Google Pixel 11: గూగుల్ అభిమానులకు గుడ్ న్యూస్ చెప్పిన కంపెనీ. ఎప్పుడెప్పుడా అని ఎదురుచూస్తున్న సరికొత్త ‘గూగుల్ పిక్సెల్ 11’ సిరీస్కు సంబంధించిన మొదటి అధికారిక టీజర్ను సంస్థ విడుదల చేసింది. న్యూయార్క్ నగరంలో ఆగస్టు 12న జరగబోయే ‘మేడ్ బై గూగుల్’ ఈవెంట్లో ఈ ఫోన్లను ప్రపంచానికి పరిచయం చేయనున్నారు. ఈ టీజర్ ద్వారా పిక్సెల్ 11 బ్రాండింగ్తో పాటు ఫోన్ వెనుక భాగంలో వచ్చే ఒక వినూత్నమైన లైటింగ్ ఫీచర్ను గూగుల్ అధికారికంగా ఖరారు చేసింది.
గూగుల్ స్టోర్ హోమ్పేజీలో కనిపించిన ఈ టీజర్ వీడియోలో గోల్డ్ కలర్ పిక్సెల్ ఫోన్ మెరిసిపోతూ కనిపించింది. అయితే ఈసారి అందరి దృష్టిని ఆకర్షిస్తున్న ప్రధాన విశేషం Pixel Glow. సాధారణంగా ఫోన్లలో వచ్చే నోటిఫికేషన్ లైట్లలా కాకుండా.. కెమెరా పక్కన ఉండే ఫ్లాష్ ఏరియాలోనే ఈ సరికొత్త లైటింగ్ ఫీచర్ను అమర్చారు. ఇది రకరకాల రంగుల్లో వెలుగుతూ యానిమేషన్ తరహాలో కనిపిస్తుంది. దీంతో ఫోన్కు మరింత ప్రీమియం లుక్ రానుంది. అయితే ఈ లైట్ ఏయే పనులకు, ఎలా ఉపయోగపడుతుందనే వివరాలను గూగుల్ ఇంకా పూర్తిగా వెల్లడించలేదు.
కొత్త ఫోన్ కొనాలనుకునే వారి కోసం లాంచ్ రోజే ప్రీ-ఆర్డర్స్ కూడా ప్రారంభం కానున్నాయి. ఆగస్టు 12న ఈవెంట్ ముగిసిన వెంటనే బుకింగ్స్ చేసుకోవచ్చు. అంతేకాదు.. అమెరికాలో ఉన్న వినియోగదారులు జులై 15 నుంచి ఆగస్టు 7 లోపు గూగుల్ స్టోర్లో తమ ఈ-మెయిల్ ఐడీతో రిజిస్టర్ చేసుకుంటే, వారికి ఆగస్టు 11న ఒక ప్రత్యేక ప్రొమో కోడ్ వస్తుంది. దీని ద్వారా పిక్సెల్ 11 సిరీస్ కొనుగోలుపై మంచి ఆఫర్లను పొందవచ్చు.
Also Read: పవర్ఫుల్ కెమెరా, లాంగ్ బ్యాటరీ బ్యాకప్.. Motorola Edge 70 Max ఫీచర్లు చూస్తే వావ్ అనాల్సిందే!
ఈసారి లాంచ్ ఈవెంట్లో పిక్సెల్ 11 బేసిక్ మోడల్తో పాటు పిక్సెల్ 11 ప్రో, ప్రో ఎక్స్ఎల్, పిక్సెల్ 11 ప్రో ఫోల్డ్ మోడళ్లను కూడా లాంచ్ చేయనున్నారు. వీటిలో శాంసంగ్ కంపెనీకి చెందిన అత్యాధునిక డిస్ప్లేలు, 2 నానోమీటర్ టెక్నాలజీతో తయారైన గూగుల్ స్వంత Tensor G6 ప్రాసెసర్ను వాడబోతున్నట్లు తెలుస్తోంది. కెమెరా పనితీరును కూడా మరింత మెరుగుపరిచారు. ఈ ఫోన్లతో పాటు సరికొత్త స్మార్ట్వాచ్ ‘పిక్సెల్ వాచ్ 5’ను కూడా రెండు వేర్వేరు సైజుల్లో గూగుల్ రంగంలోకి దించనుంది.
ప్రస్తుతం నడుస్తున్న ఆర్టిఫిషియల్ ఇంటెలిజెన్స్ (AI) ట్రెండ్కు తగ్గట్టుగా.. పిక్సెల్ 11 సిరీస్లో గూగుల్ జెమిని ఏఐ ఫీచర్లను భారీగా చేర్చనుంది. వాయిస్ అసిస్టెంట్ నుంచి ఫొటో ఎడిటింగ్ వరకు ప్రతి విషయంలోనూ గూగుల్ ఏఐ టెక్నాలజీ ఈ ఫోన్లను మరింత స్మార్ట్గా మార్చనుంది. మొత్తానికి ఈ సరికొత్త సిరీస్ మొబైల్ ప్రియులకు సరికొత్త అనుభూతిని పంచడానికి సిద్ధమవుతోంది.
Also Read: యాపిల్ iPad Mini లవర్స్కు భారీ షాక్.. ఆ ఒక్క ఫీచర్ తీసేసి పెద్ద తప్పు చేశారా?
Share
రాజకీయ రంగు పులుముకుంటున్న కేసులు.. ఏపీలో ఏమిటీ ఈ పరిస్థితి?
నీటితో నడిచే ఈ రైలు టికెట్ ధర మరీ అంత తక్కువ? ఆ రేటుకు చిప్స్ ప్యాకెట్ కూడా రాదు కదయ్యా!
