Wi-Fi Speed Tips: నేటి ఆధునిక యుగంలో ఇంటి నిండా స్మార్ట్ డివైజ్లు, ఆన్లైన్ క్లాసులు, వర్క్ ఫ్రమ్ హోమ్లతో ప్రతి ఒక్కరికీ Wi-Fi అత్యవసరంగా మారింది. అయితే, ఇంట్లోని హాల్లో వైఫై రూటర్ ఉంటే.. కొన్ని గదులకు సిగ్నల్స్ సరిగ్గా అందక ఇంటర్నెట్ నెమ్మదించడం ఇప్పుడు చాలామంది ఎదుర్కొంటున్న పెద్ద సమస్య. ఈ నేపథ్యంలో ఇంట్లో ఏ మూలన కూర్చున్న హైస్పీడ్ ఇంటర్నెట్ను ఎలా పొందాలో తెలుసుకుందాం.
చాలామంది Wi-Fi రూటర్ను ఒక మూలనో లేదా టీవీ వెనకాలనో దాచేస్తుంటారు. దీనివల్ల సిగ్నల్స్ సరిగ్గా ప్రసరించవు. రూటర్ను ఎప్పుడూ ఇంటికి మధ్యలో, కొంచెం ఎత్తైన ప్రదేశంలో లేదా షెల్ఫ్పై ఉంచాలి. మందపాటి గోడలు, ఇనుప వస్తువులకు దీనిని దూరంగా ఉంచడం వల్ల సిగ్నల్స్ అడ్డుపడకుండా ఇల్లంతా సమానంగా అందుతాయి.
పాతకాలపు రూటర్లు ఎక్కువ డివైజ్లను తట్టుకోలేవు. అందుకే Wi-Fi 6E లేదా Wi-Fi 7 వంటి ఆధునిక రూటర్లను వాడటం మంచిది. ఇవి ఎక్కువ స్పీడ్ను ఇవ్వడమే కాకుండా.. ఇంట్లో ఎన్ని డివైజ్లు ఉన్నా ఇంటర్నెట్ స్లో అవ్వకుండా చూసుకుంటాయి. ట్రై-బ్యాండ్ సపోర్ట్ ఉన్న రూటర్లు అయితే మరింత సమర్థవంతంగా పనిచేస్తాయి.
Also Read: ఇలాంటి డివైజ్ కోసమే కదా ఇన్నాళ్లూ వెయిటింగ్.. జస్ట్ 3 సెకెండ్స్లో హాట్ వాటర్, ఐస్ క్యూబ్స్ రెడీ!
పెద్ద ఇల్లు లేదా రెండంతస్తుల ఇల్లు అయితే సాధారణ రూటర్ సరిపోకపోవచ్చు. అలాంటి సమయాల్లో మెష్ Wi-Fi సిస్టమ్ అద్భుతంగా పనిచేస్తుంది. ఇది ఇంట్లో వేర్వేరు చోట్ల చిన్న నోడ్స్ లాగా అమరిపోయి, సింగిల్ నెట్వర్క్ పేరుతో ఇల్లంతా ఒకేలాంటి హై-స్పీడ్ ఇంటర్నెట్ను అందిస్తుంది. దీనివల్ల మనం ఏ గదిలోకి వెళ్లినా సిగ్నల్ ఫుల్గా అందుతుంది.
రూటర్ సెట్టింగ్స్ను కాస్త ఆప్టిమైజ్ చేయడం ద్వారా కూడా స్పీడ్ పెంచుకోవచ్చు. దూరంగా ఉన్న రూమ్ల కోసం 2.4 GHz బ్యాండ్, వేగవంతమైన ఇంటర్నెట్ కోసం 5 GHz లేదా 6 GHz బ్యాండ్ వాడాలి. అలాగే రూటర్ సాఫ్ట్వేర్ను ఎప్పటికప్పుడు అప్డేట్ చేస్తూ.. పక్కింటి వై-ఫై సిగ్నల్స్ అడ్డుపడకుండా ఛానెల్ను మార్చుకుంటే మీ నెట్వర్క్ ఏదైనా సూపర్ ఫాస్ట్గా మారుతుంది.
Also Read: అద్భుతమైన సోనీ సెన్సార్స్, 4K వీడియో.. రూ.30 వేలలో టాప్ కెమెరా స్మార్ట్ఫోన్స్ ఇవే!
Share
భువనగిరి కలెక్టరేట్లో మంత్రుల కీలక సమీక్ష.. ధాన్యం కొనుగోళ్లపై అధికారులకు దిశానిర్దేశం
ఇక ఫ్రిడ్జ్ అవసరమే లేదు.. ఇంట్లోని మట్టి కుండనే ‘ఐస్’లా మార్చేయండి!
