DJI Avata Drone: 20 km రేంజ్‌గల కొత్త డ్రోన్ లాంచ్.. 8K 60fps క్లారిటీతో ఫొటోగ్రఫీ, వీడియోగ్రఫీ ఫీచర్.. ధర ఎంతంటే?

DJI Avata Drone| డీజేఐ టెక్ కంపెనీ కొత్త డ్రోన్‌ లాంచ్ చేసింది. సూపర్ ఫీచర్స్‌గల ఈ డ్రోన్ పేరు DJI Avata 360. ఈ డ్రోన్ ఏరియల్ ఫోటోగ్రఫీ, వీడియోగ్రఫీ కోసం పవర్‌ఫుల్ ఫీచర్లను అందిస్తుంది. ఎక్కువ సమయం ఎగరడం, అధిక రిజల్యూషన్ వీడియో రికార్డింగ్ వంటి కెపాసిటీలు ఉన్నాయి. ఇమ్మర్సివ్ షూటింగ్ ఎక్స్‌పీరియన్స్ కావాలనుకునే కంటెంట్ క్రియేటర్లను లక్ష్యంగా చేసుకుని ఈ డ్రోన్ రూపొందించబడింది.

ధర, లభ్యత

DJI Avata 360 ధర €459 (భారత కరెన్సీలో దాదాపు రూ.50,000). డీజేఐ అధికారిక వెబ్‌సైట్ నుంచి కొనుగోలు చేయవచ్చు. డ్రోన్ లభించే దేశాన్ని బట్టి ధర మారవచ్చు.

360 డిగ్రీ FPV ఎక్స్‌పీరియన్స్

ఈ డ్రోన్ పూర్తి 360 డిగ్రీ FPV ఫ్లయింగ్ ఎక్స్‌పీరియన్స్ ఇస్తుంది. ఇది ఏరియల్ షాట్స్‌ను మరింత ఆకర్షణీయంగా సినిమాటిక్‌గా తీసుకురావడానికి సహాయపడుతుంది. డ్యూయల్ లెన్స్‌లు ఉన్నాయి కాబట్టి షూటింగ్ సమయంలో సులభంగా లెన్స్ మార్చుకోవచ్చు. కంటెంట్ క్రియేటర్లు, ఫిల్మ్ మేకర్లకు ఇది చాలా ఉపయోగకరం.

కెమెరా, ఇమేజింగ్ కెపాసిటీ

డ్రోన్‌లో 1-ఇంచ్ ఇమేజింగ్ సెన్సార్ ఉంది. ఇది ఫొటో, వీడియో క్వాలిటీ మెరుగుపరుస్తుంది, తక్కువ లైటింగ్‌లో కూడా బాగా పని చేస్తుంది. 8K రిజల్యూషన్‌లో 60fps వీడియో రికార్డ్ చేయవచ్చు. HDR వీడియో రికార్డింగ్ సపోర్ట్ ఉంది కాబట్టి రంగులు, డైనమిక్ రేంజ్ అద్భుతంగా వస్తాయి. ఫోటోలు 120MP వరకు తీయవచ్చు.

ఫ్లైట్ పర్‌ఫామెన్స్, రేంజ్

డ్రోన్ గరిష్టంగా 20 కిలోమీటర్ల రేంజ్ ఇస్తుంది. ఒక్కసారి ఎగరడంతో 23 నిమిషాల వరకు ఫ్లైట్ టైమ్ ఉంటుంది. అధునాతన O4+ వీడియో ట్రాన్స్‌మిషన్ టెక్నాలజీ ఉపయోగించడం వల్ల లైవ్ వీడియో ఫీడ్ స్థిరంగా మరియు స్పష్టంగా ఉంటుంది.

భద్రత, డిజైన్ ఫీచర్లు

డ్రోన్‌లో ఆల్-డైరెక్షన్ ఆబ్‌స్టాకిల్ సెన్సింగ్ ఉంది. అన్ని దిశల నుంచి వస్తువులను గుర్తించి కొట్టుకోకుండా రక్షిస్తుంది. బిల్ట్-ఇన్ ప్రొపెల్లర్ గార్డ్స్ ఉన్నాయి కాబట్టి క్రాష్ లేదా రఫ్ యూజ్‌లో డ్రోన్ దెబ్బతినకుండా ఉంటుంది. రీప్లేస్‌మెంట్ కిట్ కూడా విడిగా కొనుగోలు చేయవచ్చు.

స్మార్ట్ ఫీచర్లు, కంట్రోల్

ActiveTrack, Spotlight, ఇంటెలిజెంట్ ట్రాకింగ్ FPV మోడ్ వంటి స్మార్ట్ ఫీచర్లు ఉన్నాయి. ఒక్క ట్యాప్‌తో వీడియో ఎడిటింగ్ చేయవచ్చు. బిగినర్లు, ప్రొఫెషనల్స్ ఇద్దరికీ సులభం.

Also Read: యూట్యూబ్‌లో యాడ్స్ తో విసిగిపోయారా?.. ఈ సింపుల్ ట్రిక్ తో ఉచితంగా యాడ్స్ బ్లాక్ చేయండి

స్టోరేజ్, ఉపయోగం

డ్రోన్‌లో 42GB ఇంటర్నల్ స్టోరేజ్ ఉంది. ఫోటోలు, వీడియోలను నేరుగా సేవ్ చేయవచ్చు. డిజైన్ పర్‌ఫామెన్స్, సౌలభ్యాన్ని దృష్టిలో ఉంచుకుని రూపొందించబడింది.

డీజేఐ డ్రోన్ టెక్నాలజీలో నిరంతరం ఆవిష్కరణలు చేస్తోంది. DJI Avata 360 కాంపాక్ట్ డిజైన్‌లో పవర్‌ఫుల్ ఫీచర్లను అందిస్తోంది. అధిక క్వాలిటీ ఏరియల్ కంటెంట్ కావాలనుకునే క్రియేటర్లకు ఇది చాలా మంచి ఆప్షన్.