Foldable iPhones : మార్కెట్‌లో ఆపిల్ (Apple) ఉత్పత్తులకు మంచి డిమాండ్‌ ఉంటుదన్న సంగతి తెలిసిందే. మరీ ముఖ్యంగా ఐఫోన్లకు ఉన్న క్రేజ్‌ గురించి ప్రత్యేకంగా చెప్పనక్కర్లేదు. అయితే ప్రస్తుతం గ్లోబల్‌ మార్కెట్‌లో మొబైల్‌ కంపెనీలు ఫోల్డబుల్ ఫోన్లపై ఎక్కువగా దృష్టి సారిస్తున్నాయి. ఇప్పటికే శామ్‌సంగ్‌ (Samsung), వన్‌ప్లస్‌ (Oneplus), హువావే (huawei), మోటరోలా (Motorola), గూగుల్ (Google)సహా తదితర కంపెనీలు ఫోల్డబుల్ మొబైల్స్‌ను లాంఛ్ చేశాయి. కానీ ఆపిల్ మాత్రం ఫోల్డబుల్‌పై దృష్టి మాత్రం సారించలేదు.
కానీ యాపిల్.. ఫోల్డబుల్ పై దృష్టి పెట్టబోతున్నట్లు ఆ మధ్య ప్రచారం సాగింది. ఇప్పుడు ఆ దిశగానే మరింత ముందుకు ఆపిల్ అడుగులు వేస్తున్నట్లు తాజాగా సమాచారం అందింది. తాజాగా ఆపిల్ ఈ ఫోల్డబుల్ కోసం ‘కటింగ్ ఎడ్జ్ హింజ్ మెకానిజమ్’ (కొత్త, అత్యాధునిక ఫోల్డింగ్ మెకానిజమ్) కోసం పేటెంట్ పొందినట్లు తెలుస్తోంది. అంటే దీని ద్వారా యాపిల్ ఫోల్డబుల్ డివైస్ను త్వరలోనే తీసుకొచ్చేందుకు ప్లాన్ చేస్తున్నట్లు అర్థమవుతోంది.
ఈ విషయం యూఎస్ పేటెంట్ అండ్ ట్రేడ్ మార్క్ ఆఫీస్ వెబ్సైట్లో ప్రచురితమైంది. ఈ హింజ్ మెకానిజమ్ (ఫోల్డింగ్) డిజైన్ను స్మార్ట్ ఫోన్లతో పాటు ట్యాబ్లెట్స్, ల్యాప్ టాప్స్ లేదా ఇతర డివైస్లో ఉపయోగించొచ్చు. అయితే యాపిల్ నుంచే రాబోయే ఆ ఫస్ట్ ఫోల్డబుల్ ప్రొడక్ట్ డీటెయిల్స్ ఏమిటనేది ఇంకా తెలీయలేదు. కాబట్టి ఫోల్డ్బుల్ స్మార్ట్ ఫోన్ను యాపిల్ తీసుకొస్తుందా లేదా ఇతర ఫోల్డబుల్ డివైస్లను తీసుకొస్తుందా అనేది ప్రస్తుతానికి పక్కాగా తెలీదు.
పెటెంట్ ప్రకారం ఈ హింజ్ మెకానిజమ్లో మాల్టిపుల్ ఇంటర్లాకింగ్ లింక్స్ ఉంటాయి. రొటేషన్కు వీలుగా ఇవి సహకరిస్తాయి. తద్వారా డివైస్ను ఫోల్డ్ లేదా అన్ఫోల్డ్ను సులభంగా చేసేయొచ్చు. రొటేషన్ను కంట్రోల్ చేసేందుకు ఇంటర్లాక్డ్ ఫింగర్స్, క్రిసెంట్ షేప్డ్ స్లాట్స్ ఉన్న ఫ్రిక్షన్ క్లచ్ను కూడా ఈ హింజ్ మెకానిజమ్లో ఉన్నట్లు పేటెంట్లో రాసి ఉంది.
ఇంకా ఇందులో స్ర్పింగ్, ప్యాడ్, రోలర్తో కూడిన ప్రత్యేకమైన కౌంటర్‌బ్యాలెన్స్ మెకానిజం కూడా ఉందని తెలిసింది. దీంతో పాటే యాపిల్స్ ఫోల్డబుల్ డివైసెస్లో కన్సీల్డ్ కెమెరా కూడా ఉంటుందట. దీనిని డివైస్ ఫోల్డ్ చేసినప్పుడు ఉండేలా అమర్చుతున్నారట. ఇంకా టు డైమెన్షనల్ య్యారే, ఫ్లెక్సిబుల్ డిస్ప్లే వంటివి ఈ ఫోల్డబుల్ డివైస్పై అటాచ్ చేయనున్నారు. మొత్తంగా యాపిల్ తన ఫోల్డబుల్ ప్రొడెక్ట్ను విడుదల చేయటానికి మరి కొన్నేళ్లు సమయం తీసుకోవచ్చని తెలుస్తోంది.
అయితే ఆపిల్ ఫోల్డబుల్ డివైస్ (Apple Foldable Phones) ను లాంఛ్ చేస్తుందన్న వార్త వినియోగదారుల్లో ఉత్సాహాన్ని పెంచింది. యూజర్లకు ఈ ఫోల్డబుల్ సరికొత్త ఎక్స్‌పీరియన్స్‌ను అందించనుందని నివేదికలు చెబుతున్నాయి. ముఖ్యంగా ఆపిల్ ఫోల్డబుల్ స్మార్ట్ ఫోన్స్ అందుబాటులోకి వస్తే మార్కెట్‌పై భారీ ప్రభావం చూపే అవకాశం ఉందని నిపుణులు అంచనా వేస్తున్నారు. ఎందుకంటే ఇప్పటికే ఆపిల్ ఉత్పత్తులకు మార్కెట్లకు భారీగా డిమాండ్‌ ఉన్న సంగతి తెలిసిందే. మరి ఈ మెుబైల్స్ ఎప్పుటినుంచి అందుబాటులోకి రాబోతున్నాయో చూడాలి.
ALSO READ : ఇకపై వాట్సాప్ లోనే ట్రాన్స్లేషన్.. ఎలా పనిచేస్తుందంటే!
Share
Akshay Kumar : షూటింగ్ స్పాట్ లో ప్రమాదం... అక్షయ్ కుమార్ కు గాయాలు
7/G Movie: ఓటీటీలోకి సోనియా అగర్వాల్ హారర్ థ్రిల్లర్ ‘7/G’.. ఎక్కడ చూడొచ్చంటే.?
