ల కేబుల్స్, అడాప్టర్ దెబ్బతినే అవకాశం ఉంటుంది.
⇒ బ్యాటరీ తక్కువగా ఉన్నప్పుడు పవర్ సేవింగ్ మోడ్ను ఆన్ చేసుకోవడం మర్చిపోవద్దు.
⇒ ఫోన్ సాఫ్ట్వేర్ను ఎప్పటికప్పుడు అప్డేట్ చేస్తుండాలి. ఎందుకంటే.. కొత్త అప్డేట్స్లో బ్యాటరీ ఆప్టిమైజేషన్ ఫీచర్లు ఉంటాయి.
Also Read: బడ్జెట్ ధరే కానీ ఫీచర్లు మాత్రం నెక్ట్స్ లెవల్.. త్వరలో లాంచ్ కానున్న టాప్-5 ల్యాప్టాప్స్!
Share
EV Humming Sound: ఎలక్ట్రిక్ కారులో హమ్మింగ్ సౌండ్.. డోంట్ వర్రీ.. ఇదీ అసలు మ్యాటర్!
Dangerous Reels on Roads: లైక్స్ పిచ్చి ఎటు తీసుకెళ్తోంది?: సోషల్ మీడియా స్టంట్లపై సీపీ సజ్జనార్ ఆగ్రహం
