Quatix 8 Pro Marine Smartwatch: అమెరికన్ గార్మిన్ సంస్థ తన ప్రీమియం మెరైన్ వేర్బుల్స్ లైనప్లో మరో శక్తివంతమైన స్మార్ట్వాచ్ను మార్కెట్లోకి తీసుకొచ్చింది. తాజాగా విడుదలైన Quatix 8 Proను ప్రత్యేకంగా సముద్రంలో ఎక్కువ సమయం గడిపే బోటర్లు, జాలర్లు, మెరైన్ ప్రొఫెషనల్స్ అవసరాలను దృష్టిలో పెట్టుకుని డిజైన్ చేశారు. డిజైన్ నుంచి కనెక్టివిటీ వరకూ ప్రతీ అంశంలోనూ వాటర్ ఫోకస్ స్పష్టంగా కనిపిస్తుంది.
డిజైన్ విషయానికి వస్తే.. Quatix 8 Pro తన మునుపటి మోడల్ లుక్ను కొనసాగించింది. దీనిలో 47mm టైటానియం బెజెల్, స్క్రాచ్ రెసిస్టెంట్ సఫైర్ క్రిస్టల్ ఉపయోగించారు. 1.4-ఇంచుల AMOLED డిస్ప్లే పీక్ బ్రైట్నెస్ ఎక్కువగా ఉండటం వల్ల ఎండలో కూడా స్క్రీన్ చాలా క్లియర్గా కనిపిస్తుంది. ఉప్పు నీరు, సముద్ర స్ప్రే, ఎక్కువసేపు నీటిలో ఉన్నా సమస్య రాకుండా ఈ వాచ్ను గట్టిగా తయారు చేశారు.
ఈ వాచ్ను నిజంగా ప్రత్యేకంగా నిలబెట్టేది దాని కనెక్టివిటీ ఫీచర్లు. సముద్రంలోకి వెళ్లినప్పుడు సిగ్నల్ కోల్పోవడం చాలామందికి పెద్ద తలనొప్పి. దీనికి పరిష్కారంగా Garmin ఈ వాచ్లో inReach శాటిలైట్ టెక్నాలజీతో పాటు LTE సెల్యులర్ మాడ్యూల్ను అందించింది. దీని ద్వారా ఫోన్ అవసరం లేకుండానే సుమారు 80 కిలోమీటర్లు(50 మైళ్లు) దూరంలో ఉన్నా టెక్ట్స్ మెసేజ్లు పంపడం, వాయిస్ కాల్స్ చేయడం, రియల్ టైమ్ వెదర్ అప్డేట్స్ తెలుసుకోవడం సాధ్యమవుతుంది.
అత్యవసర పరిస్థితుల కోసం Quatix 8 Proలో SOS రెస్క్యూ ఫీచర్ కూడా ఉంది. వాచ్ నుంచి డిస్ట్రెస్ సిగ్నల్ పంపగానే అది Garmin 24/7 ఎమర్జెన్సీ రెస్పాన్స్ సెంటర్కు చేరుతుంది. ఇప్పటివరకు ఈ సెంటర్ ద్వారా 1,200కిపైగా నీటి మధ్య రెస్క్యూ ఆపరేషన్లు విజయవంతంగా పూర్తయ్యాయని కంపెనీ చెబుతోంది.
సాఫ్ట్వేర్ పరంగా చూస్తే, ఇందులో కొత్తగా ఇచ్చిన Boat Mode ప్రత్యేక ఆకర్షణగా నిలుస్తుంది. నీటిపై ఉన్నప్పుడు ఆటోపైలట్ కంట్రోల్స్, ట్రోలింగ్ మోటర్ స్టేటస్, వెసెల్ డేటా వంటి కీలక సమాచారాన్ని స్క్రీన్పై ముందుగానే అలెర్ట్ చేస్తుంది. ఒడ్డుకు చేరుకున్న తర్వాత వాచ్ ఆటోమేటిక్గా హెల్త్ ట్రాకింగ్ మోడ్కు మారుతుంది.
ఇన్ని ఫీచర్లు ఉన్నప్పటికీ, స్మార్ట్వాచ్ మోడ్లో 15 రోజుల వరకు బ్యాటరీ లైఫ్ ఇస్తుందని Garmin చెబుతోంది. దీనితో పాటు హెల్త్ ట్రాకింగ్, Garmin Pay, 100కిపైగా స్పోర్ట్స్ మోడ్లు, వేక్బోర్డింగ్, వాటర్ స్కీయింగ్ లాంటి వాటర్ స్పోర్ట్స్ ఫీచర్లు కూడా ఇందులో ఉన్నాయి.
ధర విషయానికి వస్తే, Garmin Quatix 8 Pro ధర రూ.1,17,200గా నిర్ణయించారు. ఇది ఒక్క 47mm వేరియంట్లోనే అందుబాటులో ఉండగా.. జనవరి 16 నుంచి అమ్మకాలు ప్రారంభం కానున్నాయి. సముద్రంలో భద్రత, బలమైన కనెక్టివిటీకి ప్రాధాన్యం ఇచ్చేవారికి ఇది నిజంగా ఓ ప్రీమియం ఆప్షన్.
Also Read: ఏఐ కోసం చేతులు కలిపిన యాపిల్, గూగుల్.. గుత్తాదిపత్యమేనని ఎలాన్ మస్క్ ఆందోళన!
Share
Sabarimala: అద్భుత ఘట్టం.. శబరిగిరుల్లో భక్తి పారవశ్యం.. మకరజ్యోతిగా దర్శనమిచ్చిన మణికంఠుడు
Electric Mercedes Award: ఎలక్ట్రిక్ మెర్సిడెస్ బెంజ్ కు అరుదైన గుర్తింపు.. యూరోపియన్ కార్ ఆఫ్ ది ఇయర్ గా..
