Dyson CameraJet: టెక్నాలజీ మన జీవితాలను ఎన్నో విధాలుగా మార్చేసింది. కానీ, పళ్లు తోముకునే బ్రష్లో కూడా కెమెరా, ఆర్టిఫిషియల్ ఇంటెలిజెన్స్ (AI) వస్తాయని ఎవరైనా ఊహించారా? ప్రీమియం బ్రాండ్ డైసన్ ఇదే చేసి చూపించింది. ‘కెమెరాజెట్’ పేరుతో ఒక సరికొత్త ఎలక్ట్రిక్ టూత్బ్రష్ను మార్కెట్లోకి తీసుకొచ్చింది. రోజువారీ ఓరల్ కేర్ను పూర్తిగా డిజిటల్ అనుభవంగా మార్చేస్తున్న ఈ క్రేజీ గ్యాడ్జెట్ విశేషాలు ఇప్పుడు చూద్దాం.
ఈ బ్రష్ హెడ్లో 100,000 పిక్సెల్స్ ఉన్న ఒక చిన్న మ్యాక్రో కెమెరా ఉంటుంది. పళ్ల మధ్య ఉన్న ఖాళీలను ఇది సెకనుకు 28 చిత్రాలు తీస్తూ రియల్ టైమ్లో పరిశీలిస్తుంది. ఎక్కడైనా మురికి లేదా పంటి సందుల్లో ఖాళీలు కనిపిస్తే.. కేవలం 100 మిల్లీసెకన్లలో అక్కడ మౌత్ వాష్ను స్ప్రే చేస్తుంది. నోరంతా కాకుండా, అవసరమైన చోటే స్ప్రే చేయడం దీని ప్రత్యేకం.
Also Read: శాంసంగ్ యూజర్లకు బ్యాడ్ న్యూస్.. ఆ పాపులర్ ఫోన్ల ధరలు విపరీతంగా పెంపు!
మన పళ్ల వెనుక భాగాన్ని మనం స్వయంగా చూడటం కష్టం. కానీ ఈ బ్రష్లోని కెమెరా సహాయంతో మైడైసన్ యాప్ ద్వారా ఫోన్లోనే మన నోటి లోపలి భాగాలను లైవ్గా చూడవచ్చు. అయితే ఈ కెమెరా దృశ్యాలు ఎక్కడా సేవ్ కావు, క్లౌడ్లోకి వెళ్లవని, యూజర్ల ప్రైవసీకి పూర్తి భద్రత ఉంటుందని కంపెనీ స్పష్టం చేసింది.
ఒక టూత్ బ్రష్ కోసం డైసన్ 6 సంవత్సరాలు పరిశోధనలు చేసింది. దాదాపు 661 మంది ఇంజనీర్లు కష్టపడి 16 మిలియన్ లైన్ల కోడింగ్ రాశారు. సుమారు 4,70,000 దంతాల చిత్రాలను ఉపయోగించి ఈ ఏఐ సిస్టమ్ను తయారుచేశారు. ఇది బ్రష్ చేయడం, వాటర్ ఫ్లాసింగ్, లైవ్ వ్యూ అనే మూడు పనులను ఒకేసారి చేస్తుంది.
ఈ ఏఐ టూత్ బ్రష్ ధర 499 డాలర్లు. అంటే మన భారతీయ కరెన్సీలో దాదాపు రూ.42,000 వరకు ఉంటుంది. ఇది సెరామిక్ పింక్, బ్లూ రంగుల్లో లభిస్తుంది. మనదేశంలో బ్రష్పై రూ.42,000 ఖర్చు చేయడం ఎంతవరకు సాధ్యమనేది పక్కన పెడితే.. ఓరల్ కేర్లో టెక్నాలజీని ఈ స్థాయికి తీసుకెళ్లడం నిజంగా వింతే.
Also Read: లెనోవో నుంచి కొత్త గేమింగ్ ల్యాప్టాప్.. 165Hz స్క్రీన్, RTX 3050తో అదరగొట్టే ఫీచర్లు!
Share
సురేఖ అక్కా నేనున్నాను, పార్టీలోకి రావాలని కేఏపాల్ ఆహ్వానం
డ్యూయల్ డ్రైవర్స్,ఆర్జీబీ లైట్స్..బడ్జెట్లో బెస్ట్ పార్టీ టవర్ స్పీకర్ !
