గూగుల్ అదిరిపోయే సర్‌ప్రైజ్.. ఏకంగా 5TB ఉచిత స్టోరేజ్.. ఎలా పొందాలంటే?

Google Storage: ప్రముఖ టెక్ దిగ్గజం గూగుల్.. తన యూజర్లకు ఒక అదిరిపోయే సర్‌ప్రైజ్ ఇచ్చింది. గూగుల్ ఏఐ ప్రో (Google AI Pro) ప్లాన్ వాడుతున్న వారికి ఎటువంటి అదనపు ఖర్చు లేకుండా స్టోరేజ్ సామర్థ్యాన్ని రెట్టింపు కంటే ఎక్కువగా పెంచింది. గతవారమే గూగుల్ ఈ బంపరాఫర్ ప్రకటించినప్పటికీ.. తాజాగా వాటి ప్రయోజనాలు అందుబాటులోకి వచ్చాయి. ఈ నేపథ్యంలో గూగుల్ ప్రకటించిన ఈ ఆఫర్ వివరాలు? ఇందుకు గల ప్రధాన కారణాలేంటో ఈ కథనంలో చూద్దాం.

5TB ఉచిత స్టోరేజ్

గూగుల్ ఏఐ ప్రో ప్లాన్ లో ఇప్పటివరకూ 2TB స్టోరేజ్ మాత్రమే ఉండేది. ఇప్పుడు దానిని ఏకంగా 5TBకి పెంచుతూ గూగుల్ నిర్ణయం తీసుకుంది. స్టోరేజ్ పెరిగినప్పటికీ చెల్లించాల్సిన నెలవారీ, వార్షిక రుసుముల్లో ఎలాంటి మార్పు గూగుల్ చేయలేదు. ఇండియాలో గూగుల్ ఏఐ ప్రో ప్లాన్ నెలవారి ధర రూ.1,950 గానే కొనసాగుతోంది.

అన్ని సర్వీసులకు వర్తిస్తుంది

గూగుల్ ఆఫర్ చేస్తున్నఈ 5TB స్పేస్‌ను గూగుల్ డ్రైవ్ (Drive), జిమెయిల్ (Gmail), గూగుల్ ఫొటోస్ (Photos) వంటి అన్ని గూగుల్ సర్వీసుల్లో ఉపయోగించుకోవచ్చు. మరోవైపు రిలయన్స్ జియో ఆఫర్ ద్వారా లేదా కాంప్లిమెంటరీగా AI Pro సబ్‌స్క్రిప్షన్ పొందిన వారికి కూడా ఈ 5TB బెనిఫిట్ వర్తిస్తుందని గూగుల్ వర్గాలు స్పష్టం చేశాయి.

Also Read: బడ్జెట్ నిర్వాహణలో టాలీవుడ్ అంత పూరా?.. ఈ విషయాలు తెలిస్తే మతి పోతుంది..

ఎందుకు ఈ మార్పు?

ప్రస్తుతం AI ద్వారా క్రియేట్ చేసే హై-రిజల్యూషన్ వీడియోలు, ఇమేజ్‌లు, ఇతర భారీ ఫైల్స్ స్టోర్ చేసుకోవడానికి ఎక్కువ స్టోరేజ్ అవసరమవుతోంది. ఫలితంగా ఫోన్, కంప్యూటర్ లోని స్టోరేజ్ త్వరగా నిండిపోతోందని యూజర్లు ఆందోళన చెందుతున్నారు. దీనిని గుర్తించిన గూగుల్.. ఇప్పటివరకూ ఏఐ ప్లాన్ కింద అందిస్తున్న 2TB స్టోరేజ్ కు అదనంగా మరో 3TB స్టోరేజ్‌ను ఉచితంగా జోడించింది.

Also Read: కొత్త ఐటీ రూల్స్.. ఉద్యోగుల పంట పండినట్లే.. వామ్మో ఎన్ని ప్రయోజనాలో..!