iOS 27 వచ్చేసింది.. iPhone 11 నుండి iPhone 17 Pro Max వరకు.. ఏయే ఫోన్లకు సపోర్ట్ చేస్తుందంటే?

iOS 27 Beta: యాపిల్ ప్రియులకు గుడ్ న్యూస్. సరికొత్త ఐఓఎస్ 27 డెవలపర్ బీటా 1 అప్‌డేట్‌ను కంపెనీ తాజాగా అందుబాటులోకి తెచ్చింది. ప్రతి ఏటా నిర్వహించే వరల్డ్‌వైడ్ డెవలపర్స్ కాన్ఫరెన్స్ (డబ్ల్యూడబ్ల్యూడీసీ) 2026 ఈవెంట్ ముగిసిన వెంటనే డెవలపర్ల కోసం యాపిల్ ఈ అప్‌డేట్‌ను విడుదల చేసింది. ఈ సరికొత్త ఆపరేటింగ్ సిస్టమ్‌లో ఐఫోన్ లుక్‌ను మార్చేసేలా సరికొత్త లిక్విడ్ గ్లాస్ డిజైన్‌ను తీసుకొచ్చారు.

వీటితో పాటు ఫొటోస్, మెయిల్ యాప్స్‌లో కొత్త మార్పులు చేశారు. పిల్లల భద్రత కోసం ప్రత్యేక ఫీచర్లను చేర్చారు. అన్నిటికంటే ముఖ్యంగా, రెండేళ్ల క్రితం యాపిల్ ప్రామిస్ చేసిన మరింత తెలివైన Siri వాయిస్ అసిస్టెంట్‌ను ఎట్టకేలకు ఈ అప్‌డేట్‌తో యూజర్ల ముందుకు తెచ్చారు.

ఈ ఫోన్లలో ఐఓఎస్ 27 పని చేస్తుంది:

సాధారణంగా కొత్త అప్‌డేట్ వస్తే పాత ఫోన్లకు సపోర్ట్ నిలిచిపోతుంటుంది. కానీ, ఈసారి యాపిల్ పాత మోడల్స్ వాడుతున్న వారికి కూడా తీపి కబురు చెప్పింది. గత ఐఓఎస్ వెర్షన్‌ సపోర్ట్ చేసిన అన్ని ఐఫోన్లలోనూ ఈ కొత్త అప్‌డేట్ పని చేస్తుంది. ఐఫోన్ 11 సిరీస్ నుంచి మొదలుకొని రాబోయే ఐఫోన్ 17 ప్రో మాక్స్ వరకు అన్ని లేటెస్ట్ ఫోన్లలో దీనిని వాడుకోవచ్చు.

అలాగే ఐఫోన్ ఎస్ఈ 2020, ఐఫోన్ ఎస్ఈ 2022 మోడల్స్ వాడుతున్న వారు కూడా ఈ కొత్త అప్‌డేట్‌ను పొందవచ్చు. అయితే, యాపిల్ ఇంటెలిజెన్స్ (ఏఐ) ఫీచర్లు మాత్రం కేవలం ఐఫోన్ 15 ప్రో మరియు ఆ పై మోడల్స్‌కే పరిమితం కానున్నాయి.

Also Read: మూడు 50MP కెమెరాలతో Oppo Find X9s భారత్‌లో విడుదల.. ధర, ఫీచర్లు ఇవే!

బీటా అప్‌డేట్ చేసే ముందు జాగ్రత్త:

ఈ ఐఓఎస్ 27 అధికారికంగా అందరు యూజర్లకు అందుబాటులోకి రావడానికి మరికొన్ని నెలల సమయం పడుతుంది. అయితే కొత్త ఫీచర్లను ఇప్పుడే వాడాలనుకునే వారు బీటా వెర్షన్‌ను ఇన్‌స్టాల్ చేసుకోవచ్చు. కాకపోతే.. ఇవి కేవలం టెస్టింగ్ కోసం విడుదల చేసినవి కాబట్టి కొన్ని బగ్స్ లేదా సమస్యలు ఉండే అవకాశం ఉంది.

దీనివల్ల ఫోన్ స్లో అవ్వడం, బ్యాటరీ త్వరగా అయిపోవడం లేదా డేటా పోవడం వంటి ఇబ్బందులు రావచ్చు. అందుకే ఈ అప్‌డేట్ చేసుకునే ముందు మీ ఐఫోన్‌లోని ముఖ్యమైన డేటాను బ్యాకప్ చేసుకోవడం చాలా మంచిది.

ఇలా ఇన్‌స్టాల్ చేసుకోండి:

మీరు కూడా ఐఓఎస్ 27 బీటా వెర్షన్‌ను వాడాలనుకుంటే ముందుగా యాపిల్ డెవలపర్ అకౌంట్ కలిగి ఉండాలి. దీనికోసం యాపిల్ బీటా వెబ్‌సైట్‌లోకి వెళ్లి మీ యాపిల్ ఐడీతో లాగిన్ అయి, నియమ నిబంధనలకు ఓకే చెప్పాలి. ఆ తర్వాత మీ ఐఫోన్ సెట్టింగ్స్‌లోకి వెళ్లి, జనరల్ ఆప్షన్ ద్వారా సాఫ్ట్‌వేర్ అప్‌డేట్‌లోకి వెళ్లాలి.

అక్కడ బీటా అప్‌డేట్స్ అనే ఆప్షన్ కనిపిస్తుంది. అందులో డెవలపర్ బీటాను సెలెక్ట్ చేసుకుంటే చాలు, మీకు ఐఓఎస్ 27 అప్‌డేట్ కనిపిస్తుంది. డౌన్‌లోడ్ చేసుకుని కొత్త ఫీచర్లను ఎంజాయ్ చేయవచ్చు. ఒకవేళ వద్దు అనుకుంటే ఆ ఆప్షన్‌ను ఆపేయవచ్చు.

Also Read: అడ్వాన్స్‌డ్ ఏఐ ఫీచర్లు, 200MP కెమెరాతో వివో కొత్త ఫోల్డబుల్ ఫోన్.. లాంచ్ ఎప్పుడంటే!