Haier 596 L Refrigerator: ప్రముఖ గృహోపకరణాల సంస్థ హైయర్, భారత మార్కెట్లోకి సరికొత్త 596 లీటర్ల సైడ్-బై-సైడ్ రిఫ్రిజిరేటర్ను విడుదల చేసింది. అత్యాధునిక ఫీచర్లు, ప్రీమియం లుక్తో వచ్చిన ఈ మోడల్ ప్రారంభ ధరను రూ.65,990గా నిర్ణయించారు. ఈ నేపథ్యంలో మధ్యతరగతి ఇళ్లలో వాడే డబుల్ డోర్ ఫ్రిడ్జ్లను అప్గ్రేడ్ చేసుకోవాలనుకుంటే.. ఈ సైడ్-బై-సైడ్ రిఫ్రిజిరేటర్పై ఓ లుక్కేయండి.
ఈ రిఫ్రిజిరేటర్లో ప్రధానంగా చెప్పుకోవాల్సింది బయట వైపు ఉండే 2.5 లీటర్ల వాటర్ డిస్పెన్సర్ గురించి. ఫ్రిడ్జ్ తలుపు తీయకుండానే కూల్ వాటర్ను పట్టుకోవచ్చు. దీనివల్ల లోపల ఉండే కూలింగ్ తగ్గకుండా ఉండటమే కాకుండా విద్యుత్ ఆదా అవుతుంది. అలాగే ఫ్రిడ్జ్ బయట ఉండే డిజిటల్ డిస్ప్లే ద్వారా సెట్టింగులను మార్చుకోవడం చాలా సులభం.
Also Read: జియో షాకింగ్ ఆఫర్.. రూ.579 ప్లాన్తో రూ.35,000 విలువైన ప్రీమియం సర్వీస్ ఫ్రీ!
హైయర్ ఈ మోడల్లో HaiSmart యాప్ సపోర్ట్ను అందించింది. దీనివల్ల యూజర్లు తమ ఫోన్ ద్వారానే ప్రపంచంలో ఎక్కడి నుంచైనా ఫ్రిడ్జ్ ఉష్ణోగ్రతను నియంత్రించవచ్చు. అలాగే దీనిలో ఉన్న స్మార్ట్ సెన్స్ ఏఐ టెక్నాలజీ ఇంట్లోని వాతావరణాన్ని, మనం ఫ్రిడ్జ్ను వాడే విధానాన్ని గమనించి, దానికి తగ్గట్టుగా కూలింగ్ను సర్దుబాటు చేస్తుంది. తద్వారా ఆహార పదార్థాలు ఎక్కువ కాలం తాజాగా ఉంటాయి.
మన అవసరాలకు తగ్గట్టుగా ఈ ఫ్రిడ్జ్లో 100 శాతం కన్వర్టబుల్ స్టోరేజ్ సదుపాయాన్ని ఇచ్చారు. దీంతో మనకు అవసరమైనప్పుడు ఫ్రీజర్ భాగాన్ని కూడా ఫ్రిడ్జ్గా మార్చుకోవచ్చు. పండుగలు లేదా ఫంక్షన్ల సమయంలో ఎక్కువ సామాగ్రిని నిల్వ చేసుకోవడానికి ఈ వెసులుబాటు ఎంతగానో ఉపయోగపడుతుంది.
ప్రీమియం ఫీచర్లను తక్కువ ధరకే అందించడం ద్వారా హైయర్ భారత మార్కెట్లో తన పట్టును పెంచుకోవాలని చూస్తోంది. పట్టణ ప్రాంతాల్లో పెద్ద ఫ్రిడ్జ్లకు పెరుగుతున్న డిమాండ్ను దృష్టిలో ఉంచుకుని ఈ HRS-682 సిరీస్ను అందుబాటులోకి తెచ్చింది. ప్రస్తుతం ఈ రిఫ్రిజిరేటర్లు అన్ని ప్రముఖ రిటైల్ స్టోర్లు, ఆన్లైన్ ప్లాట్ఫారమ్లలో లభిస్తున్నాయి.
Also Read: ఫ్లిప్కార్ట్లో దిమ్మతిరిగే ఆఫర్.. రూ.2,400 లోపు ‘క్రోమా 2000W ఇండక్షన్’ కుక్టాప్!
Share
NIC Recruitment 2026: రూ.లక్షల జీతంతో కేంద్ర ప్రభుత్వ ఉద్యోగం.. ఈ అర్హత ఉంటే ఎనఫ్, పూర్తి వివరాలివే
Indian Railway: హైదరాబాదీయులకు గుడ్ న్యూస్… ఆ స్పెషల్ రైళ్లు రెగ్యులర్ సర్వీసులు అందిస్తాయ్!
